ankawa
منتدى الهجرة واللجوء => الهجرة و واللاجئين => الموضوع حرر بواسطة: لوتس في 13:32 03/08/2009
-
اخواني عندي سؤال عن محولة الفولتية اللي احتاجه اذا وصلت امريكا واريد اشغل بيه اجهزة اللي فولتيتهة 220
يعني هي ترهم لكل الاجهزة يعني سشوار مثلا وشاحنة وغيرهة لو لازم اشتري لكل جهاز محولة ؟
زين هاي اشتريهة من محلات لبيع الحاسبات لو من الكهربائيين , لحد يكولي روحي لباب الشرجي لان اني مو من بغداد .
رجاءا اللى عندة صورة لهاي المحولة يرسلياها .
اختكم لوتس
-
اختي محاجة تاخذيين اي شي وياج فولتيته 220
اهنا ابتركيا ناس اشترت سشوارات 220 فولت وذبوها اب امريكا
ونصحونة منجيب ويانة اي شي كهربائي لان همة هم جابو محولة ديكولون دتحمة ود تطفة
بالنسبة لللاب توب ( اكيد محولة مالته تبدي من 110 -220 فولت)
فقط تحتاجيين لبلك محول من راس 220 الى 110
وموجود عند الكهربائيين وضايفلج صورته
واذا اصريتي اكو صورة للمحولة الرافعة للفوتية بس حجمها كبيير بس متحمة مثل البقية وتتحمل لحد 5 امبير
تحياتي
شقلاوي
-
شكرا اخي العزيز للتوضيح
يارب التوفيق
اختك لوتس
-
والله يا اخي مانصحك اجيب اي شي اني جبت وياي ستلايت سترونك 4800 وفولتيه من 100 تبدي مشتغل ذبيته والله لان بصراحه هنا غير نظام
اخوك عراقي وكرادي
-
اخوان احد يعرف وين يبيعون البلك المحول لانه اللابتوب صحيح يشتغل على الفولتية 110 بس لازم نحول البلك للنظام الامريكي .
اذا احد يعرف وين يبيعوه بعمان بلكي يخدمنا بالموضوع .
-
مرحبا اختي لوتس بصراحة اني سألت اهنا بخصوص المحولة مال سشوار اكو و سعرها من 20-30 دولار تقريبا بس تكون ثقيلة مو خفيفة بالوزن يعني متسوا الواحد يأخذها ويا الى اهناك
-
اخوية حيدر
اكو بعمان هاي السوالف بشارع بوسط البلد
من تجي بوسط البلد باتجاه الجامع الكبير وين اهل العصاير مقابل الجامع وسوك المخضر
اكو فرع صاعد تصعد بي يكون بالجهة المقابلة للجامع
وهناك اكو يبيعون كهربائيات كلشي عدهم محولات وراس بلك امريكي وكلشي يخطر ابالك
اي شي تحتاج اني حاضر
ابو جيهان
-
اشكركم اخواني للردود
بالمناسبة الفنادق اللي راح تنتظرون بيه مثلا فندق الملكة عالية وبعدين الفنادق مالت المطارات اللي بعض المسافرين ينتظرون بيهة بيهة مجفف شعر , اخوان اسمحولي بس اني اتمرض اذا يبقى شعري مبلل هاي طبيعتي لهذا الح على السشوار لازم موجود وياية دائما .
شكرا لكم
اختكم لوتس
-
اخوية حيدر
اكو بعمان هاي السوالف بشارع بوسط البلد
من تجي بوسط البلد باتجاه الجامع الكبير وين اهل العصاير مقابل الجامع وسوك المخضر
اكو فرع صاعد تصعد بي يكون بالجهة المقابلة للجامع
وهناك اكو يبيعون كهربائيات كلشي عدهم محولات وراس بلك امريكي وكلشي يخطر ابالك
اي شي تحتاج اني حاضر
ابو جيهان
الف شكر وتسلم ابو جيهان صدك معلومة مفيدة .
-
السلام عليكم
اخويه هنا في امريكا كلشي موجود ورخيص لاتتعب نفسك وتجيب وياك اي حاجه كهرباء .
ابو انس
-
اخت لوتس حسب ما سمعت من جماعتي الواصلين الاجهزة الكهربائية كلش رخيصة فماكو داعي اتنكلين بيها منا لحد امريكا وبعدين اتذبيها شلج بهلتعب.....
ابو يوسف
-
الاخوة الاعزاء
بالنسبة للمحولات اكو كومة محولات للفولتية من 220 الى 110 بس تحتاجون تضبطون الواتية ايضا مو بس الفولتية وماكو محولة تشتغل وية السشوار لان السشوار يكون الواتية مالتة عالية دائما فوق الالف وماكو هيجي محولة لاني دورت هواية لذلك من وصلت الى امريكا اشتريت سشوار وهو متوفر باي سوبر ماركت كبير شوية يعني بكل مدينة راح تلكون سعرة عشرين دولار وامريكي الصنع واكو انواع فخمة جدا توصل الى خمسة وثلاثين دولار فالمحولة ممكن تفيدكم باجهزة صغيرة مثل الحلاقة او براون اما اللابتوب والموبايلات فمحولاتها تشتغل اصلا فقط تحتاجون تحويلة راس البلك الى امريكي وهو متوفر بالاسواق وبالنسبة لعمان موجود بالسيفوي وكوزمو وكذلك عند اصحاب محلات الكهربائيات اللي بالكاردنز قبل دوار الواحة وصدكوني كنت اتمنى لو ما خبصت نفسي بالغراض اللي جبتها وياية لان اللي شفتة هنا يدوخ واسعار ما نتصورها
-
شكرا اخواني على هاي المعلومات
تسلمون
لوتس