ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 21:09 08/08/2009
-
الاخوان الاعزاء
كلنا يتحدث عن المساعدات واشهر المساعدات وغير ذلك
ولكن هناك موضوع مزعج وشبه اشكال للذين يصلون حديتا للولايات المتحدة وهي
اتصلت بصديقيين لي الان قبل كتابه الموضوع ودار حديث بيننا وقالو المشكله الرئيسيه التي تواجه القادمين الجدد هي المنضمه وبالاخص العراقيين الذين يعملون بالمنضمه وبعض الامريكان من اصول عربيه او افريقيه بس كان التخصيص للعراقيين ز ستسالون كيف
العراقي الذي يعمل في هذة المنضمات ( حشى الطيبين ) يقوم بايجار شقه للواصل الجديد في مناطق جدا تعسه وكذلك ذات طابع اجرامي متل اغلبيه سوداء والشقق تكون تعبانه ويؤجرها بمبلغ غالي علما انها ارخص بكثير ( لغرض السرقه ) مثلا الشقه تساوي 400 دولار بس ياجرها 700 والثلاث مائه بالجيب
الاكل الموجود بالشقه شبه رخيص ولكن يسجله على اساس نوعيه جيدة ( ومن هذا وشيل ايدك ) حتى الاثاث
المهم بعض الاجانب الذين يشتغلون بالمنضمه شرفاء ويلتزمون الواصلين الجدد من بلدهم الاصلي يعني يلتزم اهل بلدة
واذا انت تريد اتغير الشقه يكلك ( العراقي الي بالمنضمه ) بعد اربع اشهر حتى يخلص العقد واذا لكيت انت بنفسك شقه جيدة ورخيصه وبمنطقه حلوة مايقبل ابدل الك الشقه
فيااخوان ماهي النصيحه الي توجهوها للوافدين الجدد اذا واجهو مثل هذا الموضوع الي ممكن يحبط نفسيه الوافدين
تقبلو تحياتي
-
حجيك تمام واني واحد من الي هسة ذابيه بشقة تعبانة بمنطقة مالت الزنوج وكلها بسبب الــCASE WORKER مالتنا لانه عراقي وعراقية بس لو تشوف السودانين والفلينين والهنديين دائما الـــCASE WORKER مالتهم يحطوهم بمكان جيد ونظيف بس العراقيين حشى الطيبين الي صارلهم خبرة كثيرة وشغل بهيجي منظمات ماباقي رحمة بكلبهم يعني بس يريد يخلص منك ...والحل ما ادري شنو من تقدم على تبديل الشقة ما تلكي جواب ومرات يكولك الشهر الجاي ...وانت تبطل من كيفك وتبقى الى ان الله يفرجها عليك ...واني هسة ويا عائلتي صابرين ومن الكي شغل اطلع منا هاي المنطقة ان شاءالله لان اذا تعاند يشدون وياك وانت تمل من نفسك لان صارت ويا بنية جاية وحدها شوية عاندت فشدوا عليها الكيس وركر مالتها فطنشوها وعلمود هاي اني اكول اعتمد على نفسك احسن ما تعتمد على غيرك ...وبالتوفيق للجميع
-
ايباااااااااه لهنا وما خلصنه من هذه النماذج القذره!!!!!
يا اخوان هذه النماذج القذره من ((بعض العراقيين)) هي التي اوصلت العراق ما هو عليه الان
نصيحه لكم راسلوا مدراء هذه المنظمات واخبروهم عن مشاكلكم لان اغلب المدراء من الامريكان الذين هدفهم انساني بحت.. هم متطوعين لا لشيء ولكن لمساعدة اللاجئين.
بالامس جاء مدير نعم مدير منظمة ال IRC في سياتل مع عامل هندي وانزلوا في شقتي تلفزيون JVC حجم كبير شاشه فلات وطخم قنفات جلد طبيعي كان الرجل سعيد جدا بلقائي وهو من قدم الشكر لي لا لشي الا لكوني عراقي طلبت العيش بكرامة في اميركا..
