ankawa
منتدى الهجرة واللجوء => الهجرة و واللاجئين => الموضوع حرر بواسطة: اسير الغربة في 10:48 01/08/2009
-
السلام عليكم ياحلى شباب
واخيرا هلت اولى بشائرالخير والفرج بعد طول صبر وانتظار دام سنتين واربعة اشهر من المعانات وتحطيم الاعصاب
شباب .. اتصلت بالمنظمة (الله يستر عليه ) وكالــــــــــــــــــــت: واخيرا حددولك ولاية (شلونه عيوني اول ماسمعته جتني رشكة مطر ) .. هســــــة تكولون شنو السالفة يمعود كول غيره.... لان هل المحروســة هي ( واشـــــــــــــــنـطن – سياتل ) .....حتى الي ردت لفظتها وكالت ( سيتل ) يابه هم حقه يمكن تبللت...
لحد الان جيد ..زين شباب بعد اشكد لحد ما تطلع الامنية وينغلق الملف وشنوا الترتيبات البعدها؟؟..هم اطول؟؟؟؟ .. رحمة الوالديكم.. (همتكم وياي.. اريدها باليوووووم والســــــاعة .. عود اني احسب فرق الوقت ... ) هالمبللة طولت 110 يوم عن الظرف لحد ماطلعت لعد الباقي اشكد؟؟؟ والله حتى الصبر مل من عدنا...
بالمناسبة.. هل الولايـــــة شنو فلمه ؟؟ .. هم تعرفوووون بيه احد يابس لو ناشف على اعتبار الســــــنة كلها تمطر ومتقصر.. وشلون عندي الأهل بالبيت عيوووووني يحبووووون المطر !!!!! يمكن هي من برج البزون..
شباب .. اذا اكو احد ناشـــــف خلي شويه يسولف عنها كبل ما تمطر ويتنكع.. يعني من عمل وعيشه وهالسوالف
طولته عليكم.. بس صدكوني مقهوووووور كلش لان دومي ابو احضيضان .. لان دائما اكول بس لايسويه البخت ويحطنه بسياتل كل ما أشوف فلم .. لان هم أهله يضوجون منها
أخوكم المبلل .. اسير الغربة سابقا
-
الف مبروك اخي والمثل يكول المبلل ميخاف من المطر والمطر احسن من غير شيء بالتوفيق اخي
-
وعليكم السلام
يابه مبروك ولو اني دخت بكلامك وذكرني بالفنان ماجد ياسين
-
اخوية العزيز مبرو ك عليك انشاء الله خلص الهواي وبقى القليل والله يعوض صبرك خير
وابشرك على موظوع الولاية ترة زينة عندي ولد صديقي جان يمي بعمان جاري وسافر قبل 3 اشهر الى مدينة سياتل وايكول خير من الله وكلش حلوة فاارضة بنصيبك هذه قسمة الله
اخوك غريب اني
-
الف مبروك وع الخير اخوية يابة خليها مطر مو احسن من التراب...........
نسيت اكلك عود مو تنسى اشتريلك كم شمسية قبل ما اتسافر لان هو هذا حل المطر بس التراب شنو الحل وياه ؟؟؟؟؟؟؟؟؟؟؟؟؟؟؟؟
ابو يوسف
-
مبروك والف مليون مبروك
راح الكثير وظل القليل وانشاالله اتسافر عن قريب وترتاح
وتمنياتي للجميع بالسفر القريب
أبو أيمن - عمان
-
الف مبروك اخي وانشاء الله يوم وصول الامنيه وتحديد السفر بائقرب وقت .
ابو مريم
-
الف مبروك اسير الغربة ما بقت الك غير الامنية وبس توصلك انشاالله ووراها تسافر وتخلص انشاالله
ابو فهمي
-
مبروك حبيبي انشاء الله توصل بالسلامه بس اني سالت هوايه امريكان يكولون واشنطن خوش ولايه بس عيبها غاليه كلش تحياتي الك.
-
باقيلك 360 يوم وعشره ايام و21 ساعه و3 دقايق 35 ثانيه و 15 فنيه و 13 برهه و6 لحظات وتخلص شغلتك
عيني اسير اكو جمعيه انتظار المواقه الامنيه بالمواضيع المثبته ندعوك لزيارتها لتعرف على الاعضاء والاطلاع على الفتره الي انتظروها وانته بعدك تره كلها 3 اشهر و10 ايام صارلك اخويه اسير الفتره محد يكدر يحددها بس رب العالمين وانشاءالله تجيك عن قريب باذن الله
تحياتي
-
مبروك حبي وانشاء الله السفر القريب با اذن الله
-
الف مبروك اخوانا العزيز
وان شاء الله تكون هاي الولاية فاتحة خير عليكم
-
هاي وهلو ياأحلى شباب يحترق في سبيل الغربة
أشكر شعوركم ومشاعركم الطيبة .. وانشاء الله الموفقية للجميع ..
احبيب غريب اني .. هذا صاحبك ماكو منه حس خبر .. يابس أمبلل.. جان اتصل بيه وافتهمنه الفلم منه .. يله امرنه الله.. ننتظر نجوم المنتدة بلكت وبلكن و... ايحنون علينه شويه...عيني ياولد الملحة وينكم وين اناملكم الذهبية.. ابو شكره احبيب (غسان الاشقر) وسلما للعراق وابو القروش الي الوكت كله تفاوج بالمنتدة همتك يمعود والسبع صنايع .... ومننسة زهرة المنتدة انجــــــــــــــــــي المبدعة .. شباب همتكم يمعودين احتمال باجر اسافر واروح لهناك وابو اصحبة ظال طرطميــــــــــــــس ابو خميــــــــــــــس لحكولي يمعوديــــن .... جمالة من البارحة لليوم ضال بس افتر وادور على شماسي يعني جمع شمسية وماكو حضي الفايص جابه بالصيف ..الف رحمة الوالدية الي عندة جم وحدة..
اخوكم اسير المطر
-
الف مبروك اخي
وان شاء الله تاتي الموافقة الامنية باسرع وقت
سلام الله معك
اخوك يوجد امل
-
الف الف مليون ترليون مبروك وان شاء الله السفر السريع .......اختك ايات
-
[hمبرووووووووووووووككككككككككككككككككككككككككككككككك
بس خلي ببالك الامنيه وابد لاتستعجل ولهي نفسك لايصيبك داء الامنيه وشكد ماتكدر لهي نفسسسسسسسسسسسسسسككككككككككككككككككك
النسيم المهاجر لولا الامنيهr]
-
الف مبروك اخي انشاء اللة تكمل الفرحة بالسفر القريب والاستقرار وراحت البال
-
ألف مبروك يلا حبي ما باقي الأ القليل وأنشاء الله الطفرة طفرة وتلكي نفسك بالمكان ألي تريده ....أتمنالك النجاح...
تحياتـــــــــــــــــــــــي ;)
-
الى كل حبايبي الحلويين والطيبيين
اشكركم على كل هالمشاعر الطيبة واتمنى للجميع ان تخلص من عذابات UN والتوطيين..
حبايب .. رحمة للنبي محد عنده شي عرف لو صديق . يمعوديين اي شي كان بس نريد نعرف تفاصيل العيشة هناك والعمل علما اني عندي ويلاد من الشباب ..
-
ألف مبروك و بالتوفيق
الله ييسر أمرك و تسافر بسرعة و ترتاح و تستقر