ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 21:08 09/08/2009
-
الاخوان اعضاء المنتدى
السلام عليكم
لطالما طرحت تجارب الاخوة الاعضاء من كل النواحي التي مرو بها منذ بدايه المقابلات الى الوصول لامريكا وشرح الحياة هناك بتفاصيلها
ولكن هناك نوضوع اجد فيه ضعف الكتابه او قله الاراء المفيدة
ولكي نجعل من هذا المنتدى منتدى عملي وليس منتدى طرح تجارب فقط
فارتايت ان اطرح هذا الموضوع
قبل يومين طرحت موضوع معاناة القادمين الجدد مع المنضمات
واليوم اشاهد معاناة يندى لها الجبين حيت ترك احد الاخوان في المطار من قبل المنضمه ( حسبي الله ونعم الوكيل )
اخوان لو نضع انفسنا مكانه ماذا فعل عمليا ونحن اصحاب عوائل
لذا ارجو من الجميع بدون استثناء المشاركه وخاصه الاخوان الذين هم متواجدون في امريكا باعطاء حلول فعليه تستطيع كل من يصل الى امريكا ان يتعامل معها اذا واجه منضمه لاتلتزمه
لذا ارجو طرح مشاكل الوافدين مع المنضمات وكذالك الحلول اقول الحلول اي مذا نفعل اذا واجهنا كذا وكذا واين نذهب وبمن نتصل وكيف ناخذ حقنا
اسف للاطاله ولكن من وجه نضري انه موضوع مهم ويجب التركيز عليه اكثر من الكرين كارت او الجواز او الفود ستام وغيرها والتي من الممكن ان تحصل عليها بمرور الزمن بس الصعب هو الصدمه اثناء الوصول وبالليل وانت لاتعلم اي شئ عن هذة الولايه حتى وان قرائت عنها ايام
تحيااتي للجميع
-
يعني هذا التعاون المثمر بين الأعضاء وتقول نريد نسوي المنتدى عملي؟
عجيب اخويا هذا الكلام
الأخت انجي ما قصرت مع الأخ مهاجر المتورط في فندق في بوسطن
وهذا اعتقد أكبر انجاز نقدر نقدمه له
شنو ممكن نسوي اكثر من هذا؟
احنا لا حكومات ولا احزاب ولا عدنا تمويل
ومن جانب آخر
انا قبل اسبوعين تقريبا ً طرحت موضوع ماليزيا
وكنت اريد أحرك الرأي العام
كلشي ما صار
وكنت اتمنى أن ما نترك موضوع لاجئين ماليزيا مالم يتم التوصل لحل
لخاطر الأخ أبو الحسن والأخت مظلومة سوادي
ما قدرنا نسوي شي ولا نتصل بأي مسؤول سواء في البرلمان العراقي أو الخارجية العراقية أو ايصال صوتنا لمكتب الأمم المتحدة جنيف
احنا ناس بسطاء ودانحاول ان نساعد بعضنا باللي نقدر عليه
وما اعتقد لو كان لدينا أي امكانيات أخرى راح نقصر بيها
انا شفت اكثر من مشكلة ومعضلة تم ايجاد حلول لها من خلال المنتدى
وحتى مشاكل ايجاد كفيل هم لقت طريقها
والجدير بالذكر الأخ بيرج اشلون كفل الأخت نانا
وهكذا
هل كل هذا التعاون المثمر وبعد تريد؟؟
يا ريت كنت مقدم اقتراحات حتى ندرسها ونشوف اشلون نقدر نتصرف على ضوءها
مع خالص احترامي وتقديري لك
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثاني من السنة الخامسة انتظارا
-
اخي الغالي مع كامل احترامي لموضوعك ورد الاخت ام يلدا.....
