ankawa
منتدى الهجرة واللجوء => الهجرة و واللاجئين => الموضوع حرر بواسطة: powerless في 04:10 01/08/2009
-
اخوان اني تحدد الي موعد سفر مرتين على الاي او ام طبعا اس اي في وما رحت لان ظروف المهم ما اعرف همه ينطون فرص اخرى او لا واذا واحد راح بدون الاي اوم مثلا نزل بولاية اي ولاية وما يعرف احد شنو شيسوي وين ايروح يقدر مثلا ايقدم عل مساعدات الولاية فقط وين يسكن يعني اشوفه صعبة والي عندة معلومات اينورنا شكرا
-
ما أعتقد بدون مساعدة الأي أو أم تكدر تكمل هنا...مساعدتهم مهمة في بداية الطريق
-
اي صديقي طبعا تكدر اول ما توصل للولاية اللي تعجبك تروح على اي منظمة لاجئين وتحصل كل حقوقك
بس اهم شي هسه انت استعجل قبل ليخلص وقت الفيزا لان جماعتك راح يصيرلهم شهر من وصلوا
جوابي من تجارب الاعضاء سيف المشهداني وساسي واصدقاء كثيرين اول ما خلو الفيزا بجيبهم راحوا حجزوا باي شركة طيران وسافروا ... لان عليمن هالتاخير وانت اول وتالي تستلم كلشي وكلاشي والفرق الوحيد هو اجرة الطياره اللي هي اول وتالي حتدفعهه
-
اخويه قبل كل شيء وقبل ان تخطو خطوه قد تندم عليها حاول تتصل بالمنظمه وتستفسر منهم واكيد عدهم اجوبه واضحه لسؤالك
اتمنالك التوفيق
-
""""اي صديقي طبعا تكدر اول ما توصل للولاية اللي تعجبك تروح على اي منظمة لاجئين وتحصل كل حقوقك
بس اهم شي هسه انت استعجل قبل ليخلص وقت الفيزا لان جماعتك راح يصيرلهم شهر من وصلوا
جوابي من تجارب الاعضاء سيف المشهداني وساسي واصدقاء كثيرين اول ما خلو الفيزا بجيبهم راحوا حجزوا باي شركة طيران وسافروا ... لان عليمن هالتاخير وانت اول وتالي تستلم كلشي وكلاشي والفرق الوحيد هو اجرة الطياره اللي هي اول وتالي حتدفعه"""
كلام سليم المساعدات انته او المنظمه اتقدمه نفس الشي ,, بس الفرق تكت الطياره و اذا انته تدفعه بالبدايه وعندك امكانيه هوايه احسن على الاقل تخلص من الفواتير الشهريه والطوابع وكتابة الصك مال القرض
-
افضل تروح انت على حسابك اخاف ضيع المشيتين واول متوصل بات فندق وثاني يوم راسا على منظمه الهجره بالولايه نفسها وهم يقومون بالاجراءات
تحياتي
ساسي
-
واذا عندك احد فبعد احسن
بات يمه وعلى كولة ساسي الوره ثاني يوم كبل للمنظمه
-
أخوية توكل على الله لاتروح تضيع الأول والتالي وبعدين دكوم تركض ورة الفيزا أذا أنتهت مدتها ...ومن توصل هناك رأسا ثاني يوم مثل ما كالولك الأخوان روح للمنظمة وهي ترتبلك كلشي ....
تحياتـــــــــــي ;)
-
شكرا جميلا على كل الردود طبعا اني الفيزة مالتي صارت اكسباير وراحت علي بعد واحتمال اقدم من جديد بس اني الي اريد اعرف اكو شخص راح على حسابة بدون ما عندة احد ومباشرة راح للمنظمة وهمه ساعدوا يعني اجروله شقة وهاي السوالف لان اخاف واحد ايروح ويخسر كل فلوسه هاي اذا بيها مجال طبعا انحصل الفيزة لان جاي احاول وثاني شي اذا اكو شخص اعزب باي ولاية اروح يمه واساهم بالايجار ايكون افضل شكرا
-
صديقي سمبي او باورلس
انته دزيت ايميل للجماعة شرحتلهم انه ضرف طارئ منعك حتى بلكي عدهم صورة حل لو بعدك؟؟؟
واذا بعدك شمنتضر؟؟؟
يلله عيني دزلهم وبشرنه بالنتيجة هنا