ankawa
منتدى الهجرة واللجوء => الهجرة و واللاجئين => الموضوع حرر بواسطة: الشمس الساطعة في 18:54 01/08/2009
-
مرحبا اخواني الاعضاء في المنتدى
عندي احد اقربائي ينوي السفر الى كندا عن طريق الكفالة الكنسية
الرجاء الي عنده معلومات مؤكدة ما يبخل علينا بالاجابة
اي كنيسة وفي اي مدينة وما هو مبلغ الكفالة للعائلة الي عدهم اولاد اكبر من 18 سنة
منو الي ايقدملهم الكفالة
ما هي الشروط للشخص المتقدم للهجرة يعني لازم ايكون عنده مشكلة بالعراق لو اي واحد
اذا ما عنده ملف مال يو ان ايصير لو لا
ما هي الاوراق والمستمسكات الي ايريدوهه بدائره الهجرة هناك في كندا
اشكد اتطول الموافقة
الي ايريد يلغي الكفالة لسبب معين ايصير لو اتروح افلوسه
امنين ايحصل على الفورمات هل يكدر يطبعهه من الانترنت مثل فورمات استراليه
شكرا مقدما لمشاركتكم
-
الى الشمس الساطعة عاشت ايديك على الاسئلة اني هم احب اعرف هذه التفاصيل فالي عنده اجابة ياريت ينورنا
-
الشغلة الي اكدر افيدكم بيهة يعني حسب مااسمع انه هي معاملة مابيهة شروط تعجيرية ومو شرط ان ايكون عدكم مشكلة بالعراق هذا حسب ماسمع اهم شي عدكم كفالة الكنيسة والاخوان الي عدهم معلومات ميقصرون
-
هذا الرابط تجد فيه كل مايخص كندا
http://www.ankawa.com/forum/index.php/topic,283553.new.html#new
-
عزيزيlenatelecom
اشكرك على هذا الرابط
بس اني فتشت به بس ما شفت اجوبة على الاسئلة الي اني كتبتهة
موضوع الكنيسة ما كو شي بهذا الخصوص مكتوب الا القليل
ارجو من اللذين امسوين كفالة الكنيسة او ايعرفون احد امسوي هذه الكفالة ايوافينه بالاجوبة على الاسئلة الي طرحتها اعلاه
مع خالص شكري وتقديري للمشاركين
-
اختي العزيزه الشمس الساطعه رح اجاوبج على كل اسالتج بالتفصيل واجوبه اني متاكد منهه لان اني مسوي وسنه كامله قبل ما اقدم كنسيه بس لميت معلومات اوكي
ماكو كنيسه معينه اكو هوايه كنائس بكندا تسوي الكفاله مو هذا المهم المهم انو لازم عندج احد هناك هو يروح بنفسه للكنيسه ويشوف عدهم مجال وشوكت يقدمهه
المبلغ هسه صاير مو محدد يعتمد بالنسبه للكنيسه وعلاقه الشخص الي رح يحجي ويه الكنيسه والمبلغ يتراوح بين ال4000 $ الى ال 8000 $ []للشخص الواحد مو العائله
الشروط اهم شي انو لازم يكون خارج العراق بكم شهر على الاقل قبل ميقدمهه والقصه تكون بسيطه مو معقده بس يثبت ويصر بالمقابله انو مهما تكون نتيجه المقابله انو ميكدر يرجع للعراق
لازم لازم يكون عنده ورقه مال يو ان
الهويات العراقيه اهم شي والجوازات والقصه مكتوبه بالانكليزي والهويات العراقيه مترجمه ومصدقه من البلد الي انتي مقدمه بيه واي اوراق تثبت انو انتي مضطهده
بالنتسبه للفلوس هيه ترجع المفروض بعد سنه كامله من دخولج الى كندا او يجوز ياخذون منهه مبلغ بسيط تبرع للكنيسه اما اذا اجاج رفض من السفاره ترجع الكنيسه الفلوس راسا اما في اي وقت انتي لغيتي المعامله راسا تروح الفلوس لان المبدا من الفلوس انو هيه ضمان الهم همه يشتغلون ويتعبون ويقدملولج وانتي تروحين غير مكان راسا تروح الفلوس
بالنسبه للتقديم والفورمات والمواعيد هسه اشرحلجياهه
في لحظه الشخص راح للكنيسه واكو مجال ووافقو يسوون الكفاله وانطى الفلوي انتي لازم اتدزيله الاوراق وخصوصا القصه رح تاخذهه الكنيسه وخلال شهر الى شهرين تقدمهه لدائره الهجره الكنديه للحصول على موافقه قبول الكفاله يعني ورقه قبول انو دائره الهجره تقبل كفاله هاي الكنيسه لقضيتج
انتي تكونين ناطيه تلوفوناتج بالبلد الى انتي بيه همه مناك خلال شهر رح يدزون الى السفاره الكنديه في البلد الي انتي موجوده بيه والسفاره رح تتصل بيج تنطيج الفورمات
شوكت متملين الفورمات تقدميهه للسفاره ويه كل الاوراق المترجمه رح ينطوج فايل نمبر
منا تحسبين من 4 الى 8 اشهر تجيج مقابله بالسفاره وبالمقابله يحددون موافقين لو رافضين لو قيد الدراسه
اما البلدان الي يحقلج تكونين بيهه حتى تقدمين على كندا هيه سوريا الاردن تركيا يجوز اكو بعد بلدان بس هذا الي اعرفه يجوز اكو بعد دول اني ما اعرفهه اتمنى انو هاي الاجابه تفيد الجميع