ankawa
منتدى الهجرة واللجوء => الهجرة و واللاجئين => الموضوع حرر بواسطة: komar في 17:20 03/08/2009
-
السلام عليكم اخواني الاعزاء
اسف جدا عله الانقطاع هذه الفتره لضروف خاصه لكن الحمد لله اتمتت المقابله والحمد لله استلمت الفيزه
بعد ان خلص التجيك بالا nvc ارسوللي رساله بان اتريد باي سفاره تقابل طلبت بعمان لان اني اصلا موجود بالاردن - عمان , المهم وصلني ايميل الثاني من ال(NVC) بانوا ارسلوا اوراقي للسفارة الامريكية بعمان وهذا الحجي جان يوم 6\7 , المهم كلشي موصلني وراهة من السفارة لأن اني كلت خليهم همة لح يدزولي موعد مقابلة بس ولا يمهم , اني هم مجذبت خبر ورجعت دزيتلهم ايميل ال(NVC) , فيوم 14\7 خابروني وكالوا الباجر مقابلتك تجي للسفارة انت والعائلة بالثمانية الصبح وهاي الحجي شنو اني ممسوي الفحص فكلتله للبنية اني ممسوي فحص فكالت احنة نعرف بس تعال وقابل وبعدين جيب الفحص لان المحلفة عدهة موعد R&R اجازة لو اذا اتريد قابل بنهاية الثامن , فاني ابد مكلتلهة اقابل باجر , المهم رجعت للبيت هاي الحجي ساعة 1400 يعني بالثنتين الظهر للبيت وزفيتلهم الخبر وما كللكم صارت متدري الاوراق منين اطير وتطلع مال شكو اوراق دزيتهة الهم للركمنديشنات للباجات يعني كلشي وكلاشي , المهم ليش ميطلعلي غلط بال(D157) طلع غلط بالتواريخ مال السفرات الي سافرتهة وصارت العيطة وما ادري شأسوي بس الحمد لله كبل المحامية الي مستلمتني من ال(TLP) كلتلي ما الك علاقة وكالت انت كللهم مو فد مشكلة بس شنو اخوكم بطل كبل كلت تأجيل بالوجه واتوكلت على الله ورحت من الصبح للسفارة , هسة نجي للصدك ,
وصلت السفارة الصبح ودخلنة للسفارة واخذت الموظفه المسؤله عن الsiv الاوراق كامله والجوازات واني عندي جوازين واحد عراقي والثاني مغربي انطيتهن اثنينهن وانتظرنه للمقابله والحمد لله لان عند طفله خلوني ثاني واحد الاول طلع كلش ظايج كلنه ياستار المهم دخلنه ومن شفناهه المحلفه نفسهه الي قابلت اخونه فري هارت والكاوبوي كلت انلاصت وردت اطلع بس المرة جلبت بية , المهم دخلنة والحمد لله المحلفة جانت متعاونة ويانة وبصمنة وسألتني نفس الاسئلة الي بال(DS230) وكالت تحلفون على انوا المعلومات الي كلتوهة صحيحة فاني كبل كلتلهة لا والف لا , وكلتلهة اني ترة عندي غلط بال(D157) فكالت جيبهة اني انجر بوشي وكلت اني شورطني بس هم الحمد لله كالت مو مهمة واشكرك لأن كلتلي , وكالت اني ادري بيكم مفاحصين وانطتني ورقة مكتوب بيهة بس جيب الفحص وتستلم الفيزة وهية كالت اذا كملتوا الفحص قبل ما اروح حتة انطيكم الفيزة ويمكن بنفس الطيارة انسافر هاي شنو اني بس اوزع ابتسامات من كمشت الورقة , المهم اني طلعت من السفارة عدل على مستشفى الخالدي بلازا دسوي الفحص و سويت الفحص كامل فبقت بس النتيجة استلمهة ثاني يوم لأن اني اصلا وصلتهم متأخر , فجيت ثاني يوم من الصبح وكالوا طلع بالاشعة حساسية بالقصبات ولازم تاخذ مضاد حيوي اسبوعين وترجع تاخذ اشعة , ها شنو اني كبل اجة بفكري المثل المشهور (الفكر فوك البعير وعضة الشنو ؟؟؟ ) المهم اتقبل امر رب العالمين ورجعت ورة 10 ايام واستلمت الفحص الحمد لله و ارسلتة بال (Aramex) وهمة يدزو للسفارة المهم دزولي ايميل يوم 27 بانو اوكي تعال استلم الفيزة مالتكم يوم الثنين الموافق لو مموافق ابكيفكم , والحمد لله استلمت الفيزة اليوم وكلي فخر وان شاء الله للجميع وتستلمون وتخلصون ان شاء الله , هسة ردت اكللكم بانو اني مقدمت مساعدات ولح اسافر على حسابي لأن هية نفس الشي دافع فلوس الطيارة دافعهة واني وجهتي ان شاء الله لكلفورنيا والحمد لله رب العالمين واريد اشكر كل اخواني بهذا المنتدى الرائع الي قدمولي هواية من اجوبة ومساعدات شكرا ............................
-
الف مبروك وتستاهل كل الخير
-
الف الف مبروووك حبي وانشاء الله توصلون بالسلامة وحياة جديدة كلها تقدم وازدهار تقبل مروري اخوك جوزيف
-
الف مبروك ان شاء الله تتيسر كل اموركم
وتتسهل سفرتكم وتوصلون بالسلامة
ويارب تتيسر امور الجميع والكل تروح الدول الي تريدها
-
الف شكرا اخواني الاعزاء الله يوفقكم ويوم للاخوه الباقين ان شاء الله.
-
مبروك ورده وتستاهل كل خير
-
الف الف مبروك
الله يكمل معاك
اخوك يوجد امل
-
عالخير اخوية العزيز وزميلي العتيك بال TLP (هسه بس اني بقيت بيكم ;D) وشايف خير ومستاهلهه
واني دزيتلك رساله عالخاص اتمنى تقراهه قبل لا تحجز وتسافر
-
الف مبروك اخ كومار نتمنى الك السفر القريب هاي وينك اخويه طلعنا عليك امر قبض بالحدي هههههه
اخوك ابو فهمي
-
الف الف مبروك وانشاء الله سلامة الوصول والاستقرار وراحت البال
تحياتي
-
الف مبروك انشااللة توصل بالسلامة وتشوف كل الخير بالتوفيق
-
شكرا اخواني اصحاب القلوب الرائعه يارب ان شاء الله التسهيل والتوفيق للجميع يارب .