ankawa
منتدى الهجرة واللجوء => الهجرة و واللاجئين => الموضوع حرر بواسطة: عبسي في 11:52 05/08/2009
-
اخواني ترة الموضوع مخموط قصدي منقول :'(
أكد القنصل السوري في بغداد ماجد القلعجي وضع ضوابط جديدة لمنح تأشيرات الدخول للعراقيين الراغبين بالسفر إلى بلاده، وقال في تصريح لصحيفة "الصباح" إن هذه الإجراءات تشمل أيضا التجار وأساتذة الجامعة وطلبة الدراسات العليا وحتى المارين في الأراضي السورية عن طريق الترانزيت
وتشمل الضوابط أيضا ضرورة الحصول على الفيزا من خلال السفارة، حتى للراغبين بالعلاج في سوريا وذلك من خلال تقديم تقارير طبية موثوقة للحد من التقارير غير الدقيقة التي يقدمها بعض العراقيين، حسب تعبيره.
مشيرا الى ان الضوابط شملت منح سمة الدخول عبر السفارة للراغبين بالعلاج من خلال تقديم تقرير طبي يؤيد الحاجة الى العلاج في سوريا مع الموافقة على اصطحاب مرافق واحد فقط .
ولفت قلعجي الى ان حصر منح التأشيرات بشأن التقارير الطبية جاء من اجل الحد من ظاهرة التقارير غير الموثوق بها وبصحتها والحد من المعاناة التي تواجه المسافرين في المنافذ الحدودية بعد اكتشاف عدم دقة التقارير .
واشار الى ان السفارة كثفت من عملها لاستقبال طلبات سمات الدخول وانجازها في يوم واحد بعد زيادة ايام العمل الى اربعة ايام مؤكدا ان الجهات المعنية في المنافذ الحدودية تقدم التسهيلات اللازمة للوافدين من العراق حيث يتم انجاز ما معدله الف جواز سفر يوميا .
ودعا قلعجي التجار والصناعيين العراقيين الى زيارة سوريا وتمتين العلاقات التجارية والصناعية بين البلدين الشقيقين
-
كل الدول العربية تدخل سورية بدون فيزة , بس العراق يومية تشديد
الكبار بالعمر يكولون قبل جان العراقي يدخل سورية بدون جواز ,,,,, أستفاد ,,,, يوميه بالنازل
-
والله زمن ....بس شنكول غير حسبي الله ونعم الوكيل على اللي ديوصي حكومات الجوار على هيجي تشديد عالعراقيين المساكين ....بعد وين نودي وجهنه؟؟؟؟ ???
-
يبدو ان السفير المحترم يريد ان يزيح شبهة بيع سفارته للتقارير الطبية الجاهزة والمصدقة بختم السفارة لدى لدى بعض شركات السياحة في بغداد والسعر 100 دولار للتقرير مع كامل الاختام والتصديقات..يعني اني صارلي كاعد بسورية من ال 1998 وملاعيب الشرف والنزاهة عليمن بس اللي ايحز بنفسي ان العراقيين اصبحوا ورقة تباع وتشتري بين الدول للاستفادة باكبر قدر مادي ممكن من العراقي.
تحياتي
-
عللى اساس سوريا صارت سويسرا ... بس مو صوجهم ... صوج الــ ..... , يله معلينه الله يرد كيدهم عليهم ...
