ankawa
منتدى الهجرة واللجوء => الهجرة و واللاجئين => الموضوع حرر بواسطة: UN في 14:41 09/08/2009
-
شباب تعرفون شي اني كل يوم افكر انو اسافر لو لا ارجع للعراق لو انتظر الامم المتحدة لو ابقا بسوريا ........
بس المشكلة ماكو جواب والحل؟
امريكا مو سهلة والعراق مو سهل وسوريا مو سهلة والخيارات صعبة على الكل بس احنة دنقنع روحنا بكل شي .
طبعا هذا من شيم العراقيين الصبر والتحمل بس الى متى انظل نتحمل واللة اني دا انتظر اليوان وجنت مققر
ارجع البغداد هل ايام بس قررت ابقة انتظر ؟
شباب ضوجتكم وياية بس واللة اني ضايج ودا اكتب الكم لان انتو المتنفس الوحيد النة واللة يحميكم ..............ز
اخوكم محمد ابو روان
-
اخي العزيز اصبر والله كريم, وانشاء الله يجي الفرج وتسافر لاي دوله احسن من العراق وترتاح انت وعائلتك.
-
اخوية العزيز ما عليك الا بالصبر وبين ساعة وساعة فرج والله يسهلها عليك واى مكان تروح غير العراق افضل الك ولمستقبلك ولو تعرف شكو عندى مصائب انى تهون عليك مشكلتك نصيحتى الك اخى انتضر والله كريم وشكرا
-
اخوية العزيز انته ليش تدوخ نفسك شنو الي الله قاسمه الك يصير وانته حاليا معندك وسيلة غير الصبر
واكو مثل عراقي يكول كل تأخيره وبيه خيرة والله اعلم
-
اخوية كل حجيك صح و الله يساعدك بس انت سائل على ملفك وين صار ووين وصل لو هيجي بس دتنتظر يعني اني اكول هو لعمر ديضيع بس الواحد من يظل ينتظر على شي يسوة الانتظار و لازم تعرف ملفك وين صار و اذا ماكو شي على الملف لا سامح الله فحتى تعرف تقرر و تتصرف
تحياتي
-
اخوية الله يساعدك ودا احس بمعاناتك لانه احنة هم عانينية مثلك لمدة سنة وشهرين ويومية نفكر نرجع وبعدين نكول لا خلينة بالاردن هذه فرصة مال امريكاا... العراق راح وخلي نتحمل ونصبر والحمد لله والشكر بليله ويوم خابرونة وحددولنة موعد السفر
وصدك من جينة كلنة الحمد لله والشكر مرجعنة لبغداد وخسرنة كل شي .. صح الى هسه ماكو شغل زين بس الحمد لله والشكر فرق بين السماا والارض بين امريكا وعمااان من كل النواحي واهم شي احترام الانسان والنظافة والترتيب والنظام .... بس اهم شي الصبر
يعني لا تتوقعون اول فترة سهلة بامريكا يعني مثلا احنة 3 اشهر مكدرنة نأجر شقة لآنه ما عدنة كردت هستري وكفيلنة رفضوه ومكدر يصير كوساينر والله رضينة بكل شي بس بعدين في احد الايام ولد عراقي الله ينطيه دلانة على شقة والحمد لله اجرنااه باحسن منطقة وبسعر كلش زين ونظيفة فمعنى كلامي انه لازم صبر اول شي بالاردن وبعدين اول فترة بامريكاااا
وان شاء الله خير للجميع
-
والله ياعمي كلامك صحيح ... كل الدول الوضع بيها صعب جدا ولا راحه في الدنيا
استخير واتوكل على الله لان متعرف شلون رح تصير بغداد
حكومتنه الرشيده رجعتنه 200 سنة ليوره
-
يا اخي يا un
اني اكول احنا اتبهدلنا كل هذه السنين وجربنا كل هذه الدول بما فيها العراق
ليش ما نحاول كلتنا نبدي من جديد بامريكا ودائما رب العالمين ما ينسى عبده وانشاالله الكل تكعد وتستقر
ومثل ما كال اخونا ابو راشد ترى حكومتنا الرشيدة رجعتنا 200 سنه الى الوراء
فاتوكل يا اخي واصبر وانشاالله تتحقق كل امانيك واماني كل الناس الطيبة اللي صبرت
تمنياتي بالخير للجميع
أبو أيمن - عمان
-
يعني بالنسبه للختيار
لو اني ابمكانك انتظر جية امريكا لانوا مهما صار امريكا افضل واذا تريد الاولويات بالنسبه الىى
امريكا العراف القاهره سوريا عمان
طبعا صحيح امريكا وضعه صعب اقتصاديا بس مشاكلك بس تلكي شغل تنحل و تكدر تعيش حياة طبيعيه مثل العالم والناس
يعني بالبدايه تلكيلك اي شغله لتغطية مصاريفك وبعده اتشوف طريقة لتطوير نفسك هو الموضوع بالحجي سهل بس بالتعب كلشي يجي احسن من ظيم دول الجوار
-
اخي العزيز ، انتظر كلنة مرينة في هاي الحالات والظروف الصعبة والعصيبة ، وتفرج علجميع وتسافر وتنسة هاي الايام ، لتصدك اكو احد مرتاح بس اكو شي احسن من شي واللة كريم
-
اخوية العزيز رب العالمين ينطي على النيات وصدكني كلنا مرينة بهذا الانتضار ونعرف شنو من انتضار قاتل
بس صدكني بعد الانتضار ويتحدد الك موعد سفر رح ترتاح نفسيا وتبدي اتفكر بحياتج الجديدة يارب الله ايهنيك ويسعدك اكثر واكثر يارب ويفرجهة عليك ويفتحها من جميع ابوابة بوجهك
اخوك جوزيف
-
الصبر مفتاح الفرج اصبر يااخي مثل ماقالو الاخوه والاخوات والله يفرجها عليك وعلينا انشالله