ankawa
منتدى الهجرة واللجوء => الهجرة و واللاجئين => الموضوع حرر بواسطة: interpreter99 في 22:28 08/08/2009
-
السلام عليكم مرة اخرى راح اشرح الكم موضوع مهم جدا لاخواننا اصحاب الــSIV لكي لايقعون بنفس خطئ انا ... أول ما وصلت ولايتي كالوا لي لازم تطلع شي اسمه STATE ID كلت اوكي رحت قدمت عليه وانطوني ورقة امشي حالي بيها الى ان توصلني هوية الــSTATE ID وكالت لي الموظفة لازم تنتظر 6 يلا تجيك الهوية عن طريق الميل وليست الئميلي ...لان هاي هوية مو رسالة .... أي كلت اوكي بعد اسبوع من تشوف امريكا تشوف بدون سيارة ما تكدر تسوي اي شي هاي كل اخوانا واخواتنا بامريكا يعرفوها رحت قدمت على امتحان اجازة السوق والي هي اولا الــــPERMIT تمتحن عالحاسبة او الورقة انت تختار اني اختاريت الحاسبة وتجيك اسئلة بسيطة عن الاشارات المرورية طبعا نجحت من ثالث امتحان ومن نجحت الشرطي ينطيك ورقة ويكولك روح ادفع الــFEES مالتها حتى تقدم على هوية اجازة المؤتة الــPERMIT واذا تحب تسوي امتحان السياقة مباشرة ورا تنجح من البيرمت .... اني رحت ونجحت من السياقة ايضا ...والمشكلة اهنا ... ياالله ركزوا وياي اخواني واخواتي من رحت ادفع الـــFEES مالت الاجازة حتى اطلع الاجازة وابدي ادور على شغل واشتري مسواك بالسيارة ...واجهت مشكلة لمن الموظفة كالت ما يصير !!! كلت ليش كالت لان ما نكدر ندخل اسمك بالحاسبة الى ان تجيك هوية الـــ STATE ID مالتك الي قدمت عليها بالبداية كلت شلون عرفتي وليش ما اكدر كالت خوش سؤال ...اولا الحاسبة ما تقبل ادخلك بالـــPROCESS مالت الاجازة السوق لحد ما تجيك الهوية مالتك الــSTATE ID والــSTATE ID الافندي تتأخر من 40 يوم الى 60 يوم بعض المرات ناس تجيها بأسبوعين واني بقيت 50 يوم ناجح بالسياقة بس ما اكدر اسوق لان الورقة الي انطاني اياه الشرطي غير ساري المفعول الى ان تدفع الـــFEES يم الموظفة وتنطيك ورقة ثانية تخولك تسوق لحد وصول هوية الاجازة مالتك ....وبعدين اكتشفت انه الـــ STATE ID هو يمشي حاله حال هوية اجازة السياقة واني ليش كلت بس جماعة الـــSIV لان الــــ SIV تجيهم الكرين كارت اول شهر فما يحتاجون يقدمون الـــSTATE ID خلي يقدمون مباشرة على اجازة السياقة وهي نفس الشي حاله حال الـــSTATE ID بس جماعة الـــIOM لا يحتاجون الـــSTATE ID لان ما يكدرون يحصلون على الكرين كارت الى بعد مرور سنة كاملة على وجودهم في امريكا يلا يبدون يقدمون على الكرين كارت ....فنصيحة من اخواكم لجماعتنا الـــSIV انتظر الكرين كارت مالتك تجيك قبل شهر واول اسبوع روح امتحن الاجازة مو تنضرب البوري مالتي .....مع تحياتي لكم واتمنى انه تستفيدون منها
اخوكم انتربتر
-
ممنون وشكرا على الموضوع المتفائل هههههه
عاشت ايدك على النصيحه
-
اخويه الافضل لمه تروح تقدم على اي دي من اول مره تكون قاري الامتحان علمود تاخذ هويه وحده
يعني تروح تمتحن وينطوك البرمت لانو البرمت هي اي دي بس ما سائق تحت التدريب و طبعا لم تمتحن اعلملي تحوله الى اجازه عاديه وبالفتره بين الامتحانين تكدر تستخدم البرمت على انها اي دي
-
اكو ثلاث انواع وكلهم سوية بس كلها عندها مواصفاتها وانت لازم يكون عندك واحد منهم ... اولا الــــــــــــــــــــــــــــــــــــــ STATE ID والي هي عبارة عن هويتك و ثانيا الـــ PERMIT والي هي الهوية بالاضافة الى انه تكدر تسوق سيارة فقط في حالة تواجد واحد يحمل اجازة سوق وكاعد بصفك .. وثالثا الـــــــــ LICENSE ID والي هي الهوية والبرميت والاجازة مالت السوق وتسوق وحدك والمفضل ...بس انت اول ما توصل اقراء كتاب الاشارات الي ينطوك اياه مجانا وروح امتحن على الثانية بعدين الثالثة اذا تعرف تسوق ...بس الاولى لا تتورط بيها
-
عاشت ايدك على المعلومات
-
السلام عليكم
شكرا على الموضوع والله يوفقك.