سيزر
-
أستفادوا يالسوريين جنتوا كبل تتمنون العراقي يجيكم على مود الفلوس والسياحة هسة كمتوا تتكلبون ههههههههه والله ودنيا ...ثاني شي شباب ترة الصوج هم مو صوجهم صوج أخوانه المسؤولين ألي ما أعرف شنو جاي يسوون من أنتاجات هههههههههههههههههه...يوم على يوم جاي يطورون أكثر هههههههه
تحياتــــــــــــــــــــــــــــــــــــي ;)
-
لو اكو دولة عدهه هيبة و حكومة قوية كان العراقي بكل مكان يدخل ادكوله تحية بس الله كريم مادايمة لاحد
-
اخوبية العزيز ترة هاي سوريـــــــــــــــــــة الاسد
يعني دولة عربية
يعني دولة تعبانة
يعني ما اكوا قوانين
وهاي كرايبنة كلهة كاعد تجي بالفلوس وعلى اكبر قانون وتعال شوف يدفع 150 $ وتجي الفيزا
بلا تقرير بلا دوخت راس واكوا ناس من داخل السفارة السورية اتسويلك ياها
-
شكرا الك اخ عبسي على نقل الخبر ربي يبارك بيك
ابو فهمي
-
اخواني الاعزاء هيه بقت على سوريا يمعودين لا تحجون على الدول احجو على حكومه العراق الي ما خاله للعراقيين قدر وقيمه في بلادهم وفي ارض الغربه بعد هنوب تحجون على الاغراب يا عمي هو احنه صرنا ياهو جاي ايصكع علينا
اخوكم البصري
-
هم ايبجي وهم ايضحك لاحولة ولا قوة الى بالله
حتى سوريا كامت اتشمر علينا على اساس رايحين للجنة لو ماهية ـــــــــــــــــ يلة ماكو داعي اكمل
هية بقت عليهم اشو منين منلتاف نفس السالفة سوريا والاردن ومصر
هية بقت على السودان والصومال هم خلي ايسوون فيز للعراقيين والله شي غريب سبحان الله ??? ???
بس صدكوني ترة الصوج مو من مصر والاردن واسوريا
ترة الصوج من ابو جاسم عمو نوري هوة ينطي هذة التعليمات ويذبهة براس الدول والدول اتكولك شلنة بهذة الدوخة هوة رئيسهم مدايرلهم بالك احنى انديرلهم بالك وقبل جانت حكومتنا مسويتلنا هيبة ورفعة راس والله اول مطبينة لمصر طكو تحية بالمطار وحق لا الة الى الله
-
مشكور عبوسي الورده على الخمط
اقاربي دفعوا قبل ايام 200$ للشخص الواحد للحصول على الفيزه الله يرحم
-
حسبي الله ونعم الوكيل سوريا التعبانه هلمره علينه والله زمن يله البكه براس حكومتنه العتيده قصدي حرامية العراق مع الاسف عليهم والله :-\
-
هم بخت والله .. شلونكم اخواني وخواتي انشالله بخير طبعا احنا والحمد لله مو بس بلا اقامة وانما منع :-\ وهواية من يمنا نفس المشكل عدهم هو اكو واحد ما استغلنا بس كلولي؟ اكو ؟؟؟؟ يصيرون براسنا وبعدين !!!!!!!! يلا الله كرررريم الله الجبير الامر بالنهاية للرب لا بكيف واحد ولا بكيف الاكبر من الواحد :( دعواتنا لبعض الله يخليكم ويفرجها عليكم وعلينا يا رب هسه لو بس تجي الفحص الطبي عود خلي يختمولنا 10 سنين منع من المطار انشالله بعد ما نجي هم . ضجنا والله وتعبنا وزعكت ارواحنا اني والله داشوف كدامي واني وحدة منهم الحالات العصبية وصلتنا بسبب هالضروف لمفترق خطر على صحتنا .يعني الرحمة بين البشر وين الرب يغفر للانسان اكبر الخطايا لما يطلب العون منه . واحنا بشر ماكو بيناتنا رحمة ومودة عود احنا لجأنالهم وجينا هنا نكول متفهمين لاوضاعنا بين ما نسافر انشالله ما نرجع طلعولنا بالف دربونه وهذا عمو نوري كلها سبب خراب البصرة كله من سوالفه لاحكَنا وين ما نروح والله عالحدود كلولها لامي . خالة مو احنا السبب جماعتكم دتضيق عليكم الخناااااااااق . بعد انكول صلواتنا لبعض ودعائنا وماكو احسن ولا اكبر ولا ارحم من الله .
اختكم فداءء فادي الروح
-
اخوان انتو ليش تلومون سوريا...صدقوني هذا كلة دفع من ابن عمنا المالكي حتى يعقد امور السفر ويصير العراق مقبرة للطيبين