ankawa
منتدى الهجرة واللجوء => الهجرة و واللاجئين => الموضوع حرر بواسطة: طالب هندسه في 17:27 02/08/2009
-
بعد التحيه.......
اني ساكن بالعراق وعندي اختي عدها الجنسه الامريكيه وعايشه بامريكا اريد اعرف اني مشموول ببرنامج IOM قريت بموقع الي عدهم اخوان متجنسين مشمولين بالفقره السادسه من برنامج IOM >>>بس اني ما مشتغل ويه الامريكان ولا ويه اجه حكوميه اني طالب بس قبل السقوط جنه باليمن وعدنا ملف باليمن حمايه عند الامم المتحده ومن رجعنا للعراق بال2004 بعد ما اتواصلنه ويه الامم المتحده اريد اعرف منكم اني يشملني هذا البرنامج لو لا ... اختي قدمتلي على دائره الهجره بامريكا وانطونا استماره نوع I-130 مليناها وقدمناها ودفعنا الرسوم هذا كل الي سويناه.. بس سمعت لازم نتقدم نسخه لل UN صار ثلاث اشهر ما اجانه رد من الدائره اريد اعرف اشكد تتاخر واكو امل بالموضوع لو انسى وميشملني واذا اقابل شكلهم ماجنت اشتغل لو مهدد لو شنو اريد اعرف شنو الخطوه الي هسه اسويها والف شكر الكم وتحياتي للجميع
-
حبي طالب اشونك الله ايوفقك يارب مثل ماسمعت انو ايصير اختك اسويلك لم شمل من امريكا لان اكو حالة صارت كدامي جانت اختة هم دسويلة لم شمل عن طريق ال iom وانشاء الله الموفقية
-
اخي العزيز طالب هندسه
اخي العزيز ما دام عندك اخت تحمل الجنسية الامريكية فموضوعك جدا سهل انشاءاللة اخي العزيز راح انطيك رقم الشخص الي يسوي معاملة السحب اخت لاخيها لانه هسى القانون تغير بالنسبة للمعاملة مال سحب قبل كان السحب يطول حوالي من 10 سنين الى 12 سنة اخت لاخيها او اختها هسى بعد التعديل بالقرارات صارت المدة اقل جدا صارت ما بين اربع شهور الى سنة معاملة السحب لحامل الجنسية الامريكية لسحب اهله من الدرجة الاولى بس بشرط ان يكون الشخص الي يجب ان تسحبة اما في الاردن او مصر او العراق هذة هي الشروط السحب وهذا رقم الشخص الي يسوي المعاملة تكدر اختك تتصل به وهو في مشكن ويكدر يسوي اي معاملة حتى بغير ولايات اسمه مهدي مهدي هاتفه بدالة 1313 هاتف 5861974
خلي اختك تتصل به وهو راح يفهمها على كلشي وخلي تكول انه هي من طرف انجي هو يعرفني بالتوفيق اخي العزيز
-
الأخ طالب شغلتك جدا سهلة مثل ما كالوا الأخوان وخاصة الأخ أنجي بعد ما زودتك برقم الشخص ألي أله علاقة بهاي الشغلة يعني ...عمي شكو عليك أجتك لوززززز...ههههههههههههههه
أتمنالك النجاح وأنشاء الله شغلتك تخلص وتطفر ....
تحياتـــــــــــــــــــــي ;)
-
حبي طالب هندسه .. موضوحك انشاء الله سهل والشغله جدأ طبيعيه لان موضوعك لم شمل ويارب موفق ..
-
اخي نعم انته مشمول اكيد ولاز م تكون مهدد او معرض لتهديد في بلدك وتجي نسخه لمقدم الطلب بالقبول ويدزون نسخه الى un ومن ثم يحولوك ل iom
الأفراد العراقيون الذين هم الأزواج/ الزوجات و الأبناء/ البنات و الاباء / الأمهات و الاخوان/ الأخوات لمواطن امريكى , أو الافراد الذين هم أزواج /زوجات أو أبناء غير متزوجين /بنات غير متزوجات لأجنبى حاصل على اقامة دائمة فى الولايات المتحدة , و بحكم إنهم او سيصبحون المستفدين من معاملات تأشيرة الهجرة الموافق عليها I-130)) و المبنية على صلة القرابة الأسرية.