اخي لو اي شخص تنسى المنظمة بالمطار يكدر يتصل على رقم الطوارئ الموجود عنده بالهوية التعطى لكل المسافرين مع الاي او ام و يوجد رقم طوارئ مخصص الهيج حالات و كلش طبيعي تصير هيج حالات و يجون عليه و تنحل هيج شغله ......لان الصراحة راي بس بهيج شغلة مو صعبة جدا لان الانسان لازم تكون عنده سرعة بديهية و يعرف يتصرف بهيج مواقف....
تقبل مروري
اخوك ابو داليا من تكساس
-
الاخت المخضرمه
انا اول الشاكرين والممنونين للاخت انجي وللاخ بيرج وللاخ تايكر ولكثير من الاخوان الذين حلو مشاكل كثيرة للاخوان الواصلين واسف اذا نسيت بعض الاسماء وكذلك الاخ عكعك الذي يساعد الاخوان بطريقه عمليه ومفيدة
راح اتكلم عامي وياج
الي يوصل ويواجه مشكله لازم ينتضر الى ان يحصل انترنت ويكتب وينتضر الاخوان الاعزاء يردون عليه ويساعدو
مو هذا القصد راح انطيج مثل بسيط
الاخ عكعك كتب موضوع جدا مهم وهو اسئله وملخص للمقابلات الثلاثه يعني هسه الي يريد يقابل يراجع موضوع الاخ عكعك ويدرسه وشوف 90% من الاسئله الي انسال بيها بالمقابلات هيه نفسها الي كاتبها الاخ عكعك
وهذة هيه الفائدة
اهنا الي اقصدة بمثل بسيط هو
اذا واحد وصل والمنضمه سوت ويا هذا العمل ( عافو بالمطار ) شراح يسوي مثلا اكو ارقام تلفونات يتصل بيها وكو شخص معين مسؤل عن المنضمات ممكن يتصل بي بنفس اللحضه حتى يحل الموضوع ومن هذا
اعتقد الشرح واضح يااخت مخضرمه مايحتاج الى قوى وحكومات مثل ماتفضلتي
ابسط اكثر
اذا واحد صادف فد مشكله سراح يسوي
تنذكر هجي صار وياك هجي المفروض تتعامل مع الموقف
مو انتضر 2 على مااكتب بالمنتدى وانا كاعد ابفندق وفلوسي خلصت
بالنسبه لماليزيا
انا كنت هناك شفت مابيها اي فائدة رجعت لاحدى دول الجوار
لان ماليزيا تنطي بس اقامه اذا كان عندج محل نت او مطعم او تجارة غيرها ماكو اي فائدة من ماليزيا حتى اذا تردين تشترين شقه لازم المبلغ على مااذكر اكثر من 500000 رنكت
للتوضيح فقط
-
اخوان بس اريد اعرف شي هو الواحد قبل ليسافر مو المفروض يعرف عنوان البيت اللي راح يسكن بي لو اني غلطان لو مو الكل لازم يعرفون ؟؟؟يا ريت اللي مسافرين يجاوبونة حتى لنمر بهيج حالة
تحياتي لكاتب الموضوع و لكل المشاركين
-
اللجنة الامريكية للتميز العنصري هاي كلش مهمة احتفظ بارقامها تفيد لهواي اشياء حتى التفرقة بالعمل او باي مكان تحس انه احد اعتدى عليك من ناحية الدين او اي تميز كان
هاتف بدالة 1313 هاتف 5811201 تفيد لكل الولايات مو بس مشكن
المجلس العربي والكلداني هذول راح يتصلون بالمنظمة الي بولايتك
هاتف بدالة 1248 هاتف 5591991 كلهم يحجون عربي حتى لا تحير بالغة
اخي ماجك هذة الارقام تفيد الكم لو لا سامح اللة صار اي موقف وياكم مثل موضوع اخونا المهاجر او اثناء العمل او اي مكان او اي ظرف كان فقط اتصلوا بهذة الارقام وهم سوف يقومون بالازم على اسرع وقت
-
و الله انجي بعد منعرف شلون نشكرج حتى كلمات الشكر خلصت بارك الله بيج
-
تسلمين اختي العزيزة انجي
هذا بالضبط الي كنت اقصدة
هج ارقام تفيد ومن المفروض الكل مسجلها
عاشت ايدج
شكرا لمرورك
-
الاخوان العزيزان
ماجلان
john85
شكرا جزيلا لمروركم ولابداء الرائي
تحياتي
-
أخي MAGGIC
اني نصيحتي لكل اللاجئين هو شئ واحد
أنه بعد تحديد الولاية له يطلب منهم اسم المنظمة اللي كافلته ورقم هاتفها ليعمل شيئن:
- أن يتصل بهم وهو في بلده ليستفهم منهم ألمساعدات والراتب المخصص له .
