ankawa
منتدى الهجرة واللجوء => الهجرة و واللاجئين => الموضوع حرر بواسطة: ايات في 13:17 05/08/2009
-
اخوان واخواتي في مصر
اليوم في الساعة الحادية عشر راجعت المنظمة في الزمالك للاستفسار على الموافقة الامنية (لسة الامنية مكتش ) وبعدها ابلغني الموظف الجديد بدل لورنس انه سوف ينتقلون الى المعادي في الاسبوع القادم وقال اتصل بنا بعد الاثنين لتعرف ارقام التلفونات والعنوان بالضبط وان شاء الله اذا حصلت العنوان والارقام انزلها على المنتدى ......اختكم ايات مصر
-
شكرا اخت ايات على هذه المعلومات القيمة ارجو ان يكون الانتقال فيها خير للجميع
-
شكرا اخت ايات للمعلومات
الله يباركك
اخوك يوجد امل
-
شكرا اخت ايات بارك الله بيج
-
شكرا بارك الله بيج
-
هاي مو خوش شغلة اختي ايات لان مكانهم السابق جانو مأجريه من بيت اهل عكعك بس يجوز عكعك زعل عليهم علمود اخرو موافقته الامنية فسوالهم اخلاء او همة يريدون يخلصون من عنده فكالولك نشيل احسنلنا
-
شكرا اخت ايات على المعلومة الله يبارك بيج
ابو فهمي
-
احسن شغله هله بيهم يعني صارو قريبين يمي يوميه اعزمهم واجيبلكم الاخبار بس شوي لعبو ايدكم
ودللو
همر
-
اخي همر وصلنا خبر من مصدر حيل موثوق انه الموقع الجديد لليو ان لا يبعد عن بيت عكعك سوى 150 متر وانه يومية راح يعزم لورنس وبقية الستاف على قوزي لحم غنم بس السوال منين راح يدبر طليان؟؟؟؟؟؟؟
-
عبسي انت خطر منين اجيب هاي المعلومات على عكعك انته بعمان وهو بمصر والله راح اتخبل
همر
-
ها عكعك؟؟؟؟؟؟؟؟؟؟
أكووووووووووووول؟؟؟ لو تدزلي طلي؟؟
Baguncero
-
شكرا أخت ايات ان شاء الله تكون فاتحة خير الكم وتجي الأمنية وتفرج علجميع والله ليستر خاف يسوها خوش حجه ويأخرونا
-
مشكورة اخت ايات على مواقفج الرائعة والله ايحفضج من كل شر يارب
اخوج جوزيف
-
الاخت ايات ... السلام عليكم
شكرا لك على نقلك الخبر ، لان الذهاب الى الزمالك بدون فائدة وحدة عذاب.
vet2009
-
اشكركم اخواني لمروركم ودعواتكم واني اتمنى اجيب اخبار مفرحة لكل الاخوان بالمنتدى بس هم كلت ليش اخوتي اتعبون ويروحون بهالحر للزمالك واشكرك اخوية شيبو انشاء الله تتغير عتبة المنظمة وعلى المكان الجديد تجي كل الموافقات وتنختم كل الملفات
بس اخوية عبسي انت تربح بهالطليان وتستغل كل الفرص على كيفيك على اهل مصر ترى والله الكل تعب هس اخذ (فراخ )بدل الخرفان ههههههههههههههههه
اختكم ايات
-
اللله شيبو اني هم اشك بسالف هسه اتصير حجه كم اسبوع على شنو احنا دنتحول والغراض بالبيكب بعدها وذا طار فايل من الفايلات على الدائري هاي نومت صاحبه ..ههههههههههههه
-
بعد أذن أخت ايات
عيني بودي عادي كول شهر شهر ونص شتترجه من لكدعان خبلونه بتسخيتهم وكسلهم لشاطر لبيهم يفتح ساعة12 الظهر وتلكاه لنهار كله يتثاوب ويكلك صباح الخير لحد لعصر صبحهم
بس هذا غير فكر ليوكع ملفه عل دائري شيلكي بعد لو صلاح سالم هم بيها مجال
-
على بختج ابد مو خوش خبر والله تيأسنه يعني بهيجي حاله راح اتصير علينه من الشام الحلب يمعوده احنه مصر الجديده شراح يوصلنه للمعادي الكشره صدك يبوووووووووووو ??? :'( :'( :'( :'(
-
مشكوره اخت ايات تسلمين
عبسي بالنسبه للتحويله اني نقلتهم بعمارتنا الي بالمعادي لان هنا المكان اوسع واكو حديقه عامه
راح اخلي بيها الطليان لان تعرف المكان هناك ميكفي ومو امين من الخمط فكلت هنا اخليهم كدام عيني
بس الي كلك غلطان تره مبيها 150 متر
حبيبي ابو المشاكل Baguncero شلونك اخبارك وين وصلت واشكرك على الطليان وعلى عناد
العواذل خلي يموتون بقهرهم
-
السلام عليكم..يعني همه بدون ما ينتقلون والكسل عاميهم بس مجات الجاي والنسكافيه اشوفه والله مج رايح ومج جاي ... هذه كلما اروح اني اشوفهم هسة عاد راح ينتقلون ..معناه حجتهم بديهم راح يكون الرد كالاتي (( لسة الفايلات ما جاتش يا فندم في البيكم نسيناها )) ::) .. بالتوفيق ان شاء الله للجميع وتكون هل التحويلة خير ان شاء الله
-
شكرا اخت ايات على نقل الخبر
اخوان الاسبوع الجاى من يوم الاحد نسوى خفارات باب الاى او ام ونساعدهم بالتحويلة ونكمل كلشى على ادينة واحنة نصعد بالبيكب ورة علمود ميطير فايل ويسويهة البخت :'(لان طايرة الفايلات
اخوان لاتشيلون هم ريكوكم وغداكم وعشاكم يم اخونة عكعك يومية يذبحلنة طلى من هاى الطليان اللى بالحديقة
هى فزعة
;D