ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو محمود في 21:36 09/08/2009
-
ابنائي الاعزاء
تحية طيبة ,
احب ان استفسر منكم في حالة استلام الموافقات الامنيه لجميع اعضاء الكيس الواحد الا فرد منهم , وفي حالة انتظار الجميع للفرد هل يعاد طلب الموافقات الامنية للكل بعد مرور سنه من مقابلة المحلفين ام يعاد فقط الفحص الطبي ؟؟
عمكم ابو محمود
-
اي نعم اخوية مع الاسف تنعاد الفحص الطبي على ما اضن وينعاد اكيد الامنية بعد مرور سنة على وصولها
اخوك جوزيف
-
حلوووووووووووووووووو
يعني هم بيها مقابلة وانتظار نتيجة محلف ولو يوافق لو ميوافق ومن هل مال حمل اجمال ...
هي هاي !!!!!!!!!!!!
عمك ابو محمود
-
ابو محمود الورد السلام عليكم
بالنسبه للموافقه الامنيه اكيد تنعاد بعد مرور سنه من تاريخ صدورها ولكن الاعاده تكون سريعه جدا اي روتين بسيط فقط ولا يأخذ وقت طويل ولايوجد فيها اي مقابله جديده للمحلفين
مع تمنياتي لك وللجميع بالموفقيه
الخالدي الاصيل
-
ابني العزيز الخالدي الاصيل
ممنون على ردك السريع ... والله ارتاحيت من عرفت انه راح ايصير شي روتيني , لانه ماذكر لااني ولا الحجية شنو جانت الاسئلة والاستفسارات مالت المحلف .... فأدعولنا الله ايسهل علينه وتطلع الموافقات كبل انتهاء السنه وربنا ايسهل وييسر ويفرج على الكل ...
مع جزيل الشكر والتقدير
عمك ابو محمود
-
اخويا ابو محمود
الفحص الطبي ينعاد بعد مرور سنة
والأمنية تنعاد بعد مرور سنة – بس ما تطول مثل أول مرة لكونك انت انطيت بصمات اصابيعك في لقاء المحلفين الأول
لكن
تنعاد مرة ثانية اخااااااااااف استجدت أمور عليك وعلى وضعك في البلد اللي انت عايش بيه
مثل سافرت طلعت رحت اجيت صارت لك مشكلة محكمة سجن.. الخ والله يحفظك
ولطالما كل هاي الأمور ما صارت لك والله يكفيك الشر
اذن تبقى مسألة روتينية تاخذ وقت أسابيع قليلة
بس تبقى المشكلة هو بالعدد
يعني لطالما عدد الطالبين موافقة امنية كثير راح تتأخر بسبب الضغط اللي صاير على الموظفين من عدد العراقيين المهاجرين
بكل الأحوال الموافقة الأمنية الثانية ما راح تأثر على قرار المحلف ولا راح تغيير أي شي
بس يسووها للتأكد مو أكثر
واتمنى أني اكون طمنتك ولا تقلق ان شاء الله خلال شهر الثامن تنحط النقاط على الحروف
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا
-
اوئيد كلام الاخ العزيز الخالدي الاصيل
-
زين اذا واحد من الكيس رجع لبغداد حياثر على الكل لو بس نفسه؟
-
حمودي بس نفسه بعد ما يفصلوا بربط ضعيف عن باقي الكيسات
-
حمودي بس نفسه بعد يفصلوا بربط ضعيف عن باقي الكيسات
عكوك شكرا على الرد
يعني اذا امي سافرت شيصير بموافقتها واني رابطها قوي ويايه؟
-
سلام عليكم
نعم تنعاد الموافقه الامنيه بعد مرور سنه من اخذ البصمات لاول مره اتصلت بالمنظمه قبل اسبوع للاستفسار وكالعاده بعدهه مواصله كتله يحفضك الله احنه صار اكثر من سنه كال اي الموافقه الامنيه انطلبت من جديد لمرور سنه عليه واحنه اخذو بصماتنه بمنتصف شهر 6/2008 يعني المفروض انطلبت من هل التاريخ بهل السنه يعني قبل شهرين وللان ماكو شي طبعاا احنه عائله مكونه من 6 اشخاص شخص واحد هو الي امنيته مخلصانه والباقين امنيتهم خلصانه من 8شهور وتاليه كله نعادت من جديد والفحوصات الطبيه ايضاا عدناهه بعد مرور سنه واربعة ايام من الفحص الاول وهاي تاليه صفت انتظار بنتظار
الموظف الي حجيت وياه كال والعهده عليه انو الموافقه الامنيه من تنطلب من جديد متطول مثل الاوالى
والله يوفق الجميع
-
نعم تنعاد مع كل الاسف وصارت وياي مرتين
-
حصل معي نفس الموضوع وبشهر الخامس صارت الموافقة الامنية اكسباير وهاي صارلي شهرين وعشر ايام بانتظارها ولا جديد.