- أنه إذا حدثت له أي مشكله في المطارات الامريكية أو في اي مكان يتصل بهم وأكيد كل المنظمات لديهم موظفين يتكلمون العربية.
ولتتردد ان تتصل بأي منظمة حتى لو لم تكن المنظمة المسؤله عنك لحل الاشكال بأسرع طريقة.
واني انشالله اكتب اسماء وارقام جميع المنظمات في سان دييغو.
-
والله انجي ورده ومتقصر .... ام الوكفات انتي .....بارك الله بيج
-
شكرا للاخ ماجك على طرح الموضوع لان فعلا دخنا من سمعنا بهيج حاله والمفروض واحد يتحسب لاي احتمال
والشكر الاكبر للاخت انجي الي دائما تنطي الحل المنطقي ومشاركتها بشكل فاعل بعيد عن التهكم والتجريح والتصنيف والكلمه الطيبه صدقه...
تسلمين اخت انجي والله يفتحها دائما بوجهج مثل مادتسهلين الامور للناس
اختكم ريم
-
اخي العزيز غسان الاشقر
تسلم ياورد وهذا الي اريدة لمساعدة الكل مثل عناوين وارقام حتى لو بولايتك
ومقدما عاشت ايدك وتسلم ياورد
تقبل تحياتي
-
والله يا اخت اينجي حتى بعد مدا اعرف اشون اشكرج بالله الكريم
بس الي اكولة الله ايسعدج بحياتج يارب وتتوفقين بحياتج العملية والعلمية ويحرسج من كل شر على كل هذة المساعدات ووكفاتج مننساها ابد
-
الاخت العزيزة ريم عبد
شكرا جزيلا لمرورك الطيب ولكلمات المعبرة
تقبلي تحياتي
-
بالتاكيد موضوع مهم لانوا الاهم من التحضير النفسي لازم اللاجئ يكون عنده بعض الاحتياطات الي يقوم بيه والي اعتقد من اهمه هي
ياخذ اسم المنظمه وعنوانه لانوا اغلبية الحالات مينطون عنوان السكن المقرر للاجئ بس بالتاكيد عنوان المنظمه يكون موجود لانوا بحالة اذا ماجوا للمطار و الوصول يكون الصبح على الاقل يكدر ياخذ تكسي لعنوان المنظمه وهاي بسيطه و الشيئ الثاني انوا يحط ويا مبلغ وان كان صغير للطوارئ لان اكو الكثير من الاخوه من وره السكن بدول الجوار الله لا ينطيهم العافيه لغفوا الاول والتالي من عدنا
ارقام التلفونات للمنظمه ورقم الطوارئ و جميع الارقام المتعلقه بالموضوع مهما توقع احد انهه تافه بالتاكيد ممكن يحتاجه
واكو شغله مهمه للاخوان الي انكليزيتهم ضعيفه شويه يسويله فد 10 - 15 سؤال بالعربي و يطرححها هنا واحنا انترجمه و تكون مرجع للاجئين يعني مثلا جملة اني لاجئ عراقي و دا انتظر موظف من المنظمه الفلانيه علمود ياخذني للبيت ,, او اريد تكسي ياخذني لهذا العنوان و بعض الاسئله الي ممكن يستفاد منه اللجئ
الكيس نمبر طبعا كلش مهم علمود اللاجئ عن طريقه يدخلون على الفايل مالته لانوا بالبدايه لا اكو سوشيال و لا ايدي
