ankawa
منتدى الهجرة واللجوء => الهجرة و واللاجئين => الموضوع حرر بواسطة: أبن زيونة في 03:45 04/08/2009
-
هلا بكل الورود والوردات الموجودين باحلى حديقة (منتدنا الحلو)
أول شي اشكر كل الي جاوب على سؤالي او موضوعي السابق شكر جزيلا" وراح واحد واحد ارده عليه باجر انشاء الله لأن هسه بالأربعة الفجر وصرت طلي من النعس داشوف الكيبورد مخده طبعا تاخرت عليكم لأن أنخبصت خبصة مو طبيعيه خابرت على مصر مرة الخ وسألتها على الموافقة وره معرفت الولاية والمقاطعة الي كتلكم عليها كالت وصلت كلت الله يستر شنو هالسرعة المهم طكيت نفسي بعين كتلها شوكت السفر كالت عندiomبعمان هو ينطيك التفاصيل كلت خير انشاء الله تاخذلها فد شهر الواحد يبدي يحضر طرب ثاني يوم دكوا عليه iomعمان كالتلي تجي يوم4/8تاخذ خط الرحلة عزه كتلها الله عليج ام مصر خابرتج كلتلج خابرت سألتها كامت تضحك كتلها مااريد هسه اروح لأن عندي مليون شغلة كالت عادي ارفض تجي هسه اول مرة يصير وراها نخابرك مرة الخ كتله وره شكد كالت وره شهر اقل شي ويجوز اسبوع ويجوز اسبوعين ويجوز لغاية ستشهر (هاي بالعراقي القح) المهم اني كلت مااروح بعدين خابرت عليهم كلت خلي اسال كالتلي البنية الله يستر عليها شريفه والله تعال اخذ خط الرحلة وانت عندك لحد الطيارة متروح بس حطها يمك احتياط المهم رحت اني وزوجتي وطبينه وكعدنه جتي وحده عوبه اويلي شنو من وحده دفانه ماطولها عليكم ظلت تعيط وتحجي بحس عالي لأن احنه ترى العراقيين همين عدنه طلعات مو طبيعيه بس هي همين عوبه اشو اول شي صاحت اسمي كلت انلاصت كالتلي انت مو البارحة حجيت وياك مو كلتلي متريد تسافر تريد تاجل كلت انلاصت(طبعا صار الموضوع فلم هندي شطوله تحملونه بس اريد افيد الكل الله شاهد حتى لتصير بيكم الي صار بيه)كتلها انتي الي حجيتي ويايه طبعا ظلت تخرط براسي وتثرم بصل لو اني سامع كلامك جان شطبتك وجان راحت عليك واحنه هاي غلبه بالحجز علينه ومقبلت تنطيني خط الرحلة انطت للكل الا اني كتلها عيني تردين تنطيني خط الرحلة لو اروح كالت لا راح انطيك اياه اخذته 20/8 لندن ترانزيت بعدين شيكاغو وراها اريزونا بس كلها بنفس اليوم ماكو راحة 3طيارات راح نتونس اذا رحنه انشاء الله هاي الي صار ويايه حبيت ابلغكم بيه للاطلاع والأستفادة طبعا اكو فحص طبي يوم18/8 وراهايوم19/8نروح للiomنوقع على مال التذاكر ولازم نسلم جوازاتنا للمفوضية خلال اسبوع منسلمه تروح علينه نعتبر رفض للمرة الأولى اما الي مقدم على الiomمباشرة وطالعتله ميسلم جوازه بس الي طالعتلهم عن طريق المفوضية طبعا انطونه بعض التعليمات على الجنط والوزن والي ناخذه ويانه والي ميصير ناخذه الي يريد نفيده احنه جاهزين وتدللون واسف طولت عليكم وصدك سؤال اخير الي موجود بامريكا لك عيني جاوبوني اشو راح صديقي قبل اسبوعين وراحوا قبله جيرانه وقبله بت خالتي وناس ثانيه اعرفهم بس ولا واحد خابر او اتصل او مسج او ايميل وكلهم بولايات مختلفة شمال جنوب غرب شرق شنو امريكا مابيها موبايل لو نت تخبلت مع العلم وصيت الكل يخابروني او مسج اوايميل محد دز شكلها لو متونسين هوايه لو منصدمين فبس الي بامريكا شنو فلم الأتصالات الموبايل النت بس فهمونا والف مليون شكر كلمن قرأ الموضوع واتحمل طوله وجاوبنه او مجاوبنه
-
حبيبي ابن زيونه انا اول واحد اكلك الف الف مبروك ونشالله توصل بالسلامه والله يسهل علينه
اخوك البصري
-
الف مبروك توصل بالسلامة وتشوف كل الخير ربي يوفقك ويرزقك من كل الجهات بالتوفيق
-
الف مبروك اخونا العزيز ابن زيونة
وان شاء الله تصير قريباً لاخونا ابن زيونة الثاني (محمد)
الله يوفقك
-
السلام عليكم
الف الف مبروك وتوصل بلسلامه ..الاتصال من امريكا اكوا كارتات ب2دولار وتحجي عشرين دقيقه لبغداد واذا غير مكان اعتقد اقل دقائق .
