ankawa
منتدى الهجرة واللجوء => الهجرة و واللاجئين => الموضوع حرر بواسطة: سيف الاعور في 19:45 09/08/2009
-
السلام عليكم
هل بامكان اي مواطن امريكي السفر مباشرتا" الى العراق ؟
وشكرا"
-
زين ليش مستعجل يعني الامريكي كاعد بالمطار دينتظر الجواب هذا هسه ههههههه حبي شوف اني الي اعرفه بانه من يوصل المطار بغداد يدكوله فيزا بالجواز بس ما اعرف هسه اتغيرت لو لا ؟ لو اله يجيب الفيزا من السفاره العراقيه ؟ بعد ما اعرف بس تعرف هسه الاجانب مو مثل قبل بكيفهم طابين طالعين كله فيزا ودنيا بس على الاكثر الفيزا يدكوها اله بالمطار او الحدود البريه
-
السلام عليكم
لا يمكن لاي مواطن مهما كان وان كان عراقي ومتجنس باي جنسية الا ان ياخذ فيزة من السفارة يلا يكدر يروح (للعراق الجديد الديمقراطي التعددي الفدرالي ) على كولة حكومة هلوقت ....
بس اذا كان الاصل عراقي فالفيزة تطلع خلال يوم واحد او ساعتين من السفارة ( طبعا هذا اللي اعرفه بالاردن ) او يحق لك دخول العراق من غير فيزة عن طريق اربيل
وغير هذا لا حاليا على الاقل وبموجب التعليمات
أبو أيمن - عمان
-
اخي العزيز ابو ايمن اني شفت كدامي بالحدود السوريه العراقيه ناس جايين من سوريا وجوازاتهم اجنبيه الي منهم امريكي وسويدي وهولندي الى اخره انطوهم فيزا بالحدود يسوون مثل المعامله بس ما سالت شكد رسم الدخول للعراق بس كلهم ياخذون منهم 5000 دينار ما عدا رسم الدخول وهاي من يجوون الامريكان يوكفون فوك راسهم محد يكدر ياخذ :D
-
عالسريع محد يجاوبك لان خطر ... بس اذا طلعت عالقناة بيها مجال نسولف
حبيبي اللي اعرفه انو العراق الجديد يسمح بدخول كافة الجنسيات حتى اللي ابالك
بس يدكوله فيزا بالمطار يمكن عشرة اوخمسطعش دولار
تحياتي لك
ابو راشد
-
الاخ سيف الاعور بالنسبة الك لازم تاخذ فيزة اذا كنت تحمل جواز امريكي بس واذا كان عندك جواز سفر عراقي قديم مع المستمسكات مثل الهويه الاحوال وشهادة الجنسية العراقية تحصل على الفيزة بنفس اليوم من السفارة العراقية من الاردن اما عن طريق سوريا اذا كنت ناوي اتروح عن طريق البر تكدر اتحصل على فيزة اضطرارية بمبلغ 100 دولار عن طريق البر بس عن طريق الطائرة نفس الحجي مال عمان اوكي عيني
اخوك
القرش الاسود
-
شكرا جزيلا" على كل الردود الجميله واني اقصد اخواني الاعزاء عندي مواطن امريكي يريد يجي للعراق مباشره لا عمان ولا سوريه ولا تركيه يعني اكو خط سفر الى العراق وحسب مسمعت انه نزلت طياره جايه من امريكا بمطار النجف بس الاخ ابو ايمن طرق موضوع مطار اربيل وبهاي الحاله يكدر هذا المواطن الامريكي يجي راس" للعراق العظيم الكونفدرالي الفدرالي التعددي الحر والخ وااله يوفقكم وشكرا" مره ثانيه
-
لا اخي حاليا ماكو رحلات دايركت او غير دايركت من امريكا الى للعراق قد يكون بالمستقبل واذا اكوا طياره نزلت بمطار النجف فاعتقد شغله اعلاميه لا اكثر
-
حبي الله يخليك هم سيف وهم اعور هسه لو مسويه سيف مثلوم سيف مزنجر هاي شويه بيه باب وجواب فدوه اروحلك وين لكيت هذا الاسم
حبي شوف مايدخل العراق اي جنسية اخرى اذا مايسوي فيزا دخول العراق هذا هوا الحجي المضبوط
وبالنسبة للمطارات الي تشتغل في العراق مطار بغداد يستقبل رحلات دوليه مطار لبصرة داخليه ومرات الى ايران مطار النجف ولا طيارة ماعدى قبل فتره طيارة المالكي جابت عراقين اعتقد من مصر اما مطار اربيل هذا هم بيه رحلات دوليه وداخلية
واعذرنه من التقصير
-
:) ليش ما يروح بالطيارة لكوردستان ومن هناك لبغداد بالطيارة . خصوصا انو انو طيارة طلعت من سليمانية لبغداد تدري وين حطت ؟؟ ;D بالكووووووويت ;) اي صدكوا هو يروح يزورله كم دوله يعتبرها ترانزيت ::)ويوصل بالسلامة لبغداد . :) لالا صدك اخونا اني الي اعرفه فيزا لازم وما ادري شغلة المباشر لبغداد .. تحياتي الكم
-
شكرا" مره اخرى والله يوفقكم ويفتح الحدود بوجهكم