ankawa
منتدى الهجرة واللجوء => الهجرة و واللاجئين => الموضوع حرر بواسطة: marwan.aqrawi في 12:30 31/07/2009
-
اني عراقي وساكن ابسوريا صارلي 3 سنوات ولحد هسة ما اكوا شي
اني كنت اشتغل مترجم وطلعت من العراق ومن هذاك الوكت لحد هسة ما اكدرت ادخل السفارة الامريكية
علمود اقدم على شي لان جوازي اس وحاولت اراسل الاي او ام بعمان وهمة ردوا علية بس المشكلة الجماعة الي كنت اشتغل وياهم ما ردوا على اسالتهم فرجعوا دزولي رسالة بانه همة مراح اكدرون اساعدوني اذا ما اروح العمان
قدمت على فيزا للاردن وانرفضت
رجاءا كلولي شنوا الحل
-
السلام عليكم
أخي العزيز عدم أتصال اليو ان في سوريا بيك هو مسالة أعتيادية وولدت عندي قناعة بأنهم متعمدين أن ميتصلون بالمترجمين.
علمود تقدم على IOM لازم تكون موجود بعمان ومتأكد بأن الشخص صاحب رسالة التوصيه رح يجاوبهم وهذا نفس الشي ينطبق على بغداد والقاهرة.
تكدر تقدم على SIV بس لازم تكون عندك خدمه ويه الجيش اكثر من سنه وهذا الشي لازم موثق بالركمنديشنات والباجات.
أتمنى هذا الرد كافي وأذا تحتاج اكثر ممكن أن نجاوبك لان الاخوان هنا ميقصرون.
تقبل ردي
عيني بغداد
-
اخي العزيز اني اتوصلت لقناعة انه فس سوريا اي شخص له علاقة مع الامريكان يتعمدون مايتصلون انت مثل حالتي بالضبط هم عندي علاقات مع الامريكان وكنت بسوريا و سنتين وماكو شئ بس الحمد الله طلغالي الفيزا للاردن لان سويت تقرير طبي من طبيب بسوريا على اساس علاج بنتي الصغيرة وهسة اني تحولت للهجرة
نعم جماعة سوريا الامم ترة مخترقة كلها امن سياسي و مخابرات واللي عنده علاقة مع الامريكا ما يتصلون بيه واعرف اكثر من 3 حالات نفس الشئ
نصيحة الك حاول تسويي تقرير طبي و تحاول مرة ثانية على الفيزا و خلي سبب دخولك انه بحاجة للعلاج
والله كريم
-
شكرا على ردود الاخوة عينين بغداد rafid82
واني هم متاكد من هذا الحجي والضاهر لازم اطلع لعمان وراح احاول اطلع تقرير طبي
وارجع اقدم والباقي على ربنة