ankawa
منتدى الهجرة واللجوء => الهجرة و واللاجئين => الموضوع حرر بواسطة: طوطي في 16:55 07/08/2009
-
السلام عليكم,, السؤال الاول هو انو كفيلي كان كفيل اختي ايضا الي طلعت من iomعمان فهل ياثر كفيل لشخصين نفس الوقت لو ماكو اي علاقة والسؤال الثاني بعد سنة بنتي تدخل جامعة هل من ضمن المساعدات ال iomمصروفات الجامعة لو لا علما اني بعد موافقة الامنية ماواصلة ولا حتى امخابرين الكفيل لحد الان مااعرف شنو السبب واني الي وياية كانو بالمحلف اغلبهم خابرو على الكفيل وموقعين اوراقهم بس اني بعد مخابرو كفيلي واني من جماعة محلفين يوم 6_7
-
طوطي حبي مو اشكال الكفيل لو ايوقع على عشرة اني الكفيل مالتي موقع على عائلي ال همة 4 نفرات
وقبلهة كافل تقريبا 3 عوائل
وبالنسبة لبنتك اصور اي نعم الحكومة تتكفل اصور ممتاكد
وبالنبسة لم يتصلو بالكفيل اني لجتي الموافقة الامنية ولحد الان ممتصلين بالكفيل مالتي مع العلم اني قابلت يوم 24_6 محلفيين فة مو شرط وهذا كلام الموضفة قالتلي مو شطر ممكن تجي الموافقة الامنية وبعدين الكفيل وممكن الكفيل قبل الموافقة الامنية وصارت وياية انو احد افراد عائلتي مجايتة الموافقة الامنية ووقع علية الكفيل واني جتني الموافقة الامنية ووموقع لحد الان الكفيل
بالموفقية اخوك جوزيف
-
اخي الكريم اني راح اجاوبك على السؤال الاول لا يؤثر الكفيل اذا كافل أكثر من واحد لان اني اخي كان كفيل لاختي و بعدين كفيل صار لاهلي فعادي اما مصاريف الجامعة فراح هم اجاوبك بس مامتاكد ما اعتقد راح يدفعولك مصاريف الجامعة بس مامتاكد يمكن الاخوان هنا عدهم خبرة اكثر و كذلك الاخت انجي عدها معلومات اكثر اكيد راح اتجاوبك
-
اخي اختي اولا اهلا وسهلا بك بين اهلك وناسك
السوال الاول ما يهم ان يكون نفس الكفيل لاختك ولك عادي
وبنسبة لتكملت دراسة الجامعة تتبع حسب قانون الولاية وانت لم تذكر اي ولاية انت ذاهب لكن اعتقد تكون على حساب الدولة لاي لاجئ قادم جديد لكن ضروري تذكر الولاية حتى نستطيع مساعدتك اكثر
-
اشكركم جميعا على الاجابات السريعة وريحتوني والله باجاباتكم والله لايحرمنة من مشاركاتكم ومساعدتكم للجميع وشكرا مرة ثانية
-
عليكم السلام
وفقك الله وسهل امرك اخي
الاخوان ردوا على سوءالك وماعندي اي اضافه لمى اتفضلوا بي غير الدعاء بتسهيل امرك وتحقيق امانيك
بعونه تعالى
-
بالنسبه للكفيل فله الحق بكفالة اي عدد بدون تاثير
اما بالنسبه للدراسه اكو مده معينه و خصوصا بعد ما تلكى شغل المنظمه ترفع ايده منك و تكون غير مسؤوله عنك يعني بنسبه لمصاريف الجاماعات فالمنظمات غير مسؤوله عنه و راح يكلولك هالشي بالمحاضرات \
لان تكاليف طالب بالجامعه مع اللغه يوصل تقريبا 12000 دولار بالسنتين هاي اذا سنتين \
بس الحكومه دائما ما تكون مسؤوله عن جزء من اقساط االطلاب عن طريق الفايناشيال ايد و الي تعتمد على الدخل السنوي الك و دائما ما يغطون نسبه كبيره جدامن اقساط الجامعه ما عدى بعض الاشياء البسيطه كالكتب و المواصلات وبحالات قليله جدا لازم اتجمل فلوس بعض الدروس
وشكرا