ankawa
منتدى الهجرة واللجوء => الهجرة و واللاجئين => الموضوع حرر بواسطة: بغداد1975 في 21:46 04/08/2009
-
مساءالخير جميعا
كيف الحال ادري اني مقصرة وياكم بس للاسف ماكو اخبار او مساهمات جديدة يارب نسمع احسن الاخبار فرحانه بخبر سفر الاعضاء ووصلوهم بالسلامة ويارب الموفقيه للجميع
اخواني واخواتي
السؤال الاول عندي صديقه انخطبت لشاب موعراقي وهي باقي عليها بس موعد السفر فهل رح ياثر هذا على ملفها وشنو رايكم تكطع مهر لو تبقى تنتظر لحد لمن توصل لامريكا؟؟
والسؤال الثاني من تطلع الموافقه الامنية اشكد الواحد يبقى ينتظر ختم الملف ؟؟؟؟؟
واشكركم على جوابكم اللي وعذروني عن التقصير
اختكم دوم بغداد 1975
-
اهلا و سهلا اختي العزيزة طبعا اذا بعدها ما كاطعة مهر لا تكطع احسن اذا تريد تسافر بصراحة لازم تختار بين الزواج و بين السفر لان هواية الاخوان ناقشو هاي الفكرة عملية لم الشمل للزوج تاخذ وكت وايضا قد تعتمد على جنسية الزوج
-
مساء الخير اختي العزبزه بغداد
اختي بالنسبه للصديقه متكدر هسه اضيفه لان راح تنعاد كل المقابلات من اول وجديد والنتيجه غير مضمونه واذا كطعت مهر وراحت وطلبت لم شمل راح هم ياثر عليها لان المنظمه معدها علم بالشغله
فالاولى تروح وبعدها ترجع وتعقد وتسوي عقد بالمحكمه وتاخذ صور ويه الزوج ويه اهله واذا اكو كاسيت مصور للحفله وترجع لامريكا وتقدمله بس هاي العمليه تاخذلها على اقل تقدير سنتين واعرف شخص طول 3 سنوات وشويه
السؤال الثاني
والله اختي من كان المكتب الاقليمي بمصر ختم الملف مكان ايطول اكثر من اسبوعين بس من صار بعمان الشغله طالت شويه وبعض الاعضاء صار اكثر من شهر وماكو شي بس هي طبعا ده تجي
ملفات من عمان ولكن قليله جدا وعلى اساس دازين استعجال لعمان بهذا الخصوص
مبين شي وياكم اخت بغداد ؟؟
تحياتي وسلامي للحجيه الوالده
-
مساءالخير
اخواني الاعزاء اشكركم كلش على الرد
اخوية عكعك بالنسبة النا ماكو شيييييييييي :'(ورح نتخبل من الانتظار
علمود صديقتي هي مفكرة انه تكطع مهر وبعدين تروح ومتسحبه بس تريد تاخذ الاقامة وترجع للاردن فشنو رايكم هي مجرد تريد تاخذ الاقامة علمود تكدر تروح وتجي لاهلها وتكدر عن طريق اقامتها اطلع اقامه اله؟؟؟؟
وبالنسبة لختم الملف اذا بالاردن سهله عليها لان هي ملفها بالاردن
شكرا اخواني واتمنى تشاركوني برأيكم
اختكم دوم بغداد
-
الله كريم اختي انشاء الله تجي موافقتكم عن قريب باذن الله
اختي بالنسبه للروحه والجيه مو بالسهوله الي واحد يتصورها لازم موافقات واذا تتكرر الحاله من
حقهم يسحبون الكرين كارد من عدها لان يعتبروها ده تستغل الاقامه لاغراض سياحيه وايضا لازم
متبقى اكثر من سته اشهر خارج امريكا بالاضافه الى كلفه السفر الباهضه وبالنسبه للم الشمل حته
لو عدها اقامه دائميه فالاجراءات وحده فلازم تدرس الشغله زين وتفكر قبل لا تتخذ اي قرار وتكدر هي
قبل لاتروح تعقد عليه بس من اتقدمله ويشوفون انه هي عاقده قبل لتروح لامريكا راح ياثر عليها وبعد
مستحيل تكدر اتسحبه ويكون مصيره الرفض
تحياتي
-
شكرا اخوية العزيز عكعك
بس هو خطيبها دبل ميهمه هههههههههههههه اني رح اقوللها ارائكم انشاءالله من الله التوفيق
والحجية تسلم عليك وتقوللكم الله يسهل عليكم جيمعا
اختكم بغداد1975
-
الله يسلمها انشاء الله ويحفظه الكم
اختي اذا خطيبها دبل خلي تتوكل على الله لعد ........زين خطيبها عنده اخت ممتزوجه؟؟ ;D
-
طبعا من زمان ما مشارك بس احب اكول لصديقتج كلام ونصيحة كبيرة ومجانية لاتتزوج لان راح تندم وينسد موضوعها للابد لان اعرف عراقية اخذت عراقي وموضوعها الى اليوم مصار وتاخرت اما اذا اخذت من جنسية اخرى فعليها السلام اما زواجها وعدم هجلرتها بسبب زواجها فسوف يكون نهايته الندم الشديد وهذا عن تجربة خاصة بي بلحياة
المتمني من جديد
-
احم احم نحن هنا ... عيني ست بغداد شدعوه شصار شنو هالغيبه عبالي طلعتو من مصر ونسيتينا
يلله المهم انتو بخير وعافيه .