واتمنى من الاخوان االلجئين الجدد ما يصير عدهم خجل او تردد انوا يسالون بالمطار اول ميوصولن وميضيعون وكت اذا حسوا انو اكو شي غلط او ما اكو احد من المنظمه موجود وهاي فرصه اكللكم شنو صار ويايه اني لم وصلت لنيوهامشر جان الوكت متاخر و ملكيت اي احد من المنظمه موجود ومعرفت شسوي و سالت منا منا
وسبحان الله لكيت موظف سوداني ما شاء الله عليه شطوله جنا ,, المهم سالته كلتله هيج السالفه كال انى جنت لاجئ و اجيت على نفس منظمتك و طلع عنده رقم تلفونهم و فعلا خابرهم واجوني بعد ساعه لانو ا مجانوا يدرون اني راح اجي بهذا اليووم عبالهم راح ابات بنويورك بالفندق واوصل ثاني يوم
-
اخي العزيز hussein5582
شكرا جزيلا لتوضيحك عن الذي حدث معك اثناء الوصول
وشكرا للموضوعات التي طرحتها والطرق لحل الاشكال اذا صادف اي اشكال اثناء الوصول
واتمنى ان انحضر الاسئله الي من الممكن يستفاد منها الاجئ الي مايعرف انكليزي
شكرا لمرورك
-
شكرا لجميع الاخوة الذين شاركو او قدمو ارائهم في الموضوع لخدمة اهلهم العراقيين
ابو فهمي
-
بالبداية احب ان اسلم على كل الاعضاء ثاني شغلة الله يساعد اخونة الي عافو بالمطار لكن احب اوضحلكم شي اني سلموني جنطي بالمطار بمطار نيويورك وعندي 8 جنط ثكاااااااااااااااااااااااااااااااااااال الي صار بينة ماكو ولا بشر يساعدك تخيل اني جهالي واحد 3 سنوات او واحد 5 سنوات دفعو عربانة تكسر الظهر بيهة 3 جنط دفعوهة وحدهم وكل الي ديشوفهم محد مد ايدة يعني بهذلة انكسر ضهرنة اما بمطار شيكاغو نركض بالمطار وحدنة والحالة الثانية المنظمة المسؤلة عنة مو بس تعبانة كاتلهة الفكر والتعب لا تبرع ولا شي ولا يدلوك ولا ابد لو لا احنة نعرف ناس عراقيين همة الي ساعدونة فيا اخوان صدكوني هية البهذلة مو بس عافوك بالمطار بس البهذلة حطوك ابيت تخيل ومسواك مال كم يوم وشمروك ومحد يسال عنك يعني ما احجيلكم اول يوم الانسان يلوم نفسة الف مرة لان سافر بس بعدهة وبمساعدة الطيبين الانسان يحس بالامان ويارب محد يحتار وتنفتح بوجه الكل اختكم درة( سانت لويس )
-
شكرا لك اخ ماجك على هذا الموضوع والمقترح الله يبارك بيك وشكرا لكل من ساهم بنصيحه ومقترح مفيد
اتمنالك التوفيق والنجاح
تحياتي
-
شكرا لك اخي ماجك على الموضوع وروح المساعدة التي لديك .. صدقني يا اخي لم اجد افضل من اخواننا الاعضاء ابتداءا من اخونا عكعك واخونا نازكول (زيد ) الذي يغيب عنا بسبب انشغاله واختنا المبدعة انجي واخوانا ابو انس .. ولو اردت كتابة كل الاسماء لتعبت من الكتابه لانهم كثيرون وكلهم يحبون المساعدة ومجربون .. بالفعل انا في هذا المنتدى احس اني وسط عائلتي ..
