ankawa
منتدى الهجرة واللجوء => الهجرة و واللاجئين => الموضوع حرر بواسطة: جاوين اهلنة في 13:55 31/07/2009
-
السلام عليكم شباب ...
الي عندة شهادة اعدادي او كلية ومصدقة من خارجية بغداد وجاية كاملة , شنو الي تنصحون بي يترجمها قبل ميسافر امريكا لو هناك المنظمة اترجملهيا ؟ الي مترجم وثائق دراسة بالقاهرة ياريت يكولنة عالاجراءات اذا يفضل الترجمة والتصديق من القاهرة او يسويها من يوصل امريكا ؟؟؟ ::)
شكرا الكم ...
-
أخي العزيز ممكن اتروح الى اي مكتب ترجمة معتمد في مصر وترجم الشهادات مالتك وبعدين
تروح للسفارة العراقية تصدق النسختين العربية الي جبتها من بغداد والنسخة المترجمة الي حترجمها
في مصر وبعدين تروح للخارجية المصرية وتصدقهن كلهن
وبعدين توديها للسفارة الأمريكية حتى يصدقوها ايضا ...
هذا رأيي الشخصي وما اعرف الاخوان عندهم رأي آخر اتمنى يفيدوك بيه
أخوك من مصر
**************************
-
السلام عليكم اخوية جاوين اهلنه
بالنسبه للسؤال الاول (((( الي عندة شهادة اعدادي او كلية ومصدقة من خارجية بغداد وجاية كاملة , شنو الي تنصحون بي يترجمها قبل ميسافر امريكا لو هناك المنظمة اترجملهيا ؟)))
ماعندي جواب اكيد عليه
والسؤال الثاني (((( الي مترجم وثائق دراسة بالقاهرة ياريت يكولنة عالاجراءات اذا يفضل الترجمة والتصديق من القاهرة او يسويها من يوصل امريكا)))
احنه اولادنا درسو في مدارس القاهره اول اجراء تتاخذه هو
1- طلب بيان نجاح الطالب من الادارة التعليمية التابعه لها المدرسة وكل حسب مكان المدرسه وسوف
تطلب منك الادارة التعليمية حواله وطابع مشروعات من اقرب بريد للاداره بمبلغ 8.5 جنيه لكل طالب
تسلم هذه الحواله لهم وتستلم البيان بنفس اليوم او يومين وسيكون بيان النجاح باللغه العربية .
2- تذهب الى مكتب الترجمة (ليس شرط ان يكون معتمد فقط يجب تكون الترجمه صحيحه ودون اغلاط )
لترجمة بيان النجاح .
3- يجب ختم البيان المترجم من قبل التوجيه الانكليزي ليثبت صحة الترجمه والمكان تسأل عنه في
الادارة التعلمية عندما استلمت بيان النجاح يعني اقصد اول مكان راجعت بيه تسألهم اين يكون
التوجيه الانكليزي التابع لكم .
4- بعد ختم البيان من التوجيه الانكليزي استنسخ نسخه واحده وسوف تذهب الى الاداره التعليميه
لتصديق النسخه الاصلية المترجمه وسوف ياخذون منك المستنسخه بالنكليزي والنسخه العربية
ايظا وتبقى عندك الاصليه المصدقه من فبلهم .
5- تذهب الى مديرية التربية والتعليم التابعه لها الادارة التعليميه مثلا احنه صدقناها في ميدان عبده باشه
بالعباسية للتصديق ايظا .
6- محافظة القاهره قرب فصر عابدين في العتبه للتصديق ايظا .
7- الخارجية المصرية للتصديق ايظا
هذه الخطوات السبعه اكيده لان احنه اتبعناها خطوه خطوه وترجمنه وصدقنه شهادات اولادنا
بقى فقط خطوه التصديق من السفاره الامريكه ونحن غير متاكدين منها ان كانت مطلوبه او غير
مطلوبه لحد الان لم نذهب للسفاره لتصديقها من قبلهم
اي سؤال اني بالخدمه
-
اخي الوثائق والشهادات الي من العراف وبالعربي ومصدقة من الخارجية العراقية هنا بس تترجم لان السفارة العراقية ما تختم المترجم بس النسخة الاصلية وبالنسبة الي هنا شهادات من مصر فكلام اختنا نور مضبوط 100%وان شاء الله تسهل اموركم .....اختكم ايات
-
بارك الله بك اختي نور وربي يسهل امرك وتوصلون بالف سلامة
-
شكرا اخواني عالمعلومات , يعني اني اكتفي بترجمتها فقط من مكاتب الترجمة الي معترف بيها ...
اشكركم وتمنياتي بالموفقية ...