ankawa

منتدى الهجرة واللجوء => الهجرة و واللاجئين => الموضوع حرر بواسطة: الامل الضائع في 07:44 09/08/2009

العنوان: جماعة الsiv اريد الغي الكيس مالتي
أرسل بواسطة: الامل الضائع في 07:44 09/08/2009

اخوان اكيد تتذكروني لان اني خبصتكم وياي
فكرت وقررت ان الغي الكيس مال ال siv مالتي لان صار لي 8 اشهر ابحر الظلمات واقدم من جديد بس مو من البداية من مرحلة انه ادز اوراقي بالDHL انتو شنو رايكم اخوان

العنوان: رد: جماعة الsiv اريد الغي الكيس مالتي
أرسل بواسطة: storm2 في 07:55 09/08/2009

الله يساعدك معقولة اخوية صارلك 8 اشهر على العموم انت وين بالعراق يعني زين انت على يا برنامج اس اي في 5000 لو غيره ممكن دكلي حتى اكدر اجاوبك


تحياتي

العنوان: رد: جماعة الsiv اريد الغي الكيس مالتي
أرسل بواسطة: Ross son of iraq في 09:53 09/08/2009

لا اخوية ليش تلغي الكيس مالتك, بالعكس دزلهم فد استفسار من هذا الزين المرتب وانصحك اذا تعرف اي شص امريكي خلي هوة ايراسلهم ويغسلهم غسلة من هاي الزينة, وان شاء الله يجيك رد بيه خير ترة بحر الظلمات بعد مرحلتة متاخذ وقت طويل مثل قبل هسة بحر الظلمات عبارة عن شهر واحد, اني بقيت شهر واحد ابحر الظلمات وحددولي موعد بالسفارة وان شاء الله اقابل يوم 26 من الشهر الحالي. فأنت اتوكل على الله ودزلهم استفسار. واني حاضر لآي مساعدة تحتاجهة.

العنوان: رد: جماعة الsiv اريد الغي الكيس مالتي
أرسل بواسطة: storm2 في 09:56 09/08/2009

اني اتفق وية روز وكلامة صحيح لاتستعجل اني وصلني الرد من عدهم خلال 13 يوم ومقابلتي 8 بالشهر المقبل

العنوان: رد: جماعة الsiv اريد الغي الكيس مالتي
أرسل بواسطة: ShadowMan في 10:25 09/08/2009

اخي العزيز ماكو داعي لليأس انت بس دز ايميل واستفسر عن حالتك وهم ما ايطولون مثل قبل وان شاء الله تمشي امورك على خير.......

وهذا العنوان: NVCSIV@state.gov

ودزلهم هذا الحجي

Dear Sir/Madam

,
 
I would like  to check my case status, I don't knew if I miss any of my documents or every things is ok with my case.your assistance is really high appreciated.
 
 
 
 
 
Respectfully,

وان شاء الله ايصير خير بس مو تنسى عنوان الرسالة لازم ايكون رقم الكيس نمبر مالتك يعني BGH2xxxxx

اخوك ابو يوسف[/size]

العنوان: رد: جماعة الsiv اريد الغي الكيس مالتي
أرسل بواسطة: عيني بغداد في 11:44 09/08/2009

السلام عليكم

شنو الفائدة من الغاء الكيس؟
أنت صبرت كل هذي الفترة أنتظر شويه فوكاها.

أذا تكدر تخلي محامي هناك يتصل بيهم يكون تأثيره أكبر عليهم.

تقبل مروري

عيني بغداد

العنوان: رد: جماعة الsiv اريد الغي الكيس مالتي
أرسل بواسطة: ayoka في 12:44 09/08/2009

ماكو داعي اضيف شي لان الاخوان ما قصرو بس انت دز استفسار لان يجوز هما عدهم نقص بالاوراق وخابر على الان في سي واستفسر عن طريق البداله مالتهم اكيد اكو اشكال بالموضوع تقبل مروري

العنوان: رد: جماعة الsiv اريد الغي الكيس مالتي
أرسل بواسطة: vincenzo في 18:02 09/08/2009

اني بصراحه كلشي ما افتهمت من هالموضوع غير انه واحد مقدم عالهجرة ومعاملته طولت وحسب حساباته وشاف انه هالشغله متصرفله
وهذا قرار شخصي ميصير الاخرين يدخلون بيه
لان الاخ اتخذ القرار وهاي ثاني مره يكتب نفس السالفة

اخوية ميحك جلدك اللا اضفر اصبعك (هذا مثل عراقي)
وكل لشه تتعلك من كراعهه (وهذا مثل ثاني ومعناه انه كل انسان يتحمل تبعات اتخاذه للقرارات المصيرية)
ولتخطو خطوة مابيهه طريق رجعه (حتى لتضيع المشيتين)
وحاول تراسل اخواننه siv2007 وسبع صنايع وهمه يحجولك عالتاخير المعدل