تحياتي للجميع
-
موضوع مهم
والف شكر لكل الاخوة والاخوات
الي طرحوا حلول وافكار
والي بالامكان الاستفادة منها
بارك الله فيكم جميعا
-
بارك الله بيج يا إنجي الوردة
-
الاخت العزيزة درة
شكرا جزيلا لمرورك
وان شاء الله الله يعوض التعب الي تعبتي بخير ويسر امرك
وتتوفقين بالحياة والدوله الجديدة
تقبلي تحياتي
-
الاخ العزيز ماجلان
الاخ العزيز good sniper
الاخ العزيز عكعك التطوى
الاخ العزيز ذاكر ابو فابيان
كلكم خير وبركه ومساعدة لكل اعضاء المنتدى وبارك الله بيكم
وشكرا لمروركم
تحياتي لكم
-
الاخوان الاعزاء
arch.s
يمتى الفرج
شكرا جزيلا لمروركم
تحياتي
-
اني هسة حددولي الولاية والمدينة صار اكثر من ثلاث شهور ايصير اكتبلهم اسالهم على المنظمة المسؤولة عني لو لا؟؟
علما انني انتظر الموافقة الامنية!!!!
ارجو الايضاح
-
بالتاكيد تكدر وتسالهكم عن ارقام التلفونات وتخليه يمك حتى من توصل تخابر على ابو المنضمه
وتتعارك وياه بس هيج بلايا سبب
لان احنا العراقيين انحب العركا ت
-
هذا الموضوع جدا مهم والله
تحياتي لكم جميعا وكل عام وانتم بالف خير
شكرا ريمه
لوما انتي ما اشوف هذا الموضوع المفيد
تحياتي
-
السلام عليكم
تسلمون ياذهب والله يا عمي انتو ابطال ومنعرف اشلون انجازيكم
بالنسبة اليه اني لحد الان ممقدم ومكمل كول اوراقي وما عندي اي نقص بيهن لكن ما اعرف اشلون اقدم على ال IOM
واكو مشكلة صغيرة انو ملفاتي صار حجمها تقريبا 8 ميكا بايت واميل الا IOM ميصير يندزله اكثر من 6 ميكا بايت وحاول بكل قواي وبخبرتي ما كدرت اسويهن اقل من الحجم الي هوه 8 ميكا
بس اني خايف ومتردد انو يجوز ال IOM راح يطلعون وقبل انسحاب الجيش وهاي الروايات الي تكول هيج
والوضع الامني بمنطقتي جاي يسيء يوم على اكثر من يوم لان اني بالعراق وبالجنوب همات وانتو اعرف بحالتي
وبنفس الوقت خايف انو اقدم وما يجيني IZ نمبر وحتى لو اجى المقابلة طبعا اذا فكروا يتصلون بيه باقل شي 8 اشهر او 6 اشهر
واني همات ما عندي امكانية مادية ان اسافر الى عمان لان اهناك وحسب ما تكولون اسرع من العراق , حيث انه لايوجد عندي احد اعرفه ولا اكو شغل اعيش نفسي بيه
يعني بين ما احصل على موعد المقابلة راح تكون ال اي او ام مختفية من العراق
اخواني اريد نصيحتكم اليه
كالاتي عملي السابق
US Army Interpreter
USA/ID Employer
Iraqi Company Support US Army and US Government
I have every thing related to my employment
الف شكر الكم
تحياتي
-
موضوع مهم ومفيد جدا والله
والف شكر لكل الاخوة والاخوات الي طرحوا حلول وافكار
والي بالامكان الاستفادة منها اذا مرت باي احد نفس الضروف
بارك الله فيكم جميعا
-
عمي هاي أنجي لازم تغير اسمها بعد وتختار اسم ذهب لو تسوي اسمها مركب ونصيحها أنجي الذهب ..... الله يفوقها للخير دائما ويجازيها بالاحسن على وكفاتها الطيبه .....
تحياتي
ابوبشير