ankawa
منتدى الهجرة واللجوء => الهجرة و واللاجئين => الموضوع حرر بواسطة: nana09 في 21:31 09/08/2009
-
اعزائي هذا الموقع
https://www.safelinkwireless.com/EnrollmentPublic/home.aspx
يوفر
•خط تلفون cell phone ببلاش مع جهاز طبعا لذوي الدخل المحدود
•بس بشرط تكون senior يعني مو للشباب
•و متكون مقدم على خدمة lifeline وية غير شركة قبل (بس بكل الاحوال انتو جربو والله كريم بلكي بيها استثناء)
•هذه الخدمة توفرلك دقائق مجانية وعدد الدقائق حسب الولاية الي انت بيها
•وبيه خدمة caller ID, call waiting and voicemail
•اما اذ خلص الرصيد المجاني مالتك ف بهذه الحالة تكدر تشتري كارد اسمة TracFone Airtime Cards من Walmart, Walgreens, Family Dollar, etc
•في حالة ما خلصتو الرصيد خلال 30 يوم راح يضيفو ع الشهر الجاي
•الولايات المشمولة بهذه الخدمة هي فقط :
Alabama, Connecticut, D. of Columbia, Delaware, Florida, Georgia, Massachusetts, Michigan, New Hampshire, New Jersey, New York, North Carolina, Ohio, Pennsylvania, Tennessee, Virginia, West Virginia and Wisconsin.
•وعن قريب راح يفتحون الخدمة للولايات :
Arizona, Ohio, Texas, Kentucky, Missouri, Puerto Rico, Illinois, Washington
•عملية التسجيل حتى تحصل ع الخدمة
تروحون على كلمة enroll وتكتبون ال zip code مال منطقتكم وتبدي تملي المعلومات عنك
ب الضغط على كلمة apply
•حتى تشحن الدقائق المجانية ( من يوصلك التلفون )
ترحون على كلمة Airtime وبعدين على add airtime
•اذا كنت مطفي تلفونك وماجتيلك دقائق مالتك ف هاي تعليمات شون توصلك
https://www.safelinkwireless.com/EnrollmentPublic/pending_min.aspx
•اي واحد يجربة خل يكتب عن خبرتة (وادعولي داالكى شغل )
-
تسلمين اختي نانا على هاي المبادرة عدها والدتي نفس البرنامج صحيح كل الي كتبتيه
-
الف شكر نانا على المعلومة المفيدة
وانشالله تلكين شغل مرتب بأسرع .
اني انشالله اسبوع الجاي راح اسافر لغير مدن بكاليفورنيا وادور على شغل.
مع التقدير
-
مشكورة و بارك الله بيج بس اني ذبوني على ساوث كارولاينا و مع الاسف مموجودة,
هاي من تجي الامنية مالتي بلكي يوصل السرة للولاية ههههه
-
يارب تلكين شغل واحسن شغل بعد وتتهنين بحياتج يارب ويحفضج من كل شر
اخوج جوزيف
-
مشكور اخويه ... تقبل تحياتي وتقديري
ابو راشد
-
الاخت nana09
مشكورة وبارك الله بيج
تقبلي مروري
-
الاخت AnGie
يعني ليش ضامة ع الموقع خليتيني اصفن ساعتين واحتار شون اكتب ب العربي هههه ;D ;D
واذا اكو معلومة ماذاكرتها اني ياريت تعلقين وشكرا
غسان هاي هي قررت الرحيل ؟؟؟ :'( :'(
اشو انت تخطط بلا ماعرف يعني انت شارعين قريب مني ومداالكفك منو انت ووين تروح
انشاء الله تتوفق ويو م ال الي اروح ل امريكا
اخويةعاشق تراب الوطن ولايهمك هسة اشوفلك شكو ب ساوث كارولاينا خدمات منو توصل تلكى عندك بيت وسيارة وموبيل وشغل ارتبها الك هههههه
-
عاشت ايدج اخت نانا على هذا المجهود وزين طرحتيه للاخوان حتى اتعم الفائده والله ايوفقج بشغل بالباكيت أ ن شاء الله .. وزين هيجي الي ماعنده شغل ايكوم ايبحوش ويلكي شغلات مال بلاش ايعممها للباقين
تسلمين اختكم ريم
-
•بس بشرط تكون senior يعني مو للشباب
اني البارحه قدمت لزوجتي على هذا الخط واني مكدرت لانوا مثل ما تفضلتي اني عندي خط كركت
بس مسالة الشباب ما اعتقد بكل اولايات مطلوبه لانوا اغلبية الشباب الي عدنا بتينيسي عدهم منه
و طبعا هي بيه مجموعه من الشروط و اي واحد متوفر عندك يمشي الحال و بالنسبه للاجئين الجدد اغلبيتهم متوفر بيهم شرط الفود ستام يعني تقدمون وانتوا مغمضين وكله مقبوله وبيه 80 دقيقه و لمدة سنه وبعده يتم التجديد اذا اي واحد من الشروط ينطبق
-
بارك الله بيج اختي العزيزه ويارب تتيسر كل امورك
-
ههههههههههه
هلو نانا
يعني انو مو هذاك اليوم قلت لك اني راح اشوف غير مدينه.وكلتيلي اذا اكو شغل اني هم اروح.