بخصوص الأشخاص الذين تم ذكرهم فى البند السادس , على أقاربهم من المواطنين الأمريكيين و الذين قد قاموا بملء معاملة تأشيرة الهجرة الموافق عليها (I-130) للأقاربهم من العراقيون أن يتم أستلامهم خطاب من وزارة الخارجية يعلمهم بأحقية أقاربهم فى تقديم طلب اللجوء . و ان لم يتم تسلم القريب الأمريكى هذا الخطاب أو انهم لم يقدموا على تأشيرة الهجرة (I-130)
-
اعزائي ابو ساره وعبوش وتتطوى اشكركم على المشاعر الطيبه والله يسمع منكم ياااااااااااااارب
بس اكو شغله مدوختني اذا الله سهلها وقابلت شكلهم؟؟؟؟ اكلهم كلشي ماعندي بس اريد لم شمل لو اكلهم جنت مهجر ومهدد الخ الخ
-
اخي اهلا بيك بالمنتدى اخي الي سوت اختك هو الصحيح لان انت مايشملك غير هذه الفقرة بس هذه يرادلها صبرة لانها احتمال تطول اكثر من سنة بس هي لازم تابعها من هناك لان لي اصدقار نفس الشغلة صارلهم سنة ولحد الان ينتظرون بس هم في سوريا فبالنسبة الى وضعك ماعرف شلون ان شاء الله الاخوان ميقصرون ....اختك ايات
-
مشكوووووووووووووووووره اخت ايات
بس ياريت اتوضحيلي كلتي صارلهم سنه ينتظرون حتى يجيهم رد....
بس ما عرفت يعني همه قابلوا لو لا يعني صارلهم سنه ينتظرون الموافقة على اول اوراق قدمومها لو مشت معاملتهم من دائرة الهجره ومن الخارجيه وبعدهم منتظرين مثلا التحويل لل IOM
ويارب يوفقج ويبعدج عن كل شر
-
آخي العزيز طالب هندسة،
للمزيد من التوضيح على شغلتك ، انت اختك مواطنة امريكية تگدر تسحبك بطريقتين:
الطريقة الاولى (سحب عادي): تقدملك على معاملة سحب (مثل ما سويتو) فقط دون ان تملي استمارة ال p2 وتنتظر دورك لحصول الفيزا (يعني تكعد تنتظر الفيزة كلشي ما تسوي لاقصة ولا تقدم على الامم المتحدة ولا شي) لكن مدة الانتظار بالنسبة لمعاملة سحب الاشقاء (زائداً زوجاتهم وابنائهم ان وجدو) تطول من 10-11 سنة.
الطريقة الثانية (سحب لاجئ): تقدملك اختك على معاملة سحب (مثل ما سويتو ايضاً) ولمن وزارة الخارجية ادزلهم استمارة ال p2 (وهاي تاخذلها فد اربعة الى ست اشهر من تاريخ التقديم) فتملوها (وتكتب بيها رقم تلفونك وعنوانك بالعراق) وورة ماتملوها تدزوها مرة لخ لوزارة الخارجية (اخذ نسخة الك) وهم يتصلون بيك من خلال مكاتبهم في العراق (اذا انت بالعراق)، ويگولولك تعال مقابلة، عاد انت تروح مقابلة، وبهاي الحالة انت تكون مشمول بالنقطة السادسة الي ذكرها الاخ عكعك اعلاه يعني انت مو ضروري تكون مشتغل وية الامريكان ومو شرط تكون مشتغل وية اي شركة من الاصل لكن لازم (يعني يجب) ان تكون متعرض للاضطهاد او التهديد وتستحق تعريف اللاجئ (وكثير من تفاصيل التقديم كلاجئ مذكورة في هذه المنتدى تكدر تاخذلك فرة وتقرا)، واذا انت مقدم على اليو ان فتكدر تحجي وياهم وتراويلهم نسخة رسالة ال p2 (الي كتلك عليها) حتى تشوف يحولوك على الاي او ام لو انت تقدم من جديد على الاي او ام وهم تراويلهم نسخة ال p2 (لانه برنامج p2 يكون على الاي او ام اذا كنت في العراق لكن يجب عليك تقديم نسخة استمارة P2 لهم لكي يقبلوك) . وهاي الطريقة (الثانية) تطول اقل بهواية من الطريقة الاولى وتاخذلها من بضعة اشهر الى سنة تقريباً (حسب الزخم الي عدهم وسرعة المعاملات).
اتمنى اكون فدتك اكثر اخي الكريم
تحياتي
-
مشكووووووووووووور اخويه mark_usa على المعلومات الحلوه و القيمه ماقصرت والله وعاشت وايدك
:-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-* :-*