ankawa
منتدى الهجرة واللجوء => الهجرة و واللاجئين => الموضوع حرر بواسطة: غريب اني في 18:52 03/08/2009
-
اخواني الاعزاء السلام عليكم ورحمة الله وبركاته في هذا الموظوع التمس عطغكم ومساعدتكم لي لاني بامس الحاجة الى ارائكم السالفة ومابيها احنة مجموعة عوائل مسوين ربط كلنة حتى نطلع سوى ليش كلواحد الوحدة على مود الغربة وكلنة اصير لمتة سوةواهناك بااميركا الى عندة ناس احسن من الوحيد وانتم تعرفون هذا الشي طبعا احنة من ظمن مجموعة 11/4/2009 الذي استلمو المغلف بهذا التاريخ
واكملنا الفحص الطبي بتاريخ 13/4/2009 وباقي انشاء الله ننتظر وصول الموافقة الامنية
العوائل هي انا وزوجتي واطفال اثنين
+اخو زوجتي وزوجته+4 اطفال
+ابو زوجتي وامها واخوها شاب اعزب
+اخت زوجتي +اطفال اثنين
المشكلة وين حدثت بعدمرور حوالي شهر اتصلو على اخو زوجتي الذي عندة 4 اطفال وسوولة اعادة محلفين بالضبط يوم 6/5/2009 واعطوه موعد استلام المغلف يوم 8/7 / 2009 وكانت النتيجة طبعا مرفوض بعدها باسبوع تقريبااتصلو على الحجي ابو زوجتي مستشفى الخالدي وعملو له فحص ثاني وجرت السالفة واليوم الاثنين المصادف 3/8/2009 اتصلو على ابو زوجتي ايظا المستشفى باجر ايروح ايسوي فحص بلغم المطلوب من اخوتي هذا الشى يوثر علينا يعني راح نتاخر بسببه واني شخصيا اريد اسوي فك ارتباط فشتكولون ارجو ان تنصحونني لان الانتظار يقتل واحنة ننتظر على اساس تلفون ايفرحونة بموعد سفر اشو كل شوية طالعتنة شغلة صفح
اخوكم غريب اني
عمان 3/8/2009
-
اخي العزيز غريب يجب اولا ان تشرح لنا هل الربط قوي ام ضعيف اذا كان الربط قوي فتلك مشكلة راح تاخرك الكثير من الوقت اما اذا الربط ضعيف فهذا ما ياثر على معاملتك وسفرك واتمنالك الموفقية انت وعائلتك.
اخوك ذاكر ابو فابيان
-
اخي غريب اني احنا تقريبا مثل حالتك مسوين ربط قوي ويا عمي اوراقنة كلها خلصانة من بداية شهر السادس و احنا استلمنا الظرف بمنتصف الرابع بس المشكلة عمي سووا اعادة مقابلة ويا المحلفين بسوريا يوم 18-6 ولي هسة ماكو اي شييييييي كل ما نخابرهم يكللوانة ما في شي يعطل و ما في شي جديد انتظروااااااااااااااااااا. يعني لو نفك الارتباط رأسا نسافر و نترك عمي. بس عموما الي عاملين ارتباط و العدد الافراد كبير ديتأخرون بصراحة ما ادري ليش .
تحياتي
Lisaa
syria
-
اخي العزيز ذاكر ابو فابياناني اشكرك جدا على هذه المساهمة الجميلةبس عذرالم افهم ماذا تقصد الربط القوي اولا ارجو ان تعذرني لان مامرت علية هيج شغلة يعني مااعرف والذي يسال مو عيب حتا اوظحلك الصورة احنا باالمقابلة وي المحلف قلنا له كلمة وحدة بس لاغيرها وهي بلكت اتخلينة كل احنة سوة بولاية وحدة ماكلنا غير هذا الشي الله وكيلك يعني هاي الكلمة تعتبر ربط قوي اشلون واحنة هذا الشايب شغلتة طويلة على مااظن شتكول وانتة صاحب خبرة تره اني مااعرف شنو الربط القوي وشنو الضعيف
تحياتي لك يااخي الغالي ابو فابيان
كما اشكر المساهمة الجميلة من lisaa
ودعائي اليكم الله يسهل على الجميع والسفر القريب انشاء الله
اخوكم غريب اني
عمان 3/8/2009
-
السلام عليكم
اخويه العزيز مثلما اخبرك اخي ابو فيان مشكور جدآ اذا تشرح لنا الربط يكون احسن حتى نكدر نساعدك واذا كان الربط ضعيف اعتقد ماكو اي مشكله ..