وبالنسبة اليه ما انشاف لان تعرفين اشقر وأخبل والكاهون كلهه سود ومكسيكان واخاف على نفسي.
ههههههههههههههههه
وانشالله اجيبلج اخبار زينه
-
شكرا اختي على المعلومات
الله يرتب كل امورك وان شاء الله تلقين عمل
سلام الله معك
اخوك يوجد امل
-
شكرا جزيلا اختي نانا
الولاية اللي راح اروحلها هي Illinois ,,, وهي من الولايات غير المشمولة ايضا ... ولكن من التي ستشمل عن قريب ... الله كريم منا لوكتها ... خلي نوصل بالاول ... ههههه
شلونك اخي غسان ؟؟؟ اشو ماكو اون لاين ؟؟؟؟ وعلى حجايتك مال الكهون ... صدك ديربالك من السود والمكسيكيين .. هههههههههه ;) ;)
تقبلوا مروري
Iron_man
-
اني هم اشقر
ماكو خدمه بولاية Baghdad؟؟؟؟ للشقران
-
هلو فنسنزو حبيبي
بما انه انته حاليا IOM فتحتاج تلفون مجاني وتخابر دولي على مصر.
بشرنه شوكت تقابل محلفين.ههههههههههههههههه
دا اتشاقه وياك والله لتزعل
-
اني ما اقابل محلسين حبيبي
وما اجي لكالاهونستان مدري سان ديكو مدري شسمهه
ولا اطلع اذا مو فيزتي بجيبي
وهاي شغلة مقابلات الاي او ام من تطلعلي بعد عمر طويل
فاذا بعدني ما مسافر فاروح اقابل مجرد فضول
ومن كد ما قريت مواضيع بهالمنتدى للمقابلات والاستعداد الهه من اخوتي واخواتي الاعضاء
بس كول بس لا جماعة الاس اي في ورى ما يدزولي الكوم ابروفال يكولولي بطل من الاي او ام يلله تستمر ويانه واني اريد العب عالحبلين ;D
الله كريم وميصح اللا الصحيح
-
السلام عليكم
شكرا على المعلومات القيمة.
أن شاء يوم نسمع حصولج على عمل
تحياتي
عيني بغداد
-
مشكوره اختي نانا على هذه المعلومات الله يبارك بك واتمنالك التوفيق والنجاح
-
شكرا اخي العزيز انشاءالله تنفتح بواشنطن ونستفاد
انشادالله تلكي شغل وتتسهل عليك مثل مدسهلها علينا
تقبل مروري
ساسي
-
مشكورة أختي نانا
و الله موضوع مفيد و مع تفاصيل حلوة
عاشت الأيادي
-
اخي العزيز Birji
ثانكيو كلش
اني مااتهمت الادارة :'(ابد بس جنت استفسر لان ماشفتة :o لا ب صفحة 2 او 3 صدقني و الكثير من الاصدقاء همين سالوني عن الموضوع ظنا انني حذفته !!!! وقلقت كلت ياستار خو ما نقلت شي ب الغلط :o :o
ودمت طيبا