ankawa
منتدى الهجرة واللجوء => الهجرة و واللاجئين => الموضوع حرر بواسطة: دنفوري في 02:28 08/08/2009
-
اخوان اليوم وصلت تكتات الطيارة اشو مبلغ كلش خيالي 12000$ ???
معقوله ؟؟؟؟؟؟لو اكو خطئ يعني الالجئ منين يجيب دفتر وربع ومن بدايتهه علما هاذي التكتات مال عائله من زوج وزوجه وطفل صغير زين شلون
رجائا الي عنده اي معلومة يفيدنه
اخوكم دنفوري
-
اني انصدمت اصلا ??? ??? شنو هلمبلغ يعني اني سمعت انو اصلا التكتات مال ال iom مخفضة
يعني كل واحد اصور 16 ورقة على الطيران او 17 ورقة هذا ماسمعتة من اصدقائي على النت
الله ايكون بعونك ياربي
-
اخي حاول اشوفلمنضمة او الجهة المختصة بهذا الشي وبلكي اكو خطا او شي لان ممعقولة هذا المبلغ على 3 نفرات ??? ???
-
lمستحيل صدك مامعقوله ......... والله فاجئتني شنو هدوله 3 اشخاص معقوله
زين قابل ماجريلهم طياره خاصه !!!!
حبي لي صديق طار من سوريا الى عمان ومن عمان الى نيورك على خطوط الاردنيه ذهاب واياب
نفر 2100 دولار هي تو وي !! زين
اما جماعتنا فهم وان وي خلي ياخدون 1500 دولار على نفر مو صحيح
والله ماعرف حقيقه صدك جدب
-
اخي ميه بالميه اكو غلط بالموضوع لان اجور الطياره تبدي وره سته اشهر وتتقسم لمده 3 سنوات تقريبا. خلي العائله تتصل بالمنظمه او اذا يكدرون يتصلون مباشره بال USCRI وهي المسؤوله عن جمع اقساط التذاكر من كل اللاجئين ورقمهم موجود بالرساله الي وصلت للعائله.
-
اخي دنفوري لازم تعرف انه اذا كان السفر بالصيف يكون اغلى من الشتاء انت باي شهر وصلت الى الولايات المتحدة يعني بالصيف كانت لو بالشتاء لانه دائما الحجز يكون بالصيف اغلى من الشتاء حتى لو كانت عن طريق اليو ان
-
الله ايخيليج اينجي اذا اني نفر واذا طلعت بالصيف من القاهرة تقريبا اشكد المبلغ
واذا بالشتا اشكد المبلغ تقريبا اذا كنتي تعرفيين
الله ايسلمج ويبعد عنج كل الشر اخوج جوزيف
-
اخي جوزيف دائما تكتات الطيارة بالصيف تكون اغلى من الشتاء اني قبل اسبوع اتصلت بشركة الطيران على مود ردت اروح كلفونيا ازور اختي تعرف شكد كانت ??? كانت 455 دولار وانما بالشتاء صديقتي راحت هم لكلفونيا اخذتها 150 دولار لانه هم حجزت قبل شهر لان كل ما تحجز مدة اطول تكون ارخص هم ما عدى بالصيف اغلى من الشتاء ارخص وبنسبة الك حسب المدة الي يحجزون الك من اليو ان يعني قبل مدة شهر شهرين لانه ليش من ينطون موعد سفر شهر ليكدام مرات يحصلوها ارخص ومرات لا على الاستعجال فاانت بصراحة ما اعرف بالضبط شكد راح تكون لانه لا تنسون من تركيا شكل ومن سوريا هم غير شكل فكل واحد راح يكون مختلف الدفع حتى لو كنتوا نفر واحد
-
بس بالنسبة لاخ دنفوري اكيد اكو غلط لازم تتصل بيهم اكو رقم موجود بالورقة الي جتي الك لازم اكو غلط لانه حتى لو مسافر لاستراليا الي هي ابعد قارة هم ما تكلف هلكت فلوس انشااللة يكون اكو خظاء
-
اولا شكرا لكل الاخوة الي ردو
ولله اني هم انصدمت اني وصلت يوم 12 \1 \2009
من تركيا مباشر لنيويورك ومن نيويورك لدنفر
بس اني شكد صايرلي هنا 8اشهر تقريبا وقبلهه مسامع هيجي رقم اني هسه وصللتني الرساله بالبريد فتحت الصندوق العصر ولكيتهه وسوتلي صدمة معدله وحتئ محبيت انزل الموضوع حتئ لا اسوي احباط لاحد بس نزلته من لا جاره بس احتئ اتاكد من الرقم
-
اخي بس اشرحلي شنو اليوم وصلت التذاكر ليش هي التذاكر توصل غير تستلمهه بالمطار وتوقع الورقة الصفرة بالمطار!!!!!!!!!!!!!!!