ابو انس
-
الله يسهل امرك وييسر طريقك وان شاء الله الي بي صالح الكم هو الي يكون بعونه تعالى
-
اخوية القرش ابو انس المحترم اني شاكر لك اهتمامك بموضوعي والرد عليه
ولاكن اني ذاكر بعض الكلمات بخصوص الربط الى اخي ابو فابيان واني هم ترة مااعرف شنو الربط الضعيف من القوي مجرد احنة كم عائلة وقلنا للمحلف انريد سوة بولاية وحدة هذا الذي صار
تقبل مني احلى التحيات يااستاذي العزيز وتبقى دائما منور علينة ياوردة المنتدى
كما اشكر اخي كمال الشاطي على كلامه الجميل شكرا لك اخي كمال الشاطي
اخوكم غريب اني
-
السلام عليكم
اخي غريب اني الي افتهمته انه انتو لحد الان ده تنتظرون الموافقه الامنيه مالتكم واخو زوجتك ده
ينتظر النتيجه يوم 7\8 وعمك راح يفحص مره اخره
بالنسبه لعمك فانشاء الله الفحص مالته مراح يأثر شي عليكم ما دام انته بانتظار الامنيه واحتمال تجي موافقته قبلكم اما بالنسبه للفحص فاعتقد شاكين بي تدرن واني متاكد انه مراح يطلع بي شي مجرد شك وصارت ويه ناس كثير وانشاءالله من يسوي فحص اللعاب وينطو ابره تحت الجلد حتى يتاكدون من عدم اصابته بعدها يروح التقرير للمنظمه وتمشي الامور وعلما ان اجراءاته الامنيه ماشيه وليس لها علاقه بالفحص
بالنسبه لاخو زوجتك فانشاءالله تجي موافقته وترتاحون من هذه الشغله
بالنسبه لفك الارتباط تكدر تبلغ المنظمه بان تفك ارتباطك اي يكون الربط ضعيف بين كيسك وباقي الكيسات لان ما دام ممبلغهم بان يكون الربط ضعيف بين الكيسات فهذا معناه انه الربط قوي اي محد يسافر بيكم اذا متكمل موافقاتكم الامنيه كلها فمن تبلغهم بان يسون الربط بين الكيسات ضعيف راح كل كيس من تجي موافقته الامنيه راح يسافر قبل بقيه الكيسات وهكذا بالنسبه لباقي الكيسات حتى محد ايأخر الثاني بس طبعا عمك اذا رجال كبير تكدر تخلي ارتباطه ويه احد الكيسات حتى اذا طلعله سفر قبلكم اكو من يعاونه ويروح ويا
وانشاء الله تفرج عليك عن قريب باذن الله
تحياتي
-
اخي العزيز عكعك يامهندس المنتدى اشكرك جدا وانا ممنون منك ياطيب ولو شويه اتاخرت علية باالرد
بس اني مسامحك من قلبي لان انتة المهندس ومحد يكدر يحجي وي المهندس
بس اوظحلك صورة باالنسبة الى اخو زوجتي استلم المغلف مرة ثانية بتاريخ 8/7 2009 مرفوض
والمغلف الاول بتاريخ 11/4/2009 موافقة ولاكن بعد شهر تقريبا اي بتاريخ 6/5/ 2009 اتصلو عليه اعادة محلفين
تحياتي اليك والى كل الاخوة باالسفر القريب انشاء الله
اخوك غريب اني
عمان
4/8/2009
-
اسف اخويه على التاخير وانتو الخير والبركه انشاءالله
مو حضرتك كاتب 7\8 والظاهر حضرتك كنت تقصد 8\7 انشاءالله يستأنف وينقبل وشغلته غريبه شويه الله يعينه
اتمناك التوفيق ولباقي العائله الكريمه
تحياتي
-
السلام عليكم اخي غريب
ممكن تشرحلي شغلة هو زوج اختك مو استلم موافقة من عاد المحلفين شنو جان السبب بلاعادة وشنو الاسئلة اللي ادت الى التغيير الجذري من الموافقة الى الرفض ففمكن تشرحلنا لان اني مهتم هواية بهذا الموضوع
boss11
-