حبي كولي لصديقتج خل اتسافر ولا تورط روحها بزواج ( قحط رياجيل ؟ ) السفر اهم .
تحياتي للوالده و الاهل .
-
هاي خطية الدبل سوه بيها هيج لعد أذا غير شي جان شصار ....أختي العزيزة مثل ما نصحوا صديقتج الأخوان خلي تأجل موضوع السفر بعدين ..وطبعا أكيد هو راح يكيف من دكوله أني أروح وأرجعلك بعد سنتين هههههههههههههههههههه واووووو بعد شيريد خلي يلعب لعبته وين لاكيها ترة بعدين تندم ويضيع الأول والتالي...
تحياتــــــــــــــــــــــــــي ;)
-
شكرا اخواني واخواتي على الرد
"عيني هو منو لاقي عريس ديل بالهوقت"ههههههههههههههههههههههههه
اشكركم اخواني على الرد المساهمات
اخوائي تسالكم صديقتي شنو رايكم اذا راحت اهناك اخذت الاقامه وترجع؟؟؟ ميصير وبعدين تتزوج؟؟وعلى راحتهم تقدم لزوجها
-
مرحبا للجميع
والله خوش سؤال اختي
عاشت ايدج :)
هسة اني هم عندي سؤال
خلي نكول انه الوحدة مخطوبة بس خطيبها
عايش بأوربا وتوطينها طلع ل اميركا تسافر لو شلون وشنو يصير وياها وهي طبعا وية ملف اهلها ؟
لو ترفض وتنتظر كطع المهر يالله ؟علما انه الخطيب مطالع عن طريق اليو ان اصلا هو عايش هناك من زمان .
وسؤال ثاني هم بالله اذا الواحد مقدم على اليو ان وطلع اله توطين وهو كاتب انه متزوج
بس مو جنسية عراقية بس جنسية عربية زوجته شلون رح يرفقوها وياه ؟؟واكو طفل بالطريق
.
خطية دينتظرون جواب علوى احد يكدر يرد ويساعد
-
شكرا اخواني واخواتي على الرد
"عيني هو منو لاقي عريس ديل بالهوقت"ههههههههههههههههههههههههه
اشكركم اخواني على الرد المساهمات
اخوائي تسالكم صديقتي شنو رايكم اذا راحت اهناك اخذت الاقامه وترجع؟؟؟ ميصير وبعدين تتزوج؟؟وعلى راحتهم تقدم لزوجها
اختي بغداد جاوبت بردي الاول على سؤالك هي تكدر ترجع من امريكا حتى قبل لا تاخذ كرين كارد بعد ان طلع وثيقه سفر وتذكر اسباب السفر وترجع تزوج وتاخذ المستمسكات وترجع تقدمله حتى لو محاصله على كرين كارد بس تبقى الشغله نتائجها غير مضمونه فلازم تتوقع الاسوء حتى لا تندم بعدين
-
اني اكول مادام خطيبها اردني ودبلماشااااااء الله لويش رايحة ؟ّ لان هية اذا تكللهم مرتبطة باردني عالسريع يلغون معاملتها لان حجتها باللجوء باطلة
وبعدين هية واراح تكضيها فول وفلافل لان خطيبها دبل مثل ماكلتي فخلي تكضيها بالاردن وتاكل منننننسسسسف باللحمة البلدية على كولتهم وادعيلج انشاءالله تلكين ياختنا السائلة على واحد مثلة هم اردني دبل ;D :P
-
خلي نكول انه الوحدة مخطوبة بس خطيبها
عايش بأوربا وتوطينها طلع ل اميركا تسافر لو شلون وشنو يصير وياها وهي طبعا وية ملف اهلها ؟
نفس الجواب السابق ترجع ....وتعقد..... وتقدم ...وهم النتائج غير مضمونه
وسؤال ثاني هم بالله اذا الواحد مقدم على اليو ان وطلع اله توطين وهو كاتب انه متزوج
بس مو جنسية عراقية بس جنسية عربية زوجته شلون رح يرفقوها وياه ؟؟واكو طفل بالطريق
اي نعم يرفقوها ويا غير زوجته قابل يعوفوها ويطلعوا اله بس واكو حالات طلعت زوجاتهم من جنسيات عربيه بس بحاله العكس الزوج عربي اعتقد بيها صعوبه او ميصير لان يعتبر المعيل يمكنه العيش في بلده بامان ومن حق زوجته التجنس بجنسيه زوجها
-
اختي العزيزة
