ankawa
منتدى الهجرة واللجوء => الهجرة و واللاجئين => الموضوع حرر بواسطة: show في 13:17 05/08/2009
-
اخوتي اخواتي الاعزاء
لا اعرف افرح ام احزن مع تصرفات iom الغريبه
تاريخ التقديم العراق بغداد 28\9\2008 ولم احصل على مقابله منذ ذلك الوقت والى قبل 5 دقائق حيث حصلت على موعد مقابله اولى يوم 9\8\2009
المضحك في الموضوع هو اني قررت ان اوخر مسير ملفي المتاخر اصلا مع iom لكي اكمل مع برنامج الهجره الخاصه siv ولذلك فكرت كيف اوخر المقابله الى ابعد تاريخ ممكن فارسلت ايميل لهم قبل اسبوع لكي اضيف اشخاص على الملف و اجابوني في نفس اليوم انهم سيضيفون الاشخاص المشار لهم !!!!!! بهذه السرعه ؟؟؟ شعجب !!!!!
وبعد اقل من 9 ايام رن التلفون قبل 5 دقائق واذا بهم يحددون موعد مقابله يوم 9\8 كما اشرت
ملاحظه كلش مهمه : لم احصل على iz نمبر لحد الان و ولم احصل على ايميل مقابله كذلك و لكن الشخص الذي اتصل وعد بارسال ايميل في غضون دقائق يحتوي على تعليمات المقابله .
كل ما استطيع قوله هو تجري الرياح بما لا تشتهي السفن هههههههههههه
بالتوفيق للجميع
-
حبي الف على الخير اني نفس شغلتك بالضبط بس التواريخ تختلف يعني محصل على BGD نمبر بتاريخ 6/8/2008 ولحد الان ماكو مقابله اولا بس قبل كم يم خابروني وكالولي اذا تريد اطلع الى عمان حتى تقابل وتطلع المهم خويه اني من كثر ماايست منهم قدمت على برنامج SIV بمساعدة محامية امريكية وهاي الايام انشاء الله راح تجي الموافقة مال رئيس البعثة اذكر المحامية كالتلي اذا اتصلوا بيك IOM اطلب تاجيل مقابلة وهذا من حقك يعني انته اذا ماتريد تقابل وتريد برنامج الثاني يمشي اطلب تاجيل كلهم اسباب صحية هسه مااكدر اقابل راح ياجلوك فد شهر لو شهرين واذا تريد تمشي على برنامج IOM توكل على الله وقابل
وسال الله ان يسهل امورك يارب
-
اخي show
الف الف مبروك موعد المقابلة
وان شاء الله بالتوفيق
الله يكون معك ويكمل معاك
اخوك يوجد امل
-
ألف مبروك أخوية العزيز SHow اني هم نفس شغلتك تذكرتني مقدم من الثامن وهسة كلولي بنهاية الثامن مقابلتك الاولى والله كريم ان شاء الله خير للجميع
-
الف مبروك اخوية شو وان شاء الله الموفقية
بس ملاحظة الظاهر هذا موديل جديد مال يخابرون قبل المقابلة ومن ثم يدزون الايميل ومااعرف شنو المغزى منة بصراحة !!!
حبي عندي استفسار بسيط وياريت الكل يشاركني بجوابة
اني الفايل مالتي عند الاي او ام جان عبارة عن 5 اشخاص وقبل اشهر تقريبا طلبت منهم انه يكنسلون شخصين من القضية مالتي لاسباب ذكرتها الهم ومن ثم اتصلوا بية من عمان علمود يتاكدون من هذا الموضوع والشخص ال طلبت انه تتكنسل قضيتة جاوبهم بنفسة وكال اوكي اي اني طلبت هذا الشي --- لحد الان حلو
السؤال هو: هل من المعقول انه الغاء هذين الشخصين من الكيس اثر على قضيتي وسبب كل هذا التاخير؟ وال نعرفة احنا انه من حقك تضيف او تلغي اي شخص بس شرط يكون قبل موعد المقابلة الاولى --- مو صح؟
للعلم اني اجاني اي زي نمبر واللي يعني انه اني تمت الموافقة على دخولي بالبرنامج بصفة رسمية!!
