ankawa
منتدى الهجرة واللجوء => الهجرة و واللاجئين => الموضوع حرر بواسطة: ethan texas في 14:43 06/08/2009
-
السلام عليكم اخواني وخواتي
اني شمروني على كنتاكي جورج تاون
واشو طلعت كلها فيضانات يعني اصوم اصوم افطر على بصلاية
شنو رئيكم اغير الولاية واروح لرود ايلند لو شنو ؟؟؟
لو اعوف الشغلة ومن اوصل لمطار نيويورك اطلب تغير الولاية ؟؟؟ انصحوني الله ايخليكم
نصحوني اللله ايخليكم
واذا غيرت الولاية اشكد اتاخر
-
اخوية العزيز جوزيف السلام علييكم اول من يرد عليك اخوك الغريب
اول شي اني اكول اذا اجاك خط الرحلة تتوكل على الله وتسافر وربك هو الذي يصفيها
اخاف اتغير الولاية وماراح تعرف شكد راح تتاخر العلم عند الله وهاي فرصة دير بالك اضيعها منك
معلومة بسيطة الك كو واحد جيرانةقديم بعمان جان مقدم على اليو ان وطلعلة سفر الى اميركا هاي قبل سنة وراح اجل السفر لان امه رفضت اتروح لانها مريضة مقعدة على كرسي معوقين ولحد هذه اللحظة هو موجودبعمان الضاهر نسو شغلتة فتوكل على الله ومن يتوكل على الله يجعل له مخرجا
اخوك غريب اني
عمان 6/8/2009
-
مشكور غريب حبي بس اني مدا اريد ائجل السفر اريد اغير الولاية اني لحد الان مطلعلي موعد السفر
مشكور
-
اخي العزيز جوزيف تحية طيبة
اخي بالنسبة لتغير ولايتك اذا تريد تغيرها قبل السفر يمكن تتاخر شهر او اكثر الى ان يشوفون الك ولاية ثانية
واذا تريد تغيرها بالمطار جائر يقبلون وجائز ما راح يقبلون خلي هاي الاحتمالات ببالك واذا ما صارت ان تغيرها بالمطار تكدر من توصل للولاية الي كانت مرشح الك بعد انتهاء المساعدات تغير الولاية لانه قبل كان يقبلون قبل اخذ المساعدات هسى ما يقبلون الا بعد انتهاء المساعدات روح شوف الولاية بلكن تكون ولاية زينه وبيها شغل وجوها زين وتكون مرتاح بيها اذا شفتها زينه ولكيت شغل خير على خير واذا ما ارتاحيت تكدر بعد انتهاء مدة المساعدات تغير ولايتك وطبعا تعرف بانه راح تكون تكت الطيارة عليك هي ما راح تكون هواي اكثر شي 200 لو 300 دولار حسب الموسم المهم وبنسبة تكول انه الولاية كلها فيضانات ومتردد تروح عليها اريد اكول الك يا اخي العزيز ياهو احسن الفيضانات لو التفجيرات الي شفتوها ببلدنا اخي العزيز ربي من يريد يستعجل بموتنا يستعجلة حتى لو كنا بحضن امهاتنا حسب المثل الي نكوله فيااخي توكل على اللة وربك هو الي يحميك واتمنى ان تكون ولاية السعد والخير لك ربي يوفقك
-
اخي الكريم نصيحة مني روح بالاول هناك و ارتاح كم اسبوع او حد مااتكمل الاجرائات الصحية مالتك هناك والتلقيحات وشوف الشغل هناك شلونه شوف الوضعية و بعدين تكدر بكل سهولة تغير الولاية يعني مو مشكلة اي قابل هاي الفترة اللي بيها انت هناك راح اصير فيضان هههههههه
الله موجود اتكول على الله
-
مشكوريين على الرد
مشكور اخت اينجي والله ما اعرف اشون انسى وكفاتج وياية
وشكرا للا اخ رافد
بالوفقية يارب والي كاتبة الله هوة الي ايصير
-
مرحبه اخي جوزيف اولا مبروك على وصول الموافقه الامنيه وتحديد الولايه . وثانيا اني ايد رأي اختنه الكبيره انجي . واكلك الخير فيما اختاره الله .
اخوك ابو مريم
-
اخي الغزيز جوزيف
قل ما يصيبنا الا ما كتب الله لنا.
اتوكل على الله عزوجل فهو خير المعين لك. وبالتوفيق ان شاءالله
اخوكم
شكوماكو
-
حبي اجوزيف اول شي كلي انته تعرف تسبح لو لا حتى من تروح اخذ وياك نجادات لان مااريدك تغرك وبعدين اضل ادور عليك
حبي جوزيف توكل على الله وخلي بالك مطمئن ومن توصل لهناك انشاء الله اكو الف حل وحل لمشكلة تغير الولايه هسه انته طير وخلص وبعدين كله ينحل صدك
خوية اذا ماتعرف تسبح يمك النيل تعلم بيه لمن يجي موعد سفرك تحياتي لك اخويه الورد
-
مشكورين اخوان على الرد ونعم بالله هوة ارحم الراحمين
جزاكم الله الف خير ويارب الموفقية بحياتكم
اخوية ميثم وعيونك اعرف اسبح اصلا اني امي ضابة صرتي بالمسبح مال فندق الرشيد ;D ;D وانت احسب
بس الواحد خوما يومية يسبح يعني اشون اروح اسوك اروح سبح وارجع سبح لو على الزورق مثل الصين ;D
ومشكور جدا على الرسالة الامبوكس ودايم الله يعبدك عن كل شر
-
الله يوفقك وتوصل بمكان ترتاح بي
يااااااااااااااااااااااااااااااااااارب
-
اخي كنتاكي احسن من رود ايلاند واخذ هاي من واحد صارله سنيين بمريكا رود ايلاند ولايه صغيره والشغل حسرة وبعدين الفيضانات خير وبركه وتجيب الشغل وانت لا تاخذ على اخبار هي منطقه غركة خو مو كل كنتاكي وحته لو فيضانات ترى مو مثلنه يوم ثاني تطلع للشارع ولا عبالك اكو فيضان البارحه وانت بعد ابكيفك والله يوفقك ويسهل امرك