العقل يكول الزواج والاستقرار احسن شيء (الزواج) خلي تخبرهم صديقتك بقطع المهر والزواج وخلي تعيد المقابلات مع زوجها ان سارت الامور كلها اوكي صار عصفوين بحجر واذا ما وافقو عليهم هي اختارت شريك حياتها وباقيه يم زوجها واهلها وما خسرانه شيء واحسن من انتضارها اكثر من سنتين وما تعرف مصيرها
هاذا رائي الشخصي طبعا
raad rami
-
اختي العزيزة حتى وان اتزوجته وسافرت لا تستطيع ان تسحبه الا بعد مرور خمس سنوات على اقامتها في امريكا...هذا ما قالوه النضمة لاحد اقاربي خطب في سوريا قبل ما يسافر وبعد ما سافر راجع هناك لغرض القدوم الى سوريا والزواج بها فقالو له بالحرف الواحد ( لن تستطيع ان تسحب زوجتك قبل مضي اكثر من خمس سنوات في امريكا) وتقبلو تحياتي.
ذاكر ابو فابيان
-
http://www.ankawa.com/forum/index.php/topic,321867.new.html#new
-
السلام عليكم اختي بغداد
ان شاء الله تكونون بالف خير
صديقتج عدها 3 اختيارات مما قريت وافتهمت من بقيه الاعضاء
اما تضحي بالسفر وتزوج وتكعد يم زوجها واهله بالاردن وهاي هيه تعيش عيشه زينه وتحمد ربها ماطول الزوج دبل ومتاكده منه انسان طيب ومسالم
او التضحيه بالزواج والسفر لامريكا وان شاء الله رب العزه والجبروت يقسملها قسمه احسن لان هناك اكيد مستقبل الها يكون افضل من اي دولة عربيه والستر من رب العباد
اما القسم الثالث وهو انها اسافر وترجع وتعقد وترجع اسافر وتقدم اوراق وتنتظر موافقات ولو اي لو لا ولواصير ولو مصير وبعد مرور 3 او 5 سنوات هيج حرام والانتظار صعب اصعب مافي الكون
فاني انصح والنصيحه لوجه الله تختار بين التضحيه الاولى او الثانيه لان الاختيار الثالث صعب اشوفها من وجهه نظري
ان شاء الله يقسملها الخير وينطيها على كد نيتها بعونه تعالى
وان شاء الله ييسر امركم اختي بغداد وينور طريقكم رب العالمين سلامي للحجيه وان شاء الله نسمع اخبار حلوه بموضوعكم قريبا باذن الله انه سميع قدير
-
اختي بغداد مع احتراماتي هسة ماكو عراقيين حتى دضحي هههههههه و الله قبل فترة عائلة طلعت من سوريا و همة ابوهم مقتول الله يرحمة بالعراق و بعد وصولهم لامريكا بفترة البنت الجبيرة تعرفت على شاب عراقي هم جاي عن طريق اليو ان و م شاء الله صارت قصة حب حلوة بينهم و تزوجو و هسة هية حامل و حيل فرحنالهم فهي الشغلة يعني مو فد صيدة و ثانيا هسة هو مخطبهة الا من دتروح لامريكا ؟؟؟ ترة احنة اخوان عادي نحجي مو تزعلين و تدرين اكو بنية عراقية تزوجت واحد اردني و عاندت كل اهلهة طبعا هذا الحجي من ايام صدام و هسة لو تدرين شلون متندمة و هية عايشة بوادي و هو بوادي و حتى جهالهة معلمتهم يحجون عراقي و يشيلون علم العراق و ابنهة يكول اني عراقي و من تكعد تصفن تكول اني شلون هيجي سويت و خلفت جهال حتى مو عراقيين و كلللللللللش ندمانة فصديقتج خلي تتريث و خلي تعوف الدبل و تفكر بي كانسان و تشوف يستحق هاي التضحية ؟؟؟
تحياتي و تمنياتي بالسفر القريب
-
مساءالخير جميعاااااااااااااااااااااااااااااااااااااااااااااااا
كيف الحال والاخبار طبعا شكرا جزيلا على ردودكم واقتراحاتكم
كانت ممتاز وتوضح الامور قدام اي بنية مقبله على زواج او سفر لان لا ننسى بطبيعه اقامتنا بالبلاد العربية تتولد هيحي زواجات ومتوقعه كثير
اني الصراحة اليوم رحت للمنظمة وسالت قالو انها تكدر تظيف معلومة انها مخطوبة او عاقده قران وترفق ورقه عقد القران بملفها دون اضافته ومن تروح اهناك تسويله معامله لم شمل فهاي معلومة جديدومفيده لاخواتي العراقيات واخواني العراقين ويارب يتمم على الجميع بخير
ويووووووووووووووووووووووووووووووووووووووووووووووووووووووووووم ألناا انشاءالله
على فكرة اجتني الامنية باركولي بقه بس ختم الملف ويارب الموفقية للجميع والمنتظرين بقت بس الحجية واخوية الجبير ويارب الخير لكل العراقين
اختكم دوم بغداد1975
-
مساءالخير جميعاااااااااااااااااااااااااااااااااااااااااااااااا
كيف الحال والاخبار طبعا شكرا جزيلا على ردودكم واقتراحاتكم
كانت ممتاز وتوضح الامور قدام اي بنية مقبله على زواج او سفر لان لا ننسى بطبيعه اقامتنا بالبلاد العربية تتولد هيحي زواجات ومتوقعه كثير
اني الصراحة اليوم رحت للمنظمة وسالت قالو انها تكدر تظيف معلومة انها مخطوبة او عاقده قران وترفق ورقه عقد القران بملفها دون اضافته ومن تروح اهناك تسويله معامله لم شمل فهاي معلومة جديدومفيده لاخواتي العراقيات واخواني العراقين ويارب يتمم على الجميع بخير
ويووووووووووووووووووووووووووووووووووووووووووووووووووووووووووم ألناا انشاءالله
على فكرة اجتني الامنية باركولي بقه بس ختم الملف ويارب الموفقية للجميع والمنتظرين بقت بس الحجية واخوية الجبير ويارب الخير لكل العراقين
اختكم دوم بغداد1975
شكرا اختي على المعلومه والففففففف مبروكككككككككككككككككككك على الامنيه وانشاءالله فاتحه خير وانشاءالله تكمل الفرحه بقدموها للجميع وتسافرون بالتوفيق
تحياتي
-
مساءالخير جميعاااااااااااااااااااااااااااااااااااااااااااااااا
كيف الحال والاخبار طبعا شكرا جزيلا على ردودكم واقتراحاتكم
كانت ممتاز وتوضح الامور قدام اي بنية مقبله على زواج او سفر لان لا ننسى بطبيعه اقامتنا بالبلاد العربية تتولد هيحي زواجات ومتوقعه كثير
اني الصراحة اليوم رحت للمنظمة وسالت قالو انها تكدر تظيف معلومة انها مخطوبة او عاقده قران وترفق ورقه عقد القران بملفها دون اضافته ومن تروح اهناك تسويله معامله لم شمل فهاي معلومة جديدومفيده لاخواتي العراقيات واخواني العراقين ويارب يتمم على الجميع بخير
ويووووووووووووووووووووووووووووووووووووووووووووووووووووووووووم ألناا انشاءالله
على فكرة اجتني الامنية باركولي بقه بس ختم الملف ويارب الموفقية للجميع والمنتظرين بقت بس الحجية واخوية الجبير ويارب الخير لكل العراقين
اختكم دوم بغداد1975
مليووووووووووووووووووووووووووووووووون مبروك اختي بغداد ان شاء الله تكمل فرحتكم بباقي الموافقات وينختم الملف بالخير وتسهل كل اموركم ان شاء الله
وشكرا للمعلومه المطروحه بارك الله بيج اختي والف مبروك مره ثانيه
-
الف الف مبروك اخت بغداد
وانا فرحت لاجلك كثيرا وانش اء الله كل العائلة تاتي موافقاتها وسفركم قريب بنعمة الله
سلام الله معكم
اخوك يوجد امل
-
الف مبروك اختي على الامنية
والله يسهل للجميع والكل تسافر
وترتاح وتستقر ان شاء الله
-
مبروك على الامنية وان شاء الله امنية جميع العائلة والاعضاء
ومشكورة على المعلومة بخصوص الخطوبة او عقد المهر
-
الف مبروك على الامنية و ان شاء الله توصل للحجية و اخوج الجبير عن قريب و تسافرون و ترتاحون