اللهم جنبنا شر كل عراقي لا يحمل في قلبه الانسانيه ووفق كل عراقي شريف
-
اخوان ماعرف انتوا ليش اتقبلون اتوقعون وتستلمون الشقه اذا كانت مو زينه !!!
ارفضوا التوقيع على استلام الشقه وكذلك ارفضوا توقيع عقد الايجار واطلبوا ان يجدوا لكم شقه ثانيه ... وماعتقد اكو شي بالكوه او غصبن ماعليك لازم تقبل بامريكا ... مثل مالكثيرين سووا وغيرولهم الشقه بمكان افضل من ماكان بالبدايه ....
تحياتي
محــ2009ـــمد
-
اخي محد يجبرك تسكن
ومن الاول اذا ميعجبك السكن اطلع واجر وين متريد والمنظمة تدفعلك ولكن اذا زاد عن المخصص انت تدفع
وماكو الا بعد اربعة اشهر لأن انت مموقع عقد بس من توقع خلص متكدر تطلع
وبالنسبة للاكل فانت لتوقع اذا متشوف الرسيت وتقراه
الشغلة شوية ينرادلهه جرأة وعدم السكوت على شي انت معاجبك
واعتقد قانون المنظمات واحد ماكو فرق بين منظمة ومنظمة بس الفرق بفترة تقديم المساعدات من 4-8 شهر
-
اخواني الاعزاء
فعلا هذه مشكلة انك تتوقع من شخص راح يساعدك واذا به يسرقك وممكن يحط بمكان خطر جدا او يضمر لك الشر
فعلا الواحد من يروح اله الله وبس
-
اخوان شكرا على الردود جميعا
بس اكو حلول واقعيه ذكروها بعض الاخوان منها الرفض وعدم التوقيع
بس هناك مشكله صغيرة وهيه
اذا انت اول متوصل تشوف هجي شقه تعبانه وماتقبل تستلمها وماعندك كرايب يلفوك او الاحسن يستضيفوك شراح تسوي تبات بالشارع لو المنضمه تنجبر على ان تنزلك بفندق الى ان تلكه شقه (انت او المنضمه)
-
والله الكل يحجي من تجربته اني رحت رفضت كالوا زين هسة وين نخليك انت جاي تعبان من سفر وعائلتك تعبانة بس تريد ترتاح اروح ارفض وهالمرة الهف مثل الجلب حشاكم ورا هذولة الحقراء حتى يبدلون شقتي ....وما يبدلوها الى ورا شهر من العركات ....الزوكرتية شي ثاني ...بس الافضل انه ما تتعارك وياهم ...وطبعا الشقة ماراح يكون بستوى ما تكدر تعيش بيها لا مو هلكد خربانة ...الخربانة مالتها احسن من الايجارات مالتنا التعبانة ....بس مع ذلك مع الاسف على العراقيين القدامى الي مستلمين هيجي شغل ومو كدها ويظلمون الجدد .........حتى يلهفون جم فلس ..........والكل هو ذكاءه وصبره والزوكرتي حاله يكون احسن حتى لو يحجي
-
