ankawa
منتدى الهجرة واللجوء => الهجرة و واللاجئين => الموضوع حرر بواسطة: سيزر في 08:02 04/08/2009
-
سلام الى كل اخواني وأخواتي بالمنتدى ...
أسمعت مؤخراً بأن بغداد SIV اوقفت مؤقتاً اصدار الــ COM Approval لمتقدمي طلب الهجره الخاصه الذين قدموا طلباتهم مطلع الشهر الخامس هذه السنه ودا يدزون فقط للي امقدمين لحد شهر اربعه.. يقال ان هناك دراسة لفكرة توحيد برنامجي الــ SIV مع الـ IOM او شي من هذا القبيل ... ارجوا من الاخوه ان يشاركون بأرائهم حول هذه الاشاعه ... اذا كان هناك شخص قدم اوراقه بالخامس اجاه كوم ابروفال لو لا ....؟ لان شغلة الكومابروفالس صارت حيل يابسه مو مثل قبل .... مع خالص الشكر والتقدير لكل الاراء...
سيزر
-
اني ماسمعت شي بس لمست تاخير غير اعتيادي وحجج سخيفة من قبلهم وذلك عن تجربة اصدقائي المقربين بس اي خبر عن توقيف او دمج البرنامجين ماسامع
بالمناسبة المهندس سيوفي احد ضحاياهم والمسكين صارلة شهر وماكو شي لحد الان
-
صديقي
الظاهر الشغلة بيها نوع من الصحة --- لان اني مقدم من يوم 24 حزيران 2009 ولحد الان ماكو اي شي --- يعني راح يصيرلي تقريبا شهر ونص وماكو شي ويمية دازيلي سالفة جديدة وحجج واهية ومااعرف بصراحة شنو الغاية منها بالضبط !!! وعندي صديق اصلا عبر الشهرين بعدة ايام ولحد هذه اللحظة ماكو اي شي منهم
انت شنو فلمك وية الجماعة؟ وبيا تاريخ مقدم؟
تحياتي
المهندس
-
اني ما عندي مشكله وياهم ... بس لا زلت اترقب نتائج الكوم ابروفال لان صديق عزيز عليه امقدم بتارخ 13 ايار 2009 ولهسه قبض ماكوا ... يدز بهالرسايل يسئل عن سبب التأخير وماكو جواب شافي (ابطرك الاتوريبلاي سئ الصيت ) ... يعني اني واصدقاء اخرين اليه حصلناه بأقل من 40 يوم ... زين ليش هسه جمدوا الاصدارات للكوم ما ادري ... راح ايسوون ازمه وراح يطول السره ... واحنه العراقيين خطيه ما متعودين على شي اسمه سره ...
-
اني مقدم يوم 15-5 وجاوبوني سئلوني كم سؤال وصار شهر غير الأوتو ريبلاي ماكو ، وعندي ابن خالتي مقدم بتاريخ 27-4 ولحد الأن كلشي ماكو
-
حبايبي الظاهر الشغلة صحيحة لان الجماعة ولايمهم وما سمعت واحد لحد الان استلم ابروفل احجي على جماعة الشهر الخامس والوراهم ...............
وانت يا اخوية يا مهندس يمكن شادين وياك لان الجماعة حيل امأخريك ودائماً حججهم مو مقنعة بس الله كريم
ابو يوسف
-
أخوان ترة أكو تأخير مو طبيعي حتى بالأي أو أم ...بس الشغلة أذا توحدت المنظمتين ..يابه شنو الشروط الجديدة ألي راح يخلوها الله يستر من هاي السالفة....خلي نشوف بله أكو هيج خبر...