تقبل مروري
عيني بغداد
-
مشكور على هاي المعلومات.................
-
بارك الله بيك على المعلومات والله يفتحها بوجهك.
-
اخوية مشكور و عاشت ايدك على المعلومات...بس انت بياولاية.....لان سيراكيوز نيويورك بنفس اليوم تستلم هوية الولاية خلال نصف ساعة
بس اكيد اجراءت كل ولاية تختلف عن الاخرى بس مو شوية هواي 50 و 60 يوم
اخوك ابو داليا
-
تسلم اخويه العزيز على هذه المعلومه تحياتي لك ودير بالك اخويه من البوراي
-
اني بولاية ميسوري ....ويجوز الولايات الاخرى تتخلف ....بس بيوم واحد تطلع الــــ ID والله هذا ارقى ولاية مالتنا 60 يوم بالكامل والمكمل يلا ...مرات تجيك بأسبوعين يعني 14 وهذا نادرا فقط ...بس على اية حال لاتقدمون على الـــID اذهب واستلم الكتاب واقراء يومين وطلع البرميت احسن
-
اخويه العزيز انتيربتر فدوه لعينك تره اخوك شويه تعبان من المعاملات والبيع والانتقال اني مدا اجممع هسه فدوه اشرحلي الموضوع برويه وعلى كيفك كانه دا تشرح لواحد منغولي حتى افتهم ههههههههههههههههه واشكرك والله يوفقك .
اخوك ابو عبدالله من بغداد احبيبه ودرجة الحراره اليوم 49
-
اخوان احب اعقب على الموضوع
هناك ثلاثة انواع من الID
1)non driver license و هذه الي يسموها state ID و اني طلعتها لعائلتي
2)instruction permit و هذه انا طلعتها بعد ما تمتحن على الكومبيوتر امتحان سياقة و اشارات مرورية
3)driver license و هي اجازة السياقة الأعتيادية الي تكدر تاخذها بعد ما تمتحن سياقة و بعد ما تاخذ الinstruction permit
اما بالنسبة للمدة الي تجيك بيها فهي فعلا طويلة لكنننن هم ينطوك ورقة بيهه صورتك يسموها temporary ID و هاي تكدر تستخدمها حالها حال الأي دي الي على شكل كارت فما اعتقد اكو مشكلة بالموضوع هم ينطوك ورقة مؤقته تثبت انه انت عندك احد الأيديات التلاثة نافذة الى ان تجيك الأي دي الدائمية و ابوكم الله يرحمة
George W. Bush
-
شكرا جزيلا اخواني على هاي المعلومات المفيده
تقبل مروري
ساسي
-
شكرا اخي على هذا الموضوع وشكرا للاخوه الي شاركوا بتقديم معلومات اضافيه للموضوع
تحياتي وتقبلوا مروري
-
شباب واللي ما يعرف يسوق شيسوي.
يمكن فد 15 سنة يلله تطلعله الID ههههههههه.
اتشاقة وياكم.
تسلم ايدك على الموضوع اخي.
-
;Dالاخ جورج بوش او (( سيادة الرئيس)) تسلم ايدك على الايضاح وعاش اخونا المترجم 99 على الموضوع الحلو والله يفقكم ويوفق الجميع
-
هذا الموضوع يخص كل وافد الى الولايات المتحدة،
هوية الولاية تعطى عموماً (وحسب قوانين الولاية) لساكن الولاية الذي لايمتلك اجازة السوق بعد ،او تستخرج في حالة وجود مخالفات ادت الى سحب اجازة السوق، عدا ذلك معظم الولايات لن تستخرج لك بطاقة هوية الولاية في حالة امتلاكك لاجازة سوق في نفس الولاية باعتبار انه اجازة السوق تعد هي نفسها هوية نافذة المفعول ولا حاجة لاستخراج هوية اخرى. (والعكس غير صحيح)
النقطة الثانية المفيدة ان كثير من الولايات سوف تمنحك حق التقديم على امتحان السوق مباشرة (دون الانتظار لمدة شهر) في حالة تقديم اجازة سوق من البلد الاصلي مترجمة لذلك ممكن ان تاخذ اجازة السوق العراقية معك وتترجمها ترجمة رسمية ولن تحتاج الى انتظار شهر كامل للتقديم على الاجازة على فرض انك تعرف تسوق، (مع ذلك ينصح بالتدرب على السياقة في الشوارع والطرق السريعة قبل التقديم على الامتحان مع شخص مجاز).
-
شباب اني عندي سؤال, اني بألنسبة اليه ما عندي اجازة سوق يعني اني مو قديم بألسياقة بس عندي شهادة مال السوق من مكتب ميسلون يعني هايه هم تاكل عدهم لو هيجي كلاوات.
مشكورين على الرد.
اخوكم جاي جاي.