ankawa
منتدى الهجرة واللجوء => الهجرة و واللاجئين => الموضوع حرر بواسطة: علي الحلي في 09:40 05/08/2009
-
السلام عليكم
شلونكم شباب محتاج مساعدكم
انا كنت مترجم مع القوات الامريكيه في العراق ولمدة سنه واثناء عملي كنت كثير الاغتراض على بعض الاساليب التي يقوم بها الجنود الامريكان وبعد مرور سنه من عملي قامو بأعتقالي لمدة سنه وست اشهر ؟
وصارلي عشر اشهر من حصلت على اطلاق سراح من القوات الامريكه وكتاب برأه من الحكومه العراقيه وعندي تزكيات من قاده امريكان .واريد اقدم على مكتب اليو ان ارجو مساعدتي ؟ واذا قدمت على السفاره الامريكيه راح ايرفضوني ؟ واذا قدمت على اليو ان وكلتلهم اني عندي مشكله ويا الامريكان يكدرون يحولون ملفي على غير دوله ؟ وحسب ما سمعت من الاصدقاء ان مكتب اليو ان بتركيا احسن من باقي الدول؟
ارجو الجواب
ولكم جزيل الشكر والتقدير
علي الحلي
-
اي اخي مع الاسف
اكو شخص ابتركيا مجان ذاكر لللامم المتحدة بانه جان معتقل يم الامريكان وعبر ملفة و عند مقابلة الامريكان ذكر ذلك وكال بانه تم اعتقال جميع الناس في منطقته و قبلوه الامريكان بس عند عمل التحقيق الامني بعد 7 اشهر تم رفض طلبه
والان لا اعرف اذا ما تم تحويله الى الاسترالية او لا
واذا علمت اي شي سوف اخبرك لا حقا
الله يعينك
-
أخي العزيز إذا تقدم على السفارة الأمريكية أكيد حرفضوك , مو لأن مسوي مصيبة لو فد شي ... بس همة يتحججون ... أقصد ناس مامسوية أي شي ويجيهه رفض بسبب حجج , لعد اللي معتقل جان عدهم شون ؟!!!!!
اما بالنسبة للأمم المتحدة فالموضوع عادي حيل , أنت كللهم انتو انت جنت معتقل عند الأمريكان وماكو اي مشكلة بس على الأغلب ماحتطلعلك أمريكا وهذه بعتقادي أفضل الك لان الواحد إذا صابر صابر على اليو أين خوبن خلي يروح لدولة بيهه مساعدات مثل اوربا استراليا ... احسن من امريكا ميت مرة.
-
أخوية العزيز على الحلي الحمد لله على سلامتك
اخوية العزيز انا اعتقد انته هسه اسمك بابلاك لست يعني انته ماتكدر تدخل امريكا
لان عندي ولد نفس سالفتك وهم قدم وجائه رفض كالوله انته اسمك عليه منع من دخول الولايات المتحدة
بس تكدر تدخل اي دوله اوربية ماعدى امريكا واني اعتقد انته لو تحاول على كندا لو استراليا هواي احسلك من الانتظار وبعدين لاسامح الله يرفضونك
اسال الله العلي القدير ان ينير طريقك ويرشدك لما هوا مصلحه لك
-
أخوية العزيز أنت شغلتك صحيح أنه جنت معتقل ومن هاي السوالف ...فأكيد مراح تطلعلك أمريكا لأن راح يطلعولك مية سالفة وسالفة وأنت وحظك أكو ناس مثل حالتك عبروا صدكني .....فتوكل وحاول على غير دولة هواية أحسنلك وأضمنلك من ناحية المساعدات وأنشاء الله الله يفتحها بوجه وميخلي أحد يوكف بطريقك...
تحياتــــــــــــــــــــــــــــــــــــــــي ;)
-
اخي العزيز شغلتك صعبه لانه اسمك هسه نزل عدهم بالسستم لانه اي واحد يعتقلوا ينزل اسمه وتفاصيل عنه كامله فاذا تريد تجرب حظك وتقدم وما تكلهم اعتقلوك الامريكان او حتى اذا تريد كلهم سوي محاوله انت ما خسران شي لانه اذا ما كتلهم اول وتالي راح يعرفون هذا الشي من يسوون تجييك امني عليك والله يسهلك شغلتك انشاء الله.
-
مع الاسف
احسن الك تختار غير امريكا
اني اعرف شخص ممسوي شي بس مشارك بحرب 1991 واجاله رفض ع اساس بصمات مالتة مشابهة لواحد اصلا ميحمل نفس الاسم وطلع الولد wanted ف ضربو اكس علة ملفة هما من حباية يسوون كباية الجماعة علما انو اكو ناس مسوية مصايب اكبر وفلتت
الك الله