ankawa
منتدى الهجرة واللجوء => الهجرة و واللاجئين => الموضوع حرر بواسطة: arizona في 03:40 10/08/2009
-
تحياتي للجميع صارلي هسه شهر وجم يوم من وصلت اريزونا داتابع الموقع مال عنكاوه كل يوم وصدكوني يمكن كل نص ساعه اني وصلت هنا وكان معي بنفس الرحله الاخ موزارت وهو صديق قديم تحياتي اله هسه احجيلكم اولا للي ميصدك بس احنا هنا بامريكا عدنا جدول قطع مبرمج للكهرباء لانه كلش غاليه اني اشغل الكهرباء بشقتي من الساعه 12 الا الساعه 5 عصرا ومن التاسعه مساء الا الساعه 5 فجرا اغلب المدخنين هنا رجعوا يدخنونو جكاير لف واللي ميصدك راح ادز الصور مال التتن والورق وهي معروضه في اسواق الفود ستس ةالوولمارت اغلب اللي يجون تجيهم نصائح من اللي قبلهم وقصدي العراقيون القدماء انو ميختلطون هوايه وميكونون لاعلاقات مع اي عراقي تدرون ليش حتا نبقا علا عمانا واغلب الواصلين ياغذون معلوماتهم من هذا الموقع الحيات هنا اشبها بل الكاس النصف فارغ والنصف مملوء والمعنى واضح للي يكولون ماكو شغل هاي صحيحه ومو صحيحه لان اغلب اللي يجون يطبقون شعار اكل لعب نام يعني من الشقه للمنضمه للمسواك اي التسوق وبس تخيلو اكثر من ثمانيه عوائل في مجمع واعد واغلبهم واصلين حديثا محد ميحجي وي الاخر حتا سلام ماكو والله عللا ماقول شهيد وكلها من وره نصائح العراقيين القدماء تخيلو اول نصيحه اللي من عراقي قديم انو ماطاع ولدي بلليل لان اكو عصابات تخطف الاطفال وتبييع اعضائهم البشريه وهذا مثال بسيط وانت قيسوا المنضمات بصوره عامه تعبانه الخدمات والقانون هنا مو طبيعي زززززززززززززز يتبع
-
شوف اخي الكