ankawa

منتدى الهجرة واللجوء => الهجرة و واللاجئين => الموضوع حرر بواسطة: osama5477 في 22:10 04/08/2009

العنوان: جماعة ال SIV جاوبوني اخيراً ولكن ؟؟
أرسل بواسطة: osama5477 في 22:10 04/08/2009
السلام عليكم اخواني ،

اخير وبعد انتضار دام شهر اليوم جماعة ال SIVجاوبوني على مود التقديم وكالولي ان القضية مالتي تحت الدراسة وانه همة راح ايجاوبوني من يكملون دراسة القضية ، اني اول مرة اسمع اكو قضية تحت الدراسة بال SIV والهم انه همة انطوني رقم يبدي ب NVC2009209 شنو معناه هذا الرقم ؟؟ ما ادري زين شنو معانه انه همة دا ايمشمون قضيتي على الكوم ابروفل لو دا ايقررون اني مشمول لو لا ، زين اكو احد انطوه رقم NVC وبعدين كلوله انته ما مشمول ، افيدوني رجاءاً ، وبالمناسبة اني دزيت اوراقي 1-7 يعني شهر يالة جاوبوني بعد ما سئلوني كم سؤال عن الشركة الي كنت اعمل معاه وكالوا انه همة راح يشوفون العاملين مع هاي الشركة مشمولين لو لا مع العلم انه صديقي كان مشتغل وياي بنفس الشركة وسافر SIV ؟؟ ننتضر وانشوف
العنوان: رد: جماعة ال SIV جاوبوني اخيراً ولكن ؟؟
أرسل بواسطة: Iron_man في 23:59 04/08/2009
مبروك .... وانشاء الله دائما احراز تقدم في معاملتك ...

ادعو من الله العلي القدير ان يوفقك في خطواتك

اخوكم

Iron_man
العنوان: رد: جماعة ال SIV جاوبوني اخيراً ولكن ؟؟
أرسل بواسطة: show في 00:05 05/08/2009
والله اخي اسامه اني شويه دخت بقضيتك
يعني انت لحد الان ممستلم الكم ؟
شنو تقصد بارسال اوراقك؟ ارسال بالبريد الاعتيادي او تقصد ارسلت ايميل علمود التقديم على  siv ?
ارجو التوضيح

بالتوفيق للجميع
العنوان: رد: جماعة ال SIV جاوبوني اخيراً ولكن ؟؟
أرسل بواسطة: osama5477 في 00:11 05/08/2009
اني دزيتهن بالأيميل اني ستوني مقدم وما محصل كوم ابروفل لحد الأن ، بس استلمت اليوم كيس نمبرر يبدي ب NVC وهمة اخر ايميل استلمته منهم قبل شهر كانوا يكولي انه همة دا ايجكون اذا كنت مشمول بالبرنامج لو لا ؟ سؤالي اكو احد استلم رقم NVCوبعدين بلغوه انه هوة مامشمول بال SIV ؟؟ همة كالو الكيس مالتي قيد الدراسة ومن تكمل دراسته راح انبلغك
العنوان: رد: جماعة ال SIV جاوبوني اخيراً ولكن ؟؟
أرسل بواسطة: show في 00:26 05/08/2009
والله يا اخي اعتقد هذه اجرائات جديده و تبدو غريبه علي لان اني مستلم الكم صار 10 اشهر تقريبا
الظاهر ديمشون باجرائات جديده وانت اذا عندك خدمه اكثر من سنه و السوبرفايزرس مالتك مستعد على الاجابه عن استفساراتهم فلا يوجد داعي للقلق

بالتوفيق للجميع
العنوان: رد: جماعة ال SIV جاوبوني اخيراً ولكن ؟؟
أرسل بواسطة: osama5477 في 00:37 05/08/2009
اني عندي خدمة اكثر من سنة والسوبرفايز هم جاوبهم من زمان بس همة هسه مطلعين موضوع جديد مدوخين بيه العالم انه مو كل الشركات مشموله ، يعني اكو بعض الشركات الي متعاقدة ويه ال USAID بعقد منح (Grants) هاي مامشولين العاملين بيه بالتقديم على البرنامج ، واكو بعض الشركات الي متعاقدة وية ال DoD بس العقد تم دفعه من مبلغ ال 17 مليار وال همة يسموه IRF هذولي هم مامشولين ( طبعاً هاي المعلومات من اصدقائي الي قدموا وبلغوهم انه همة ماشمولين وكالولهم على سبب الرفض ) بقت اني اتأكدت من الشركة مالتي والي هية متعاقدة وية وزارة الدفاع الأمريكية وانه العقد لا Grant ولا من ضمن ال IRF لاكن عقد مباشر مدفوع من قبل وزارة الدفاع وحتة دزيتلهم الورقة الأولى من العقد ( مدير الشركة كلش انسان شريف ويحب ايساعد ودزلي نسخة من العقد ) مع العلم وفوك كل هذا واحد من اصدقائي كان يعمل وياي وسافر على ال SIV بس هسه اني يكولولي خلي انجيك مشمول لو لا بس همة ال NVC نمبر كان يجي ورة ما ترسل فايلاتك يعني بالمرحلة الاخيرة اشوة هسه بالبداية قبل الكوم ابروفل؟؟
العنوان: رد: جماعة ال SIV جاوبوني اخيراً ولكن ؟؟
أرسل بواسطة: vincenzo في 01:01 05/08/2009
صديقي كلنا دزولنه رقم NVCSIV  وهذا الحجي بدا قبل كم شهر من بدت شركة سيركو تسوي معاملات الكوم ابروفال هم واني هسه وره الرد الثاني مالتك يلله افتهمت انه ملخص قضيتك انه ممتاكدين انت مشمول لو لا وحبيبي كلهه وقت مع ملاحضة انه هم لو ديدققون اكثر بالكوم ابروفال هالايام لو لان كل اللي مستحقين قدموا وخلصوا وهسه بقة بس جماعة الشركات والاعلاميين والمنا منا من الملحقين عالاس اي في فهذوله ديفرون باذاناتهم لان ما عدهم ذيج الخبره بس انته خليك صبور ويا ريت تنزلنه الرد مالتهم بالانكليزي مثل ما وصلك بعد حذف المعلومات الشخصية حتى نستفاد
العنوان: رد: جماعة ال SIV جاوبوني اخيراً ولكن ؟؟
أرسل بواسطة: osama5477 في 01:32 05/08/2009
هذه الرد مالتهم :-
Dear Sir/Madam,

 

The National Visa Center (NVC) received your documentation on July 01, 2009 and assignedcase number NVCSIV2009209

 At this time, the National Visa Center (NVC) is awaiting further guidance as to whether the company you worked for is a valid US Contractor for this program.  We will notify you immediately with further instructions once a decision is made ,Your case is currently under review.  Once the review is complete, you will be notified with further instructions.

Sincerely,
OH2
SIV Unit
National Visa Center
Serco Inc
Support Contractor

العنوان: رد: جماعة ال SIV جاوبوني اخيراً ولكن ؟؟
أرسل بواسطة: ShadowMan في 07:57 05/08/2009
اخوية العزيز هاي كلها اجراءات بدو بيها بالفترة  الاخيرة يعني قبل حوالي شهرين ونص وبدو يتحججون ويأخرون لان اني اعرف ثنين من اصدقائي امقدمين وكلشي ماكو لحد الان غير بس اسألة من جماعة الاس اي في  وماكو اي جواب شافي ممكن ان ايريجك....


اخوية العزيز ما دام انت اتكول انه الشركة التشتغل انت بيها عقدها مباشر ومستلمة الفلوس من تخصيصات وزارة الدفاع فلا اتخاف الله كريم هي بس مسألة وقت بالنسبة الك .

الله ايسهلك

ابو يوسف

 
العنوان: رد: جماعة ال SIV جاوبوني اخيراً ولكن ؟؟
أرسل بواسطة: سيزر في 13:42 05/08/2009
اعتقد من الشهر الخامس السفاره الامريكيه في بغداد بدت ترسل الاوراق الاوليه للتقديم الى الــNVC لغرض الفحص وبعدين ورا كم شهر يرجعوهه الى بغداد ... لغرض ارسال الكم ... بعدين انته تجمع الحباشات كلهه وترسلهه الى نبراسكا ومن ثم تعود هناك الى الــ NVC من جديد ودوري يا دواره دوري  :'(


سيزر
العنوان: رد: جماعة ال SIV جاوبوني اخيراً ولكن ؟؟
أرسل بواسطة: storm2 في 14:25 05/08/2009
مقتبس من: ShadowMan في 07:57 05/08/2009
اخوية العزيز هاي كلها اجراءات بدو بيها بالفترة  الاخيرة يعني قبل حوالي شهرين ونص وبدو يتحججون ويأخرون لان اني اعرف ثنين من اصدقائي امقدمين وكلشي ماكو لحد الان غير بس اسألة من جماعة الاس اي في  وماكو اي جواب شافي ممكن ان ايريجك....


اخوية العزيز ما دام انت اتكول انه الشركة التشتغل انت بيها عقدها مباشر ومستلمة الفلوس من تخصيصات وزارة الدفاع فلا اتخاف الله كريم هي بس مسألة وقت بالنسبة الك .

الله ايسهلك

ابو يوسف

 



بس ابو يوسف الولد ديكول بعدة على الكوم ابروفال زين هنا الي مجاوبين جماعة ان في سي زين شنو علاقة ذولة بالموضوع مو تشوفها غريبة شوية
العنوان: رد: جماعة ال SIV جاوبوني اخيراً ولكن ؟؟
أرسل بواسطة: vincenzo في 00:50 08/08/2009
اسامه صديقي اذا تكول صديقك انت اللي مشغله يعني اكيد بعدك على اتصال وياه ورى ما سافر
برايي ان تاخذ رقم الان في سي مالته وتدزه الهم وتشرحلهم شنو اللي صار وياه
وبنفس الوقت تخلي مديرك بالشغل اللي دعمه بذاك الوكت ان يتصل بالان في سي علمودك وهمه كلش يهتمون من السوبرفايزر الامريكي يتصل بيهم مباشرة
اذا عجبتك اقتراحاتي وسوت شي حدثلنا الموضوع حتى اصحاب الحالات المشابهه يستفادون