اخي العزيز boss11 هذا الشخص الذي تحكي عنه هو نسيبي اخو زوجتي صار عندك علم طيب
طبعا احنا قابلنا سوى المحلفين وبعدها استلمنا المغلف الاصفر بنتيجة الموافقة طبعا الكل اقصد احنة الي كم عائلة الي اني شارحها الكم بتاريخ 11/4/2009 والامور جانت ماشية اوكي بس هو جان متردد بعض الشي عند خروجنا من المحلف يابة اشبيك شو انتة مو على بعضك حجيت شي غلط للمحلف كال لا ماكو شي طيب
بعدها بكم يوم تبين الحجي موهيج طلع كايل للمحلف اني ظهري يوجعني وعندي دسك واريد ارتاح هذا الحجي في نص المقابلة كول المحلف كالة اتفضل اخذ راحة اتمشى في الممر لمدة 5 دقايق بعدين رجع اكملو المقابلة وهناك اشياء اخرى ظلة غامظة علينا وعلمها عند الله والغريب في الامر انه اعطوه المغلف بنتيجة الموافقة بعد ان كنا نتوقع له الرفض ولاكن الذي حصل بعد مرور اقل من شهر تقريبا اتصلو عليه
هو لوحده وابلغوه عندك اعادة محلفين طبعا راح وهو مرتبك مايعرف اشراح ايكول وبعد مارجع سالناه هابشر
شنو الاخبار كال اسئلة سئلوني ماجنت متوقعه يابة خير كال كلي المحلف انتة كذبت علينة اشلون كذبت كلة
انتة جنت مسجون في سنة 1986 وعندك طبع اصابع هذا الحجي طبعا ايام الجيش كالةاني ماكذبت عليك
قابل اني كاذب عليك بدولتك المهم كول المحلف كلة اوكي خلص انتهت المقابلة رجع صاحبنا للبيت ومتيه دربة اتلكيناه ها بشر كام يحجي فرنسي وبعدها استلم المغلف الثاني يوم 8/7/2009 وهذا كل الي صار
انشاء الله وصلت لك الشرح الذي تريده
تحياتي اليك والله يسهل امرك وامر الجميع
اخوك غريب اني
عمان 4/8/2009
-
سلام الى اخي العزيز عكعك المهندس اخي انا شاكر لك هذه الردود الجميلة والكلمات النيرة
شكرا على هذا الشرح الوافي والله انك تستاهل كل خير ويارب اتشوف كل الذي تتمناه ودعائي لك باالصحة والعافية وتنول الي ابالك
اخوك غريب اني
-
شكرا الك اخي غريب
اني ردت اعرف القصة لان اني اخذت الموافقة ويلكم والى اليوم ماسافرت وهم دزو علي المحلفين على كم معلومة واللى اليوم ماكو اي شي وشكرا الك
-
اخي غريب اني
اعتقد الاخوان كفو ووفو لاكن
انا انصحك بفك اي نوع من انواع الربط مع العوائل الباقية لان كل كيس له خصوصيته وهاذا لصالحك وصالح الاخرين وتكدر من اليوم تخابرهم وتتطلب فك الربط وتروح او هم يروحون الى امريكاويتعرفون على الوضع الجديد ووممكن يستفاد الي يروح بعدهم
اما بخصوص نسيبك
اكيد طلع عنده شيء ما ذكره يوم المحلفين وضهر عندهم اثناء طلب التجيك على نسيبك
خلي يستأنف وان شاء الله يعيدون النضر بقرارهم
اتمنالكم الموفقية ان شاء الله
-
اخوية خابرهم وتاكد اذا اكو ربط قوية ابيناتكم واذا تريد تفصل هذا الموضوع يفيدك
http://www.ankawa.com/forum/index.php/topic,313177.msg3959068.html#msg3959068
تغير الربط من قوي الى ضعيف ترة مو فد شغلة صعبة بس لازم تقرة زين شكاتب اني هنانة هاي اذا عندكم ربط قوي وان شاء الله ماكو اي اشكال
فحامي
-
أخوية أنتظر الى أن الله يسهلها عليك أنشاء الله تسافر وتخلص هاي كلها ...
تحياتــــــــــــــــــــــــــــي ;)