بس عندي ملاحظة بصمات الاصابع مالها علاقة اخوان واللي يصير اكسباير موافقة يسموها الكلاسيك وهاي اول واسهل وحدة وعلى اثرها الموافقة الثانية واللي هي SAO هيه ام المشاكل والمهمة جدا بكل كيس
تقبلوا تحياتي
-
سلام عليكم
يمتى الفرج .... يمتى الفرج
ان اقصد بصمات الاصابع هيه بدايه التجيك الامني يعني من ياخذون البصمات باي تاريخ يبدي التجيك الامني
والله الموفق
-
اخي حمودي لازم والدتك هي تجي وتلغي الربط هاي الحالة مثل اختي من رجعت للعراق
اخي ابو حمحود ربي يوفقكم وانشاءاللة نسمع خبر سفركم عن قريب بالتوفيق اخي العزيز
-
كل هذه الاجراءات الها وقت بعدها تكون منتهية اكسباير
وهي نفسها عندنا بالعراق كانت يسموها صحيفة الجريمة وهنا بمصر يسموها الفيش والتشبيه
وكلها بعد مرور مدة معينة تكون منتهية
مع الشكر
-
هاي من تجي الموافقة بعد انتظار سنة تنعاد زين اذا مجتي اصلا شلون ...!!
-
هاي من تجي الموافقة بعد انتظار سنة تنعاد زين اذا مجتي اصلا شلون ...!!
متنعاد ;D
-
حمودي بس نفسه بعد يفصلوا بربط ضعيف عن باقي الكيسات
عكوك شكرا على الرد
يعني اذا امي سافرت شيصير بموافقتها واني رابطها قوي ويايه؟
اخويه حمودي يعني تقصد موافقتها الامنيه لان مفتهمت سؤالك وخصوصا تالي الليل شويه عقلي يثكل؟
بس ممكن يصير الفصل بالتلفون ليس شرط ان ان يحضر الشخص وطبعا الي من حقه يفصل هو صاحب الكيس فقط
-
اويلي علينا تاليها شلون مندري شباب واحد يدعي لنفسه خلي يدعي للكل بلكي الله يستجيب
تعبنا والله
-
أخوان بس حبيت أوضح شي الموافقة الامنية من تنعاد ماكو شي اسمه بسرعة، كلمن وحظه واكبر مثال انعادت لي قبل ستة اشهر والى الان مااااااااااااااااااكو شي
والله ما اريد اهبط معنوياتكم بس هذا اللي حصل معي علما" اني من المخضرمين مثل ما يعرف البعض
-
عزيزي يمتى الفرج
الفرج يجي يجي لا تقلق
بس أريد منك تروح تقرأ مشاركتي السابقة بهذا الموضوع
كانت لمه انا كنت بالأردن
وهسه انا في شيكاغو في بيتي السعيد الجديد
اشلون عبرت واشلون وصلت؟
غير اجاني الفرج من أوسع أبواب رحمة الله
انت هم أصبر ولا تقلق المعاملة حتى لو كانت بطيئة – هي جاي تمشي بس انت ما تدري
الصبح مفتاح الفرج
والصبر يصنع المعجزات
أختكم السعيدة بعد اربع سنوات واربع اشهر من طول الخضرمة في عمان – رمز للتحدي والصمود والصبر الطويل
أم يلدا - الاسبوع الثاني في شيكاغو
-
أختي العزيزة ام يلدا تحية طيبة
اني كنت متابع لحالتك وكنت اقول الله يساعدك والحمدلله الله حقق امنيتك وسافرتي ويارب تكون ايامك كلها سعيدة
شكرا" جزيلا" على دعواتك الحلوة
تقبلي مروري
-
أختي العزيزة ام يلدا تحية طيبة
عندي سوال هل راسلت احد اوتابعت موضوعك على اميل معين او مكان معين اذا اكو ياريت تعطينا العنوان لان ملينا الانتظار وشكرا
المتمني
-
السلام عليك ورحمة الله:- أخوان عندي سؤال واذا سافر الى امريكا عبر برنامج الهجر الخاصةsIV فهل من حقي بعد ان احصل على الكرين كارد ان اتزوج في العراق ومن ثم اسحب زوجتي معي قبل حصولي على الجنسية المريكية. الرجاء كل من لديه معلومات بهذا الخصوص ان يطلعنا عليها هذا ولكم الاجر انشاء الله :D