تحياتـــــــــــــــــــــــــــــي ;)
-
اخي العزيز بالنسبة لل ٍSIV اعتقد انه سبب التأخير هوة وصلولهم للعدد المقرر هاي السنة ، يعني ولهذا ماكو جواب ، وبالنسبة لتوحيد البرنامجين ما اعتقد لأن ال SIV تم بتشريع قانون من الكونكرس ، بس حسب الي سمعته انه اكو توسيع في برنامج ال SIV ليشمل فئات اكثر ، الله كريم ننتضر ونشوف
-
ما اعرف اي معلومات بس صارلي شهر ونص وبعدني ما مستلم الابروفال واكيد اني وانتو راح نستلمه فد يوم وارجو منكم المشاركه بارشيف الاس اي في بالمواضيع المثبته وملاحظة تجربة الاخ محمد2009 اللي طول الكوم ابروفال مالته 4 اشهر
واعتقد ميصير نعمم على 10 لو 20 حاله وضعية فد كم الف معامله واكيد اكو ناس ديستلمون الابروفال بس احنه منعرفهم
واعذروني لان اعصابي شوية بارده ههههههه شكو ورانه
هيه شغله زينه اذا صارت واذا ما صارت او تاخرت فمو نهاية العالم
-
اي اخويه vincenzo
ذكرتني بايام شبابي ويه الكوم ابروفل ;D .. اني قدمت بشهر 11/2008 وكملت كل اوراقي بتاريخ 12/2/2009 .. وره اربع شهور بالتمام والكمال جتي المحروسه الكوم ابروفل بتاريخ 12/6/2009 وراها كملت الاجراءات ويه نبراسكا ... وهسه اني بمرحله ال NVC ووالله كريم
تحياتي
محـــ2009ـــمد
-
اخواني الاعزاء شويه طولوا بالكم لان الشغله تسوه
تاني انتظرت 18 شهر يعني قدمت بشهر12-2007 وطلعت الفيزا 30-6-2009
الهجرة والسفر الى اميركا تسوه والله لان هناك ستجد الانسانيه وشعب ودود ستجد ما لم تره في حياتك من تعامل
يا اخوان والله الشعب الامريكي من اطيب الشعوب شعب لا يعرف الكذب والنفاق شعب صريح مسالم لم ارى في حياتي مثل هكذا شعب طيب
الانتظار يستحق ان تعيش مع هكذا بشر
-
ابصراحة الحجي مو هشكل لان اكوا اشاعة قوية
انوا كل البرامج واكفة من الشهر الخامس لحد مينتظرون التقيم الجديد
بعد قرار الانسحاب واحنة ما بيدنة شي انسوي غير الصبر
-
اخواني الاعزاء ان شاء الله كلكم تحصلون الكوم وتسافرون وترتاحون بس الموضوع احتمال مو مثل ما دتفكرون لان اكو لود كلش عله السفاره بغداد فدياخرون المعاملات اشويه وهذا شي عادي دعائي الكم بالموفقيه وتسهيل المور يارب .
-
هنيالك فيسينزو على هالاعصاب البارده ... عيني بارده عليك ... يمعود يمي جماعه بطلو كل نشاطاتهم ونسو الطلعه والونسه ومعسل الكهاوي ووكفة ركن الشارع وصار كل همهم الــ COM .... وصار شعارهم ( الحياه بلا كوم مثل مركه بلا لحم ) ...
اني يمكن اميل لرأي اسامه ... يجوز لان السنه الماليه قبط بيها العدد وفعلاً اهوايه راحو ... حتى الجيل الاول من اعضاء المنتدى انقرضوا من العراق ... ;)
يله خل ينتظرون شويه وانشالله تسهل عليهم ....
سيزر
-
صديقي سيزر ليش هو اكو ونسه بالعراق!!!
اني ونستي الوحيده هي قراية الكتب (الامريكيه اكيد لان هم اهل العلم) وخصوصا اللي باختصاصي ولغه وبرمجة حاسبات (فيجوال سي++ ونتورك وشغلات مشابهه ممكن تفيد بالجامعات الامريكية وبالشغل بامريكا) اما الكهاوي والتسخيت فمع الاسف بحياتي ما متعرف عليه وبالطلعات غير الضرورية فبغداد مثلا كلهه صايره تخوف فعليمن هالخطورة وتضييع الوكت
صديقي من تلتهي بشغلات تحبهه وتضمن تفوقك بيهه هناك راح تنسى الوقت
بس طبعا اهم شي لازم تكون واثق من انك راح تنقبل بالبرنامج اللي انت مقدم عليه وهاية تعتمد عالنيه الصافيه
يعني الصادق مع نفسه و ويه الاخرين يكون مستقر ومرتاح نفسيا
وبعد الانسان المتفوق والتعبان على نفسه (ومو دا امدحلك بنفسي) يبقه متفوق وين متوديه والفاشل والاتكالي هم متصيرله جاره لو توديه لليابان ويضل طول عمره يدك على راسه ويلطم والامريكان مثلا يتخبلون من هايه الحاله ويسموهم whiners or complainers اي المتذمرين اللي بس يتشكون
واسف على هاية المحاضره الزغيره وانشاء الله بعد ما اسويهه
-
صديقي vincenzo .. اني اشكرك على هذا الرأي الصحيح وانت ما اتفضلت الا بالشي النافع ولا غبار على كلامك ... انشاء الله نتلاكه في امريكا ونشوفلنه فد كوفي شوب امرتب علمود انعوض ايام فوبيا بغداد ... واحب انهو تعرف انهو العراق حالياً هو ابو الونسه والطربكه ... ويمكن يموت الواحد من كثر ما العراق ايونس ... كلش وحيل واهوايه وجداً
حصل الكام وبعدين الله كريم يمعود ;D