ankawa
منتدى الهجرة واللجوء => الهجرة و واللاجئين => الموضوع حرر بواسطة: am majd في 19:12 06/08/2009
-
احب اعرف اي شي عن طريق اي احد عندا معلومات اولاد العراقيين بالمدارس السورية
والدراسة والمناهج الدراسية وشلون تعاملهم
والله يبارك الجميع
مشكورين
-
ولله عني اني كتجربه خاصه بالنسبه لااطفالي التعليم جدا محترم عدهم ومدرساتهم جدا محترمات ويراعون ايضا انه احنه مغتربين بحيث بتساهلون وياهم خصوصا بمادة الانكليزي لان هنا من صف اول يبدي لهذا يحاولون يستاهلون ويه العراقيين والمناهج ايضا جيده مو قاصره ابدا ويحبون درس اللغه العربيه انه الاطفال يكونون قويين بيه من قراءه ومادة القواعد والاعراب . وهاي تجربه شخصيه عن اطفالي . اختك ام شهد
-
المدارس جيده جدا لان اني اخواني كانوا بسوريا وهسة بامريكا اللغة العربية شوية صعبه يعني اصعب من العراق يعلمون اللغة الانكليزية من صف الاول و كذلك اللغة الفرنسية
ماكو تفرقة بين الطالب السوري و العراقي الزين بالدراسة زين والموزين هاي بعد مشكلته
بس حاولي تجيبين وياك كل الشهايد مالتهم العراقية و المستمسكات ترحين للمدرسة و اتصور ينطوك ورقة هاي الورقة على ضوئها يعطوك اقامة 3 اشهر قابلة للتجديد بس ما متاكد بالضبط اجرائات الاقامة بالمدراس
يعني المدارس جيدة جدا
-
اشكر الاخوة ام شهدورافد 82 على معلوماتهم القيمة
واتمنى اسمع من الكل معلوماتهم الشخصية التي هي عن طريق معايشة حقيقية
والله يحفظكم
-
سلام للجميع : مدارسهم جيدة وتعليمهم جيد لكن صعب قليلا على اولاد العراقيين كون مناهجنا بالنسبة الهم أسهل بكثير هذا غير ان منهجهم ( الجديد من كم سنة صار لا تتعدى ال5 سنوات ) الي قرروا فيه ان يواكبون مناهج العالم جيد جدا لكن الكادر باختصار والاغلبية مالته ( تعبان) جماعة قبل مثل ست فخرية مدرستنا القديمة بالعراق ;Dبس ماشي الحال يعني انشالله اولاد هالوكت اذكياء وهم ديتعاونون مع الطلاب ويراعون ضروف انهم بغير بلدهم وبصراحة عموما كل شي اوكي بالنسبة للدراسة .. بسس منين رح تجي القايم اذا صارت قرارات جديدة حتى المدرسية ما رح يعتمد الواحد عليها ؟.... تحياتي للجميع و بالتوووفيق يا رب
-
و الله اختي هو الطلاب العراقيين ماشين و ما شاء الله عليهم كلهم يحجون سوري و حتى كلمات احنة نتعلمهة منهم يعني ماكو مشكلة بالتاقلم و الطلاب هنا هم متعونين وية العراقيين و اني بالنسبة الي اطفالي كونوا علاقات و ياهم حلوة و بالنسبة للمعلمين همة بصراحة شوية يتجنبون العراقيين لان عدهم تعليمات من فوك بمراعاة الطلبة العراقيين و المناهج هم زينة و ماشي الحال يعني ماكو اي مشاكل و اطفالي طلعو من الاوائل و حتى المدير كرمهم كدام المدرسة يعني ما عدهم تفرقة
-
السلام عليكم
الاولاد في مدارس حكومية وصار 3 سنوات ومصار أي مشاكل وياهم بالعكس محبوبين من قبل الطلاب والمدرسين ومتفوقين في الدراسة.
المناهج جيدة والتدريس فوق المتوسط يعني الطالب يحتاج متابعة بالبيت علمود يكدر يتواصل ويتفوق.
الغة العربية عدهم مهمه جدا واللي يرسب بيها يعيد السنه أما باقي المواد فدرجات النجاح سهلة الحصول.
