ankawa
منتدى الهجرة واللجوء => الهجرة و واللاجئين => الموضوع حرر بواسطة: nightmoon78 في 16:33 30/07/2009
-
ماهي الاجراءات عندما تصل للولايات المتحدة الامريكية من قبل المنظمة وغيرها ؟
بداية من المطار الى .......بيتك وبعدها ماذا.
-
اخي العزيز هاي اسئلتك كلها مجاوبين عليها بالتفصيل الاخوان اعضاء المنتدى واكو عشرات القصص والوصف التفصيلي المفيد لغالبية اعضاء المنتدى اللي وصلو بس شوية دور بالمنتدى وانتة تبقة للصبح تقرة
-
تكدرتشوف الاجوبة القديمة وتحصل على سؤالك
-
والله شكرا على الرد اخواني لازم ومن الضروري ان نتباحث وهذه اسئلتي مهمه جدا للنقطتين اساسيتين اولا: المنتدى عليه اقبال كلش اهوايه بين مشتركين اعضاء وبين مشاهدين جدد والعراقيين هسه عندهم فرصه كبيرة وماتتعوض للسفر مجانا خارج العراق ....
وثانيا وهي الاهم : ان اللي دايطلعون اكو تغيرات بين يوم وضحاها واجراءات جديده وتدابير متقدمه فعليه السوؤال ابمحله واسف يمكن الرد غير مقبول لكن محور حديثنا يتناول اهم الاحداث .. واني دااشوفوني اكتب باليوم اكثر من موضوع ليس استفاده شخصية لكن للجميع واسف وشكرا علا الرد يااخوتي.
-
اخي العزيز صاحب الموضوع راح احجليلك الاجراءت بالتفصيل الممل كول يااللة
اخي العزيز يوم الي تسافر وانشااللة عن قريب وهم انشااللة توصل بالسلامة للولاية الي مرشحه الك
اولا ما توصل اذا عندك كفيل خير على خير واذا ما عندك كفيل المنظمة هي راح تكون باستقبالك من المطار
خلي ابدي اشرح الك من ما يكون عندك كفيل وبعدين نحجي على دور الكفيل وشنو الدور الي يقوم به
بدون كفيل
كلنا انه المنظمة هي الي راح تستقبلك من المطار الى المكان الي يكون محضرين الك اذا انت عازب طبعا راح يخلوك تسكن مع شخص مثلك عازب او تكدر تكول اريد اسكن لوحد ماكو هنا شي بالكوه المهم واذا انت عندك عائلة راح يكون محضرين لو شقه لو بيت حسب عدد افراد العائلة لانه قانون الشقة ميسمح ان يكون عدد افراد المستاجرين اكثر من اربع نفراد لانه اغلب الشقق تكون عدد الغرفة بيها 3 وصالة وممنوع منعا باتا ان ينام ولد وبنت بنفس الغرفة من هما صغار هذا قانون الشقق
المهم ورى ما يشوفون الك مكان لتسكن بيه انت وعائلتك لو ان تكون لوحدك تكون الشقة او البيت مجهز ببعض الاغراض والاكل لمدة اسبوع ابو اسبوعيين وبعدين يخلوك ويروحون ورى كم يوم يجون حتى ينطوك المبلغ الي مخصص لكل لاجئ قسم منهم ينطوه وانت بالمطار وقسم لا يبقى يمهم يصرفون منه لدفع مقدما مال الشقة ويشترون هاي الاغراض والاكل والباقي ينطوه الك بس كل ولاية تختلف وكل منظمة هم تختلف عن بعضها بعدين يبدون كل يوم يجون عليك حتى تروح للدوائر الرسمية حتى يطلعون الك الشوسل نمبر وتقدم على الولفر وهم لازم تحضر بعض الندوات عن اللاجيين وهما يبقون وياك الى ان تكمل كل اوراقك وهم راح يساعدوك انه تشتغل هذا هو دور المنظمة
هسى نجي دور الكفيل
الكفيل اذا اذا كان انسان مساعد ويكون من الاقرباء كول بيها الخير واذا لا فاالاحسن ان تكون وي المنظمة
الكفيل نفس الخطوات الي تسويها المنظمة بس الفراق انه انت راح تسكن يمه كم يوم الى ان يشوف الك مسكن وهو ملزم بيك بكل شي معنوي مو مادي وهاي كلها تتوفق على الكفيل اذا كان زين وربي يوفقك ويوفق الجميع
-
شــــــــــــــــــكرا لللاخت انجي انا متزوج وعدد افراد عائلتي اربعه.............وعندي كفيل بس انا لغيت الكفيل حتى استوفي كل حقوقي من المنظمة وشكرا.