ankawa
منتدى الهجرة واللجوء => الهجرة و واللاجئين => الموضوع حرر بواسطة: ستروبري في 18:16 07/08/2009
-
اخوان اني رح اطرح مشكلتي وياريت الي عندة هيج مشكلة يتواصل وياية هنا
اني مقابلة المحلفين جانت يوم 29/6 والفحص الطبي الاسبوع الي بعد ولي حد الان ما متصلين على الكفلاء الي منطيتهم عناوينهم علما انو هم 3 وماكو اي جديد بالموافقة الامنية ( لسة مكتش ) ياريت الي قلقان من عدم الاتصال بالكفيل يتواصل وياية هنا وياريت ادا تكونون شاكين بشي تدكرو علمود نعرف نستنتج شنو سبب التأخير اني بصراحة متأكدة من ارقان التليفونات والعناوين بس ما اعرف ليش لي هسة وبعد مرور شهر وشكم يوم ومحد اتصل بالكفيل موعد استلام الظرف جان 11 / 7
اخوكم جعفر --- عمان
-
مرحبه اخي جعفر تره ماكو داعي للقلق بعد مصارلك شي اني امقابل محلف قبلك بشهر 25\5 ومستلم الضرف 12\7 ولحد الان ماكو شي فقط حددولي الولايه . اصبر اخي الله ايكون ابعون الجميع .
اخوك ابو مريم
-
تسلم اخوية الوردة ابو مريم بس ممكن تكلي انت بعد شكد اتصلو بالكفيل مالتك يعني شكد الفترة بعد مقابلة المحلفين واتصلو بالكفيل
وشكرا
-
اخويةالعزيز جعفر اني جتني الموافقة ولحد الان ممتصليين بالكفيل فة ماكو داعي للقلق
كلها مسئلةوقت ونخلص وانشاء الله مطول اجرائاتنة
-
اخ جوزيف الغالي اني ادكر قريت انو انت اتحددتلك ولايتين ادا اني ما غلطان لان اعدرني دايخ والله ههههه
فشنو الي صار وغير الولايتين وصارت ( متحددش )
-
اخي ماكو داعي للقلق مرات تتاخر شويه بسبب كثرة المعاملات وكثرة الاتصالات ومرات يتصلون عدد مرات بالكفيل وما يحصلون الكفيل هاي كلها تكون سبب التاخير لا يظل بالك انشاءاللة يتصلون بالكفيل عن قريب ربي يوفقك وانشاءاللة السفر القريب والاستقرار وراحت البال بالتوفيق اخي
-
مرحبه اخي جعفر اشكرك على كلامك الجميل . اني ما عندي كفيل . اني كفيلي رب العالمين . بس قبل 20 يوم تقريبا اتصلت ابمصر دا اسئل على الامنيه وطبعا كان الجواب (لسه مكتش يا فندم) وكلتلهه للموضفه ماكو شي جديد كلتلي مافي غير الولايه والمدينه وكانت ولاية تينيسي مدينة ناشفيل .
هذا كل الي عندي . واشي اتحب اتعرفه اني حاضر .
اخوك ابو مريم
-
ابو مريم الوردة تسلم اخوية الله يوفقك ويسهل امورك
اخوية جوزيف اني اسف بس يمكن اكو اسم ثاني هم جوزيف واني تيهت اسف اخوية العزيز
انجي شكرا على الكلام الحلو وصدك انتي فراشة المندى بس ممكن اسألج سؤال اكو طريقة يكدر الكفيل الي بأمريكا يستفسر بيه على ملفي يعني اكو فد ايميل او رقم يكدر الكفيل يتابع معاملتنة من امريكا ويعرف شنو القصة
وشكرا
-
حبي اني الي صار شنو اني من اول ماقدمت انطيت كفيليين واحد بكنتاكي والثاني برود ايلند فة اني لغيت رود ايلند وطلبت كنتاكي ولحد الان ممودين الاوراق لكنتاكي
وهسة اني هم حاير لان ديكولون كنتاكي مو زينة وما اعرف فة كلت اتوكل على الله مثل ماكولولي الاخوة وهذا الي صار وياية وتدلل
وحبي بالنسبة لسئوالك انو اني ابو رود ايلند من وقع كفالتي قبل ما الغيهة هوة راح للمنضمة وسئل كاللهم ليش لحد الان مجاية الاوراق مال جوزيف وسئل بهذة الطريقة ورة اسبوع راحت الاوراق بس اني لغيت رود ايلند وتحياتي
-
زين اخ جوزيف شلون الكفيل يكدر يعرف يا منضمة يسأل علينة بيها لان هي اكيد عدة منضمات
يعني اكدر اسألأ من اخابر الاي او ام يامنضمة اني علية بدون ما يكون الكفيل مخابري