ارجو المساعدة وابداء الاراء
تحياتي
المهندس
-
الف مبروك اخويه شو انشاالله بداية موفقه
ابو فهمي
-
الف الف مبروك اخي شو على المقابلة ويارب تمشي امورك مثل متريد وبا اسرع وقت يارب
تقبل مروري اخوك جوزيف ( عسى ان تكرهو شيئا وهو خيرا لكم )
-
يا الللللللللللللللللللللللللللللللللللللللللللللللللللللللللللللللللللللللللللللللللللللللله
واخيرا اجتك مقابله فضل عضيم من الله
يا شو لا تتردد جيت والله كريم
وامشي بثنينهن
وربك ايسهل
ابو هدى
-
مبروك اخي العزيز وهذوله الاي او ام راح يدمرونه ما ادري اختيار الناس شلون يصير عدهم يعني عندي صديقي مقدم من شهر السادس 2008 ولحد الان ماكو ولا مقابله واني مقدم بشهر العاشر 2008 وقابلت صار مقابلتين الى هسه وهوه بس شخص واحد واني بس شخص واحد زين اريد افتهم ليش هيجي :D لو هيه على المزاج لو هذا عجبه الاسم يختاره وهذا ما عجبه ياخره :D على العموم اخي الكريم انشاء الله مقابله خفيفه عليك وعلى عائلتك ولا ترتبك ولا شي تره كلش سهله المقابله بس اهم شي ركز على التاريخ يريدون منك تواريخ مضبوطه بالمليم حتى سالني يكلي شوكت دخلت الابتدائيه يا سنه :D فلمن طلع كتله بشرفك اذا اسالك اني هسه شوكت دخلت الابتدائيه راح تجاوبني مو زين بعد هذا الي صار بينه كله نتذكر
تحياتي الك اخي العزيز.
-
اخوية العزيز OK اني برأيي على اللي صار بيه اعتقد قرعة مو بالتسلسل
-
والله اخي كلشي يصير احتمال قرعه بس لازم اعرف هذا الشي من مصادري الخاصه وانشاء الله اكتبها بالمنتدى ;)
-
شكرا لكم اخوتي الاعزاء وعلى مداخلاتكم الطيبه
حبيبي سيوفي
صدكني اذا تبقى تحلل شنو اسباب التاخير او عدمه مراح توصل لاي نتيجه
لا الاضافه او الحذف من القضيه ياثر بس هم عدهم اسلوب خاص في المقابلات واني ارجح موضوع القرعه
بس اني حسيت انهم استعجلوا بالقضيه لانهم لم يرغبوا باضافه اشخاص اخرين على القضيه و الله اعلم
ها نسيت ملاحظه مهمه : اني حاولت اضيف شخصين على القضيه و هم طلبوا المستمسكات كما ذكرت و لكنهم لم يضيفوهم في ايميل المقابله التي استلمتها واكو ملاحظه بالاميل تكول لا يجوز اضافه اي شخص غير الزوجه و الاطفال بعد استلام هذا الايميل !!!!!!! هاي شلونكم بيها ؟؟؟
على العموم اني رسل ايميل الهم اطالب فيها باضافه الاشخاص حتى وان اخر ذلك موعد المقابله
بالتوفيق للجميع
-
الف الف مبروك اخي شو ربي يوفقك بكل المقابلات وما يهم اي برنامج كان المهم ان تستقر بالمكان الي تريد ربي يوفقك وانشاءاللة مثل هل سرعة نسمع خبر موعد سفرك الف مبروك اخي
-
مشكور عزيزي على ردك
بس ممكن تذكرلنا شكد جان الرقم التقريبي لللاي زي نمبر مالتك من دزوه الك بالايميل؟
ممنون مقدما
تحياتي
المهندس
-
الف مبروك حبيبي ...المهم انه توصل لامريكا على اي برنامج والتسهيل من الله
-
أخوية العزيز ألف ألف مبروك وأنشاء تسافر بأسرع وقت....
تحياتـــــــــــــــــــــــــــــــــــي ;)
-
شكرا لكم جميعا
اخي سيوفي الرقم التقريبي هو
IZ-105845
بالتوفيق للجميع
-
صديقي خصم الحجي هذوله ميريدون ينطون هواية فيز وكوه مروه ديريدون يسوونه لاجئين
يعني اني صارلي شهر ونص بس مقدم على الاس اي في وديجرون ويعرون بالكوم ابروفال بس احس بيه على وشك الوصول وما احس اللا قبل ساعة اجاني كيس نمبر عالاي او ام وره 5 اشهر من التقديم ??? ??? ??? ???
بس غير راح البسهم لبسه .... وحتى اذا رحت قابلتهم مثل ما نصحتك عالخاص فهم نروح نحجي بزود لان مسيطرين انشاء الله بالاس اي في
-
أخوية show
شلونك اخي ان شاء الله تتوفق بمقابلتك بس اريد اكلك شغلة IZ مالتك ليش كاتبه هنا ارجو عدم اعطاءه وذلك لصالحك
اخوك
-
حبيبي مهند هذا مو رقمي
هذا رقم تقريبي كما ذكرت
شكرا لاهتمامك اخي العزيز
بالتوفيق للجميع