ابو انس
-
الف مبروك اخي العزيز وبالموفقية والعيش الرغيد
-
حبيبي الف الف مبروك على هذا الخبر الحلو ..تروح وتوصل بالف الف سلامه وان شاء الله تكون اخر محطه بتنقلاتك
تقبل مروري
عمار
-
مبروووووووووووووووووك الف الف مليون مليار نص ربع تسعه ثمنطعش مليون مبرووووووووووووك ابن زيونه انشالله توصل بلسلااااامه
-
مبروك وان شاء الله تصلون بسلامة الله ورعايته
ان شاء الله الاستقرار الابدي وبلموفقية
-
الف مبروك وان شاء الله الموفقيه
-
الف مبروك وتوصل بالف سلامه انشاء الله
-
الف الف مبروك وتوصل بالف سلامه ....
مشكور عالتفاصيل .... بس اذا ممكن سؤال هي هاي العوبه نفسهه اللي حجت وياك قبل يوم مو شويه انلاصت عليه وما افتهمت قصدك ;D زين همه ليش العراقيين طلعوا روحهه؟؟ليش شكالو؟
تحياتي toofy
-
الف الف مبرووك السفر شد حيلك الترانسيت لندن يعني احسن من المانيا وتستاهل كل خير
-
الف مبروك اخوية ابن زيونة والله فرحتلك هواي وتستاهل كل الخير والله يسهل امورك
وتشوف كل الخير ربي يفتحه بوجهك وتوصل سالم انتة والعائلة
ودعائناالله يوفق الجميع وتوصل الموافقات الامنية والكل تسافر
اخوك غريب اني
عمان 4/8/2009
-
الف الف مبروك
الله يكمل معاك
اخوك يوجد امل
-
الف الف مبروك اخي ابن زيونه وانشاءالله توصل بالسلامه ونتمنالك الحياة الحره السعيده .
وانشاءالله يوم تطلع الامنيه مال كل ولد زيونه وبالاخص اخي محمد ابن زيونه .
والله ايسهل امر جميع اخوانه بالمنتدا .
ابو مريم
-
توصل بالسلامة وتشوف كل الخير الف الف مبروك وتستاهل كل خير..
تحياتـــــــــــــــــــــــــي ;)
-
الف مبروووووك .. الموفقية
-
الف الف مبروك
ان شاء الله بداية حياة جديدة الك ولعائلتك
والله يسهل كل الامور
ويسهل للجميع
-
الف مبروك وتوصل بالف سلامه انشاء الله
بس كلي اشلون اتصل بمصر واعرف مصير الكيس مالتي؟
-
الف مبروك ابو جاسم وتوصل بالسلامه انشاءالله اتمنالك التوفيق والنجاح وانشاءالله حياه سعيده
تحياتي
-
ألفففففف ألفففف مبروووووووك
توصل بالسلامة إن شاء الله
و الله يجعلها سفرة حلوة و خفيفة
و الله يوفقكم لكل خير
تحياتي
-
اخوية الوردة عمار البصري ممنون وتسلم وبارك الله بيك والله يوفقك والله يسهلها عالكل
-
تسلم AnGieوالله يوفقك ويرزقك من كل الأبواب وشكرا على دعوتك الحلوة وانشاء الله ندعيلك بالخير
-
مشكور اخوية العزيز مصطفى والله يوفقك ويوفق الجميع للخير وانشاء الله تصير لأخونا محمد ابن زيونه وكل الناس من العراق ومن كل المحافظات والمناطق بس تنلاص هيجي محد يبقى بالعراق
-
تسلم ابو انس الوردة ومشكور على معلومة الكارتات ومقصرت والله يسلمك من كل مكروه
-
مشكور اخوية عبسي والله يبارك بيك والموفقية للجميع والله يسعد عيشتك
-
الف الف مبرووووووووووك هاي الاخبار المفرحه وانشاءالله الرحله السعيده والتوفيق بالبلد الثاني اميركا
تحياتي
ساسي
-
حبيبي عمار انت تمر وتفوت براحتك تسلم واخوية عيونك الحلوة لذلك تشوف الخبر حلو والله يوفقك ويفتحها عليك وانشاء الله نستقر وكل الناس تستقر وترتاح
-
الله يبارك بيك حبيبي SASYومشكور واخلاقك الحلوة والله يوفقك وبارك الله بيك
-
الف الف مبروك حبي ابن زيونة وانشاء الله توصل بالسلامة يارب
رحلة سعيدة وبالموفقية
-
الله يبارك بيك اخوية المقاتل والله يسلمك ويم الك وتتوفق حبيبي رقم الiomمال مصر هو
0020227360848طبعا خابرهم وحاول من بكارت من تليفون ارضي احسن من الموبايل راح يسالوك على رقم ملفك واسمك وتنطيك الصافي واي سؤال او استفسار اني جاهز وتدلل سلامي
-
مبـــــــــــــروك ابن زيونه وتستاهل والله يوفقك انشالله