ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 10:03 05/08/2009
-
السلام عليكم ورحمه الله
اخواني الاعزاء في المنتدى
اذا امكن كل شخص لديه معلومات عن الاسئله التي توجه في المقابله الاولى اي او ام وكم تستغرق من الوقت
كل من لديه معلومه الرجاء الاجابه عنها
تحياتي للجميع
-
حبيب ألبي أدخل عالمواضيع المهمة والمثبته وراح تشوف كافة التفاصيل الخاصة بالأي أو أم وبالأخص مقابلات الأخوان وتواريخها والفترات بين المقابلات وأيضا شرح كامل عن مراحل السفر من البداية للنهاية وتتدلل...
تحياتــــــــــــــــــــــــــــــــي ;)
-
الاخ ماجك بالنسبه للاسئله بالمقابله الاولى هيه اولا ارشيف ارقام وتواريخ واسماء لكل شجرة العائله وانت تعرض كل الاوراق الي تحملها واتريد اتقدمها للمقابله فينعملك ملف كامل بالمعلومات من الهويات وشهادة الجنسيه والجواز واسماء الاخوان والاخوات وتواريخ تولدهم والاجداد وهكذا وبعدها ايقابلون صاحب الكيس ويحجي القصه الي استند عليها بطلب اللجوء ويفضل انت اتكون الاجابه داله ومحدد وعدم الاسهاب بالتفصيلات واذا توجد تواريخ تسجلها وتحفضها حتى تستعملها بعدين بمقابلة المحلفين والله ايوفقكم اختكم ريم
-
[hاخي العزيز
المقابله الاولى هية اسئله عن تواريخ حياتك يعني تواريخ دوللك المدارس والعسكريه ووين اشتغلت وكلها معلومات عن سيرتك الذاتيه واكو اسئله منها انو انت واخوانك اشقاء لو من غير ام او اب من هاي الاسئله الي تكون مجرد اسئله روتينيه ومرات يسألوك اسماء مثلا المديرة مال المدرسه الابتدائيه او المتوسطه او اسم الضباط الي كانو امرين عليك يعني اسماء الشركات او الدوائر الي اشتغلتها ويردون نسخ من شهاداتك او اي نسخ يترسون الفايل بيها وبعدين لاتخاف اول مقابلات مايكون موظف كلش مهم اي شخص بس ياخذ معلومات واكو مرات يكولولك بس دقيقه ونجيك
طبعاَ يكون اكو كامرات عليك لانه من يعوفوك راح يشوفون شون تتصرف وحدك
اما ثاني مقابله فهاي المقابله مال القصه الي كانت سبب هربك من العراق وليش دتسافر طبعاً تحجيلهم كلشي وطبعاً مايردون منك لاورقه تهدييد ولا اي مستمسك بس يسجلون كلشي بالحاسبه وبعدين يطبعوها للقصه ويكلك عندك اضافات واذا لا توقع على اقوالك بعد مايطبعوها وتظل النسخه يمهم وانته لازم اول ماترجع للبيت تسجل شنو الي كلته لانه مقابله المحلف تكون على ضوء هذا يعني لازم مايكون تناقض بين القصه الي حجيتها وبين اجاباتك الي تكون للمحلف الي راح يسألك على المعلومات
اوكي هاي داحجيلك من عمان --- وحسب تجربتي وماعرف بعد غير ناس شنو الي صار وياهم
وارجو ان اكون فدتك وبالتوفيق للجميعr]
-
الاخوان الاعزاء
النسيم المهاجر
ريم عبد
AbU.SaRa
شكرا جزيلا على المعلومات القيمه والمفيدة الي وضحتوها الي والله يبارك فيكم وسهل اموركم وتستقرون
باذن الله
وشكرا جزيلا لمروركم
تحياتي الكم
-
اخي MAGGIC
يوجد موضوع للاخ عكعك وبيه كل الاسئلة وهو مفيد جدا ومن المواضيع المثبتة وهاي الرابط مال الموضوع
http://www.ankawa.com/forum/index.php/topic,294296.0.html
الله يكون معاك بالمقابلة
اخوك يوجد امل
-
اخوية ماجك اولا مبروك على المقابلة و ان شاء الله تمشي كل مقابلاتك بسرعة و ثانيا مثل مكال اخونة يوجد امل راجع موضوع الاخ عكعك لان هو ماشاء الله كلشي بي
تحياتي
-
اخي العزيز
عاشق تراب العراق
يوجد امل
شكرا جزيلا لمروركم وشكرا جزيلا للمعلومات الي قدمتوها الي وان شاء الله راح تفيدني بالمقابله
وان شاء الله الاستقرار الكم والسفر القريب
تحياتي
-
مبروك اخي العزيز وانشاء الله مقابله سهله واعتقد اذا انت بغداد راح يسوولك مقابلتين اولى الي هيه تعريفيه والثانيه الي هيه القصه مالتك وانت ليش تريد تسافر لامريكا ومثل ما كالوا الاخوه راجع موضوع الاخ عكك الي هوه موضوع مميز اقراه وروح للمقابله ما راح تتفاجىء من اي سوال , واخي العزيز ممكن تكلي انت شوكت مقدم وشوكت انطوك موعد مقابله وانت وحدك لو وياك عائله يعني هيجي تفاصيل تحياتي الك .
-
اخي العزيز ok_ok755
شكرا جزيلا الك وان شاء الله يوم سفرك والاستقرار
اخي العزيز انا بسوريا قابلت مقابله توطيت يوم 2\11\2008 والسالفه نامت
ودمرتهم بالمراجعات والملحه صرت مثل علج بالصوف
واليوم اجى الفرج اتصلو بيه وحددو المقابله مال IOM الي راح تكون يوم غدا ان شاء الله
يعني صارلي عشر اشهر من الانتضار والقلق وحركه الاعصاب والياس وبعدين الله سبحانه وتعالى فرجها
انا مع عائلتي
تحياتي الك وشكرا لمرورك