وشكرا
-
عيني جعفر لا تستعجل اخويه طلعت موافقته الامنيه من زمان وانختم ملفه من زمان ولحد الان ممتحدده الولايه ولا المنظمه وقبل كم يوم اتصل الكفيل وكال وقعت بس برادلها فتره بين متوصل ل iom فالمساله عاديه
-
زين اخ جوزيف شلون الكفيل يكدر يعرف يا منضمة يسأل علينة بيها لان هي اكيد عدة منضمات
يعني اكدر اسألأ من اخابر الاي او ام يامنضمة اني علية بدون ما يكون الكفيل مخابري
وشكرا
من يوقع كفيلك او تحددلك الولايه ممكن تتصل ب iom وتسأل على اسم المنظمه الكفيله
-
لا اخي ماكو اي طريقة لانه مرات اني اتصل بالمنظمة هنا واسال عن معاملات اخواني يكولون احنا ما عدنا اي علم بيهم اسفة اخي ياريت لو اكو اي طريقة كان اتصلت بيهم
-
شكرا اخواني على الردود ويارب الله يقدرني واكدر ارد جمايلكم شكرا مرة ثانية
-
اني بالنبسة للكيفل مالتي فة راح سئل بنفس المنضمة الي هية مستقبلتة وهوة ايصير رجل خالتي
وسئل وتقريبا ورة اسبوع وقع على كفالتي واني لغيتهة وكتلهم حولوني لكنتاكي
-
اخي الكريم جعفر
اكو طريقة اخرى تستطيع ان تعمل عليها
ان تعرف شخص من المنظمة الي راح تكفلك او كفيلك يبحث عن المنظمة التي سوف تكفلك يعني مثلا واحد من اصدقائك مكفول من قبل منظمة معينة وهو كفيلك ايضا هذا الصديق يروح للمنظمة و يدزون ايميل الى منظمة الهجرة وهي راح تدز اوراقك للمنظمة
هذا صار مع شخص قريب لي حيث انه بعد استلام الظرف بيومين صديقه ذهب للمنظمة و سال هل وصلت الكفالة لو لا لصديقي ولم تكن قد وصلت
فالمنظمة ارسلت الى منظمة الهجرة في عمان استفسار حول الموضوع
بعدها بكم يوم منظمة الهجرة بعثت اوراق الكفالة للمنظمة وراح صديق اقاربي وقع على كفالته
وعندك احتمال اخر الا وهو انه همة سيحددون لك الولاية من عدهم يعني بدون كفيل وهاي الحالة هم صايرة فيتم تحديد الولاية عند استلام موعد السفر
دعواتنا للجميع بوصول الموافقات باسرع وقت والسفر والاستقرار لجميع اخوتنا وخواتنا
اخوك
ابو جيهان
-
صباح الخير اخواني و اخواتي هسة اتصلت على الاي او ام عمان وسألت على موضوع الكفيل كالت بعد ممخابرين الكفيل سالته عن السبب كالت ما نعرف بس كالت انو موضوع الكفيل يطول من ست اسابيع الى ثمانية والامنية بعدة ما جاية وهاي اخر الاخبار
-
اخواني ادعولي بلكي هدا الاسبوع يكون خير ويخابرون الكفيل لان صدق تعبت
-
جعفر عزيزي الله يساعدك ويساعد بقية الأعضاء وانا وياكم
والله بصراحة انا عندي هبوط بالمعنويات وعلى وشك يصير عندي زهايمر
-
اخي لا تقلق لأن انا أخويا الكبير أبن أمي وأبوي لحد هسه ما متصلين عليه
مع العلم قبل شهرين مرتين اتصلوا علي الأي أو أم يطلبون عنوانه!!
-
بس هسه اجتني فكرة أني اخلي اخوي يسأل المنظمة القريبة من بيته وخلي يسأل عني
يجوز يقدر يتعاون وياهم ويحركون الملف مو الأوراق صارت صفر والتراب والعنكبوت عشش على ملفي
-
بس بكل الأحوال انا قلت لك في حديث سابق لا تضوج
صدقني عندي يقين وشعور قوي ان هاي المآسي كلها راح تخلص بشهر الثامن
ويتم تحديد مواعيد للسفر ايضا ً
واشوفكم بخير يا رب وما اشوف عراقي واحد ضايج لو زعلان :(
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا
-
الله يسمع من حلقكي يا ام يلدة بس المشكلة هدا الدماغ شلون الويحد يقدر يوقفو عن التفكير
الله كريم وانشاء الله تفرجعلى الكل يا رب
اختكي ام عمار