ankawa
منتدى الهجرة واللجوء => الهجرة و واللاجئين => الموضوع حرر بواسطة: عاشق السفر في 14:35 02/08/2009
-
مرحباً اخواني خواتي
ممكن سؤال اني اريد اسئل عن عمان اشلون اكدر اقدم على الامم المتحدة و التقديم اشلون ايصير و اريد اعرف اشلون المعيشة و الاقامة و كيفية الدخول الى عمان للعراقيين و اني سمعت عمان اسرع بلد للتوطين و اني في العراق هسه و عمري 23 سنة و اشكركم يا غالين
-
اخي الكريم
اول شئ لازم اطلع فيزا للاردن من العراق و حاول سويلك تقرير طبي بحيث تخلي سبب دخولك للاردن العلاج بعدين من تجي هنا تروح تقدم على الامم المتحدة اللي بعمان و ينطوك موعد للمقابلة حوالي شهر تجيب وياك كل مستمسكاتك وورقة تهديد اذا اكو و حضرلك قصة يعني السبب اللي خلاك تترك العراق
اما كيفي الخول فانت تحددها اتريد عن طريق المطار او عن طريق البر
عمان نعم أسرع بعمليات التوطين اني قابلت الشهر السابع توطين وبعدها باسبوعين تحولت للهجرة
راح اقول لك هاي الشغلة اذا تجي لوحدك للاردن فاتصور راح اتواجه صعوبة من ناحية الفيزا يعني الشباب اللي بعمرك شوية صعب دخولهم حاول تجي مع الاهل او شخص كبير بالسن بس هذا مايمنع انه مااتحاول و قدم والله كريم واني ماعندي اي فكرة شلون تطلع الفيزا من العراق لان تركت العراق من سنة 2007
اذا انت مشتغل مع القوات الامريكية او الك علاقة مع شركات حماية امريكية فتكدر اتقدم عن طريق الهجرة المباشر IOM او عن طريق تأشيرة الهجرة الخاصة SIV
بس لازم تكون مشتغل وياهم اكثر من سنة مامتاكد
المعيشة بالاردن غالية و الاقامة انسى يعني تكعد حالك حال العراقيين هنا لحين ما الله يسهل امرك و تمشي امورك بس بما انه شاب فحاول انه من تجي تقلل طلعاتك
عمان مقسومة نصين يعني عمان شرقية و عمان غربية الشرقية تكون الايجارت ارخص من الغربية يعني بأيجار ورقة نص او ورقتين تحصل شقة ام الغرفة الوحدة
اتمنى اكون ساعدتك بالمعلومات اللي عندي والاخوان هنا محد راح اقصر وياك
-
اخي العزيز بالنسبه الى فيزا الدخول للاردن صعبه بالنسبه العمرك واذا انت مجنت جاي قبل للاردن وحسب ماأعرفه الفيزا طول من شهر الى ثلاث أشهر عن طريقTNT بس أني الى حد علمي تكدر تاخذ فيزا عن طريق الحجز مع الاردنيه الملكيه للطيران وهمه يتكفلون بالفيزا بس اسعار الحجوزات غاليه هاي بالنسبه للفيزا.
بالنسبه للتقديم على UN فاذا انت مشتغل مع القوات الامريكيه بالعراق تكدر تقدم من بغداد مباشره على برنامج SIV وتوفر على نفسك مصاريف السفر للاردن.
وأذا ردت تقدم للUN بصفة لاجئ وانت مشتغلت ويه القوات الامريكيه فافضل شي الك هو الاردن للتقديم لان الاجراءات تقديم الطلبات اسرع (ولو اخوك صارله ثلاث سنين انتظر مكالمه على أول موعد منIOM)
بس اني الي اعرف تسريع باجراءات التوطين بين ثلاث شهو الى ستة شهور وهذا يعتمد على قصتك أول شي وعلى المستمسكات مالتك.
اخي العزير ارجو بأن فدتك ببعض المعلومات وانشاءالله يسهل طريقك بالتقديم اذا كنت بالعراق أو خارجه.
تقبل مروري..............
-
الحديقه
baraya
rafid82
مشكور اخوتي على الجواب اشكركم من اعماق قلبي يا غالين اخوتي يعني المشكلة بس الدخول صح واذا دخلت ايصير ابقة اهناك حتى لو اتجاوز على الاقامة ما اتسبب مشكلة