-
اي اخويه التذاكر تستلمهه بالمطار مثل متكول وتوقع علئ دفع تكاليفهه
بس بعد وصولك ب8 اشهر مثل حالتي توصلك رساله بيهه مقدار المبلغ الي لازم ادفعه وقيمة القسط الشهري واني اتفاجئت بهذا المبلغ وحاطيي قسط شهري 250$ المشكله باجر سبت وراهه احد يعني ليوم الاثنين يله افتهم شنو السالفه وره ما اشوف الكيس منجر
-
اخوية دنفوري
ادري مو الورقة الصفرة مكتوب بيهه شكد مطلوب والقسط الشهري فلتخاف مجرد غلط
اي اخويه التذاكر تستلمهه بالمطار مثل متكول وتوقع علئ دفع تكاليفهه
بس بعد وصولك ب8 اشهر مثل حالتي توصلك رساله بيهه مقدار المبلغ الي لازم ادفعه وقيمة القسط الشهري واني اتفاجئت بهذا المبلغ وحاطيي قسط شهري 250$ المشكله باجر سبت وراهه احد يعني ليوم الاثنين يله افتهم شنو السالفه وره ما اشوف الكيس منجر
-
لا ماكو هيجي شي اني طلعت اني وعائلتي وطلعت علينا 25 ورقة فقط بس هم هواية ;D بس هاي جانت ثمن تذكرتنا من اربيل الى عمان ومن عمان الى نيويورك ومن نيويورك الى ولاية ميسوري .... كلها 25 ورقة لشخصين اني وعائلتي فقط ماكو اطفال .... واتمنى تستفيدون من المعلومة ومعلومة الاكثرية يغلط بيها ...اخواني تدفعون ثمن التذاكر بعد مرور اربعــــــــــة اشهر وليس بعد 6 اشهر ...بس جماعتنا مبين مسوين سفر حول العالم ويجوز باقيين سنة يفترون بالطيارة ههههه للمزحة فقط بس ماكو هيجي مبلغ
-
السلام عليكم اخواني الاعزاء
بخصوص موضوع دفع تذكره الطائره من يوصل الوصل مال دفع الكم يه رقم خدمة الزبائن تكدرون تخابرون عليه وتكولن الهم انه انتوا بلا شغل او اذا تشتغلون الراتب ما يكفي بهيج حاله يقللون الدفع الى النصف يعني الي يدفع مبلغ 200$ بالشهر يسون تسويه اله ويدفع 100$ بالشهر واخيرا تقلوا احترامي
-
اخ دنفوري انت من وقعت على الورقه الصفره اللي ذكرهه اخونه 7صنايع شكد كان المبلغ؟ اني مع عائلتي 4نفرات صارت تذكرتنه تقريبا 45 ورقه مع العلم اني سافرت بشهر 8 يعني صيف وسافرت الى سياتل ابعد نقطه غرب اميركا يم المحيط الهاديء ههههه
-
السلام عليكم
اخويه العزيز اكوا غلط بالحساب عدهم تأكد منهم لان اني وعائلتي 4 نفرات طلع حساب التكتات 4160$ اكيد اكوا غلط وهذا من حقك ان تسأل شنو قابل انت رايح درجه اولى .
ابو انس
-
طبعن اني مراح اكول شي دائمن عراقين مضلومين والله هذوله ماعدهم رحمه وين من نروح دوله يستفادون من العراقين الله يكون معونه
تحياتي
-
أخوية العزيز أول شي أحب أكولك أتصل بالمنظمة وأحجيلها كلشي لأن هذا مبلغ غير معقول قابل أنت مأجر رحلة الوحدك هم ما صايرة هاي ...فأكيد أكو خلل بالموضوع 100% .....
تحياتــــــــــــــــــــــــــــــــــــي ;)
-
اكيد اخي اكو غلط بالموضوع ومن الان الى يوم الاثنين مو بعيد فنرجوا التوضيح
-
100% اكو غلط حسب مشفت من الاجوية كلها تقريبا نفس المعدل واعرف عائلة راحت من 3 اشخاص صارت 3750 دولار بس هوة بالمطار من وقعوك على الورقة شكد جانت معقولة جانت 12000ومنتبهت والا ليش يتغير الرقم
-
يابه احتمال درجة اولى ! ههههه
الله يعينكم .
-
السلام عليكم
زين اخوان اذا الواحد بالمطار اجى ديوقع على الورقة مال تكتات وشاف المبلغ كلش عالي يعني مثل هاية الحاله شنو الاجراء الي لازم يتخذه يعني ممكن يرفض وميوقع على الورقة لو لازم يوقع وشكرا
-
اخوية تاكد من الموضوع لان ممعقولة ؟؟؟و ردلنة الخبر حتى نطمن شنو دفتر و ربع و هو الواحد رايح لاجئ
-
اخويه احتمال اكو خطاء اكيد
لانوا انى و زوجتى وبنتى سنه ونص جانت 2300 سافرنا بشهر الرابع نهايته
فاكد وياهم لانوا 12000 حتى لو موسم سفر مو هيج
-
حبيبي الغالي دنفوري هذا المبلغ جدا عالي وصاير غلط بالموضوع الحساب مالتك اكيد هو 1200 دولار مو 12000 همة غلطانين بالصفر لانه احنا اجينا من تركيا همينة اني وزوجتي المبلغ اللي ندفعة هو 45 دولار بالشهر يعني خلي انتة 50 دولار لانه عندك طفل فلازم تخابرهم او تشوف الورقة الصفرة اللي عندك شكد كاتبين بيها ولازم تخابرهم لانه 100%اكو غلط واي سءال اني حاضر
-
اشكر جميع الاخوة اي ردو ورفعو من روحي المعنويه ولله اني اول ما قريت الرقم ارتفع ضغطي كلت هاي من البدايه ربطوني بدين بس اني نزلت الموضوع حتئ اتاكد انه ماكو هيجي رقم لاني مسامع بهيجي رقم اني اتذكر من وقعنه بمطار اسطنبول جان تقريبا سعر التذكره 1200$ يعني مال 3 تصير 3600$ تقريبا
الله كريم اني اصبر ليوم الاثنين واشوف شنو القصه
-
خويي دنفوري شنو هالغيبه
يعني متذكر اخوتك بس من تعوز فلوس ;D
مشتاقووووووون
-
الله يكون بعونك
محلوله ان شاء الله
-
اخوان اقدم شكري للجميع الاخوة الي رفعو من روحي المعنويه
صحيح مثل مكالو الاخوه اتصل الكيس منجر بيهم وكاو اكو خطا بالرساله بدل $2000 كالتبيلي 12000$
واكرر شكري مره ثانيه
-
اي اخي دنفوري الف مبروك على ضهور الحقيقه . فرق 10000 دولار بيهن سياره راقيه بامريكه.
ابو مريم
-
الحمد لله الي انحلت المسائله بسلام وطلعت غلط والله هبطتنا كلنا بهذا الرقم يله همزين نبهتنا لازم واحد ايشوف الارقام قبل ميوقع اختكم ريم
-
الحمدالله والشكر اي مو دا اكول ليش شنو حاجز مطار نيويورك كلهة
الحمدالله والشكر المفروش تذبح طلي ;D ;D ;D
-
الحمد الله اخي العزيز طلع غلط بالحساب وهو اكيد اكو غلط قابل انت حاجز طياره وحدك :D
-
اخواني الاعزاء ... اذا تريدون تتاكدون من اسعار التكتات من الممكن الدخول الى موقع شركات الطيران و كتابه منين تريد تسافر و الى وين و انتو كم واحد و راسا تحسب الفلوس ... بس حتى تتاكد من الاسعار
-
اعتقد 2000 للشخص الواحد وارجوا من دنفوري التاكيد