الملابس زي موحد وهذا الشي جميل طبعا والكتب يمكن شرائها من مستودعات الكتب ولكن في الغالب المدرسة تنطي الطالب العراقي كتب لان يمكن اليونيسيف دفعت الفلوس.
هذي الفترة يحتاج الواحد يسجل الطالب بيها علمود يضمن حصوله على مقعد بالمدرسة وراها ينطوه اوراق تسجيل بالتربية ويسوي فحص طبي مدرسي. بعد التسجيل يكدر ياخذ ورقة من المدرسة معنونه للاقامة يصدقها من التربية وعلى أساسها ينطوهم أقامة.
تقبلوا ردي
عيني بغداد
-
اشكر اخواني فداء الروح وعيني بغداد وعاشق التراب على مساعدتهم الجبيرة الي
بس انو اللي يرسب بالعربي يعيد السنة هاي خوفتني
زين شلون اللغة العربية مالتهم همين قواعد وقراءة نفس تقريبا مناهج العراق لو بعد اصعب حسب محجت الاخت فداءزين المتوسطة همين زينة لان عندي ابتدائية ومتوسطة
شكري الجزيل للاخوة على تعاونهم والله يحفظكم ويبارك هذا المنتدى
-
السلام عليكم
طالب المتوسطة رح تحتاج تخليله مدرس خصوصي اذا كان مستواه ضعيف باللغة العربية لان عدهم طريقه بالتصليح يحاسب حتى على الهمزة ومكانها بالكلمة. مع ذلك اذا الطالب شاطر يكدر يندمج مع الجو العام للدراسة وتمشي أموره.
الاخت فداء الروح
ما أدري ليش أنتي هلكد متشائمة حول موضوع الاقامة المدرسية أني رحت قبل يومين ختمت الوصل بدوما ومحد حجى كلمة وأقامتي تنتهي بشهر 11. تفائلي بالخير وهمه اذا رادوا يطلعونا رح يستحون من عدنا؟
تقبلوا ردي
عيني بغداد
-
اشكرك اخويه رافد والرب يباركك
صراحة ماعندي امكانية الاردن
بس الله كريم هم دافكر بالموضوع
يعني مدارس الاردن والسكن والعيشة اغلى من سوريا
مرة اخرى اشكرك هواية
-
التحية والسلام لجميع اخوة واخوات . يوم جميل يا رب . طبعا مثل ما تفضلوا الاخوان يهتمون هنا باللغة العربية جدا ويحاسبون على الهمزة والحركة صحيح . اكو وحدة اقاربنا سورية من أصل عراقي (الطحان) وهي متخرجة بالستينات من العراق وهاجروا الى سوريا فقضت حياتها هنا مدرسة لما نقرأ المناجاة بجلسات الدعاء محد يتكلم الا هي . لما تسمع اي خطأ في القراءة تفززنا رأسا تصلح للي يقرا . قبل اربع سنوات لما اجيت مكنت قادرة ادرس _بناتي _ لان شفت انو اني ما درست العربية في بغداد بهالطريقة ولكن صرت ادرس يوم بيومه ويه البنات شنو ما ياخذون بالمدارس والصعب اروح للمعلمة اكلها تره اني نفسي مفاهمته لو سمحتي وضحي النا . وشهادة طيبين ومتعاونين معانا الكادر كله حتى الادارة كانت لطيفة جدا ومتعاونين ويه العراقي .ببداية قدومنا لسوريا بنتي لحت عليه ادرسها الرياضيات كلتلها يابه والله مفاهمه ليش تتورطين خلي نشوف بيت جيرانا عائلة عراقيةو بنتهم وياها بنفس الصف كالت لا الا انتي تقريني اليوم كلتلها ديلا فليكن . درستها للطفلة كانت بالرابع ابتدائي ...اجتي من المدرسة نار صايره .اني ضحكت بصراحة كلتلها ها بشري كالت شسوي بيج هسه ماما صفرررررر اخذت انيي ومن ذاك اليوم اكعد يومية ادرس وياهم هم اني حتى افهم وهم اساعدهم لما يحتاجون مساعدة .. تحياتي وتمنياتي بالتوفيق للجميع .
اخ عيني بغداد اشكرك عالنصيحة جزيل الشكر
-
الشكلا الجزيل للاخت فداء الروح ولجميع الاخوة
والرب يبارككم