اخي دعني اوضح شيء انه تآجر الشقه بي 700 دولار وايجاره 400 دولار فهذا شيء ليس له من الصحة شيء ولا اعتقد من صالح المنظمة لانه المنظة هي من تقوم بي تآجير الشقق للوافدين واما المترجم فهو عبد المآمور ولا يستطيع تقديم شيء اكثر من صلاحياته ..ومن ناحية الغذاء فآن المواد الغذائية انت المسؤل عن شرأها وهذا الشيء خاص بك تريد تشتري الزين او الرديء...والكل يعرف ان المكان الذي تسكنه هو مؤقت حتى تستعدل الامور وتنقل الى مكان جيد ومناسب لك ولي عائلتك ليس دفاعآ عن المترجم وليس تكذيب لما جاء بس هذا ما معمول به بكل امريكا والله ما واراء القصد للتوضيح ..وفق الله الجميع ويسر امرهم
-
بارك الله بيك اخي على الموضوع وان شاء الله يبعد عنا كل طماع ليس له قلب ولا انسانيه
-
اخي العزيز haitham40
الكلام الي انت اتطرقتله صحييح بس مو كل اصابع ايدك سوى يعني CASEWORKER مو الكل متساوي
والي انه سامعه الكيس وركر بيدهم كلشي مثل النائب ضابط ( جوله ) بيدة الاوراق وشلعان القلب اما بالنسبه لمسؤل المنضمه مو كلشي يدري بي الي يكلوله يصدك بي لان عدهم شي اسمه الثقه بس مايدرون شلون العرب العراقييت (حشى الطيبين منهم لان لو خليت قلبت ) من يردون يستفادون شلون يستفادون وبياطريق
ثانيا الاكل حسب ماكالو الاخوان هناك من طرحو مشكلتهم هو الاكل المتحضر الك اول متوصل والي كميته ما خمس ايام الى اسبوع هذا الاكل المقصود بالنوعيه الرديئه
اما بالنسبه للاخ الي حجالي هذة القصه بالمسبه للشقه الموزينه اشتكى على CASEWORKER وهم صارت مشاكل كبيرة بينهم وبينه بدون درايه مدير المنضمه وصور الشقه وراح قدم شكوى والمحكمه بعد يومين تنعقد وقبلها هم مشتكين على عراقيين يشتغلون بالمنضمه ونطردو بس ماهي الفائدة من الطردة بعد ماوكع الفاس بالراس
-
ابو مصطفى شو هاي من خابروك الاي او ام بدت الابداعات المكبوتة مين لكيتنة هلطركاعة بهليل هلمرة حيل دوختنة بالبيت بس والله عاشت ايدك على التنبيه يعني هذا المكتوب النة وين منروح نعارك
تحياتي
-
حبيبي واخوي العزيز ابو نور
والله هاي الطركاعه كلي بيها صديق الي والك هسه هو بنيويورك وانته اكيد عرفه قبل لاكتب الموضوع صار نقاش بيني وبينه بشغله العراقيين الي يشتغلون بالمنضمات
فاضطريت اكتبها حتى تكون تنبيه للاخوان جميعا وبنفس الوقت الي يروح هناك ويصادف هجي مشكله لاينصدم ويتعامل معاها بذكاء
وان شاء الله بخبرة الاخوان راح نلكه حلول لهجي حالات
-
السلام عليكم
اخويه الايجار المحدد للاجئين يكون 900$ وليس اكثر ومن حق اي واحد ان يطلب تغيير الشقه وغصبآ عليهم يغيروها .وانصح اي واحد قادم الى هنا ان يطلب تغيير الشقه وهم يسكنوه في فندق الى ان يجدوا له شقه اخرى .
