ankawa
منتدى الهجرة واللجوء => الهجرة و واللاجئين => الموضوع حرر بواسطة: dento_10000 في 01:18 01/08/2009
-
الاخوه الاعزاء..عندي سؤال عن الفيزا السياحيه او الزياره الى امريكا..اكو شخص حصل على كرين كارد حاليا ويريد يسوي دعوه سياحيه او زياره لوالده ووالدته رجاءا الي عنده معلومات على هالموضوع يكتبلنا..هل ياثر اذا كرين كارد او جنسيه او اي شخص ممكن يقدم على فيزا سياحيه ..رجاءا الي عنده تفاصيل يشرحلنا
-
طلب زيارة ما ياثر على اي شي ولا طلب سياحة بالنسبة لكبار بالعمر هسى دينطوهم زيارة قبل اسبوع اجتي مراة كبيرة بالسن لزيارة ابنتها وابنتها كان عدها كرين كارت بس اني من قدمت طلب زيارة لوالدتي بوقتها كان عندي بس كرين كارت وانطوها 6 اشهر وقبل انتهاء المدة قدمت على اللجوء داخل امريكا وحصلت على اللجوء في كلفونيا واخذت كل حقوقها كاي لاجئ وهم حصلت على التقاعد هذا كل الي صار
-
شكرا انجي على جوابك بس اذا ممكن تكتبيلي اسم الفورم الخاص بالتقديم عى فيزا الزياره ..شكرا
-
هسى لو اكولك شي ما تصدك صدقني اني مسويت اي فورم مجرد دزيت الها كابي يعني استنساخ من الشوسل نمبر واستنساخ من كرين كارد وهم استنساخ من ايجازة السياقة وعنواني ورقم تلفوني بس هاي كل الاشياء وهيه من كانت بالاردن اخذت استمارة من السفارة الامريكية وخلت كل هاي المعلومات بس وانطوها زيارة 6 اشهر حتى سالها الي سوه مقابلة وياها كال هاي شكد انتي مشايفة بنتج كالت 13 سنه كال شكد تريدين مدة كالت بكيفك حتى لو اسبوع نعمه اللة كال هاي 6 شهور الج روحي شوفي بنتج هاذا كل الي صار ونفس اليوم العصر انطوها الفيزا واللة العظيم
-
اوكي شكرا انجي عالجواب.
-
يتطلب القانون الأمريكي ممن يطلبون الحصول على تأشيرة لأسباب أخرى غير الهجرة (سياحه مرضيه دينيه )إلى الولايات المتحدة توفير دليل يثبت أنهم لا ينوون الهجرة إلى الولايات المتحدة. ويكون على المسئولين العاملين في السفارات أو القنصليات الأمريكية تحديد أهلية مقدمي طلبات التأشيرة على أساس كل حالة على حدة وبناء على استحقاق أو أهلية كل حالة.
إن قيام مقدم الطلب بتقديم الوثائق المطلوبة منه للمسئولين لا يضمن له الحصول على التأشيرة، إذ لا يتمتع أي شخص يطلب الحصول على تأشيرة بحق الحصول عليها.
قد يتلقى الأشخاص الذين قدموا طلبات للحصول على نوع واحد من التأشيرات أسئلة مختلفة تُـوجه لهم، كما قد يُطلب منهم تقديم وثائق مختلفة لأن أوضاع كل شخص تختلف عن أوضاع شخص آخر. إن مكاتب القنصليات الأمريكية هي السلطة الوحيدة المخولة بموجب القانون الأمريكي لإصدار التأشيرات، ولها أن ترفض منح التأشيرة لأحد طالبيها، كما لها سلطة تقرير ما إذا كانت الأدلة التي تم تقديمها دعماً لطلب الحصول على التأشيرة كافية لتحديد أهلية مقدم طلب الحصول عليها أم لا. يجوز للمسئولين العاملين في القنصليات أن يطلبوا من طالبي التأشيرة تقديم معلومات أو وثائق إضافية بناء على تقييمهم لحالة كل مقدم طلب على حدة.
وهذا رابط لموضوع سابق كتب مع توضيح الفورمات المطلوبه
http://www.ankawa.com/forum/index.php?topic=251430.0
تحياتي
-
شكرا عكعك على مشاركتك يالموضوع وجوابك..
-
هسى لو اكولك شي ما تصدك صدقني اني مسويت اي فورم مجرد دزيت الها كابي يعني استنساخ من الشوسل نمبر واستنساخ من كرين كارد وهم استنساخ من ايجازة السياقة وعنواني ورقم تلفوني بس هاي كل الاشياء وهيه من كانت بالاردن اخذت استمارة من السفارة الامريكية وخلت كل هاي المعلومات بس وانطوها زيارة 6 اشهر حتى سالها الي سوه مقابلة وياها كال هاي شكد انتي مشايفة بنتج كالت 13 سنه كال شكد تريدين مدة كالت بكيفك حتى لو اسبوع نعمه اللة كال هاي 6 شهور الج روحي شوفي بنتج هاذا كل الي صار ونفس اليوم العصر انطوها الفيزا واللة العظيم
صدك قصة مؤثرة , سبحان الله ! لعد شكد شايفين معانات احنه العراقيين , ماعايشين مثل خلق الله.
-
الاخ عكعك والاخت انجي وكاتب الموضوع فعلا مجهود رائع واجا بمكانه...لكن اخواني شوفولي حل للسيدة المسكينة فاولادها صارو بامريكا وهي تخاف تروح للمقابلات فهل من طريقة طلب زيارة او طبيه نسفرها امريكا بشرط دون مقابلة علما انه لديها تقارير طبية تثبت باصابتها بكابة حادة وانفصام بالشخصية ولكم مني جزيل الشكر.
تحياتي ذاكر ابو فابيان
-
اخويه العزيز ذاكر ابو فابيان اي فرد يقدم على اي سفاره لازم مقابله ويسألوا اسئله بسيطه جدا وليس تحقيق مثلا شنو سبب الزياره وبعض المعلومات الخاصه بها فمتستوجب القلق انشاءالله والله يسهلها انشاءالله
تحياتي
-
شكرا اخي عكعك لكن المشكله السيدة رافضة المقابلة من اساسها
-
شكرا اخي عكعك لكن المشكله السيدة رافضة المقابلة من اساسها
والله اخويه ذاكر حاولوا اتقنعوها لان ماكو سفير او قنصل دليفيري وكولولها ماكو مقابله بس لازم يحضر صاحب العلاقه حتى يوقع على اوراق ولازم يتحققون من الشخص نفسه الي مقدم مو غير واحد