ابو انس
-
عاشت ايدك اخي العزيز القرش
والله اشعر من كلامك ان شاء الله محد راح يضيع حقه وفعلا كلام ينطي دافع النا حتى ( لاينصبون علينا بعض ضعفاء النفس )
وتسلم على هذا الحل ممكن محد كان امفكر بي
شكرا لمرورك
-
السلام عليكم
اخواني ممكن اسمحولي ادخل بخصوص هذا الموضوع و راح احجي عن تجربتي الخاصة بامريكا ,,
اخواني اول شي اني ساكن ولاية كلفورنيا و تشرف علية منظمة ال IRC طبعا من وصلت لكيت المنظمة مسكنتني وية اثنين شباب عراقيين جايين قبلي ب 10 ايام و بعد ان رحت للشقة شفت المنظمة جايبة بس جرابي 3 و طباخ و ثلاجة و الشقة كأنما جامع لا الجامع يمكن احسن بعد فترة اسبوعين طلع من الولد واحد و بقينا بس 2 و شدينا الهمة اني وصاحبي و كمنا الم اثاث من اصدقائنا و من سوق الاحد اشترينا اثاث و هسة شقتنا احلة شقة و كل واحد يزورنا يتعجب بس المشكلة بالمنطقة المنطقة الي احنا بيها كلش خطرة يعني صدكوني اذا اكلكم اخطر من بغداد لان بعد الساعة ب 8 او ب 9 باليل من سابع المستحيلات ان تطلع برة لان راح تشوة و تنكتل كتلة غسل و لبس من الاخوة السود و اكثر من عراقي اتعرض الى مثل هيج حادث ,, بس اني و صاحبي كلش ملتزمين باوقات الخروج و اغلب الايام ما نطلع اصلا و منتظرين نشتغل و نستاجر بمنطقة احسن لان الايجاررات هنا غالية نار و لازم نشتغل يلة نكدر نغير الشقة
ملاحظة : المنظمة المشرفة علية ما بيها ولا عراقي يشتغل و العراقيين هنا كلنا خوش ولد و متعاونيين و عبالك اخوة و اغلبنا عزاب و اكو عوائل بس قليل ,, بس هم نرجع ونكول مو كل اصابعك سوة لان اكو ولد من جماعتنا ضحك عليهم ولد هم عراقي و باك منهم 5 دفاتر و راح لعمان
نصيحة للي يريد يجي الامريكا اكو كم شغلة لازم واحد ياخذ بالة منها
اولاً : لازم تقوي نفسك بالغة
ثانية : حاول تفتهم الامور بسرعة حتة تعتمد على نفسك لتكلف احد يساعدك حتة على المنظمة لتعتمد عليهم هواي
و ترة الحياة بامريكا حلوة و سهلة بس للي يكون واعيلها
اسف على الاطاله
بايات
-
شكرا لجميع من ابدى برأيه وحسب خبرته وما صادفه من اشكالات الله يسهل امر الجميع
ويشكر صاحب الموضوع الاخ ماجك على هذه الالتفاته الكريمة والمهمة جدا
ابو فهمي
-
الاخ العزيز شلعو كلبي ال IOM
شكرا جزيلا لشرح حالتك الي تمر بيها بمنطقتك
زشكرا جزيلا للايضاحات الي قدمتها والي ان شاء الله راح تفيد كل الاخوان الي مقدمين على السفر
والله يوفقك وتلكه شقه بمكان امن وتلكه شغل وتستقر
تحياتي الك
-
الاخ العزيز good sniper
شكرا جزيلا لمرورك الطيب وان شاء الله كل انسان عراقي يحب الخير لاخوانه العراقيين ان يحاول يبين بعض السلبيات وكذلك الايجابيات حتى يكون عدهم درايه كامله بالمكان الي راح يرحوله والمجهول يصبح شبه معلوم لتقليل الضغط النفسي وصعوبه الغربه
والخير من الله للجميع وان شاء الله الاخوان جميعا يكونون سبب في معرفه الحقائق التي من الممكن ان تواجهنا جميعا في المجتمع الجديد
تقبل تحياتي
-
والله العراقيين القدماء بامريكا اقذر ناس و حشة الطيبين منهم واعتذر عن هاي الكلمة بس مالكيت انسب من هاي الكلمة اوصفهم بيهة وهمة ناس جشعين جدا وما بكلبهم اي رحمة واني شفت هيج نماذج حقيرة بكامب ليبرتي لمن اشتغلت مترجم هناك وشفتهم لهذولة القذرين dod لمن يباوعون عليك بنظرة استحقار ولمن يحجون وياك ميحجون عراقي يحجون انكليزي وما يجاملون عكس الامريكان والله شالونة بالصلوات بس همة ذولة مثل ذيل الجل..... ما ينعدلون وصوج امريكا الي لفت هيج شكول
-
الاخ العزيز geb
شكرا للمرور وكلامك منطقب بس لو خليت قلبت اكو ناس طيبه بس اكو ناس ماشايفه وشافت والله الي يستر من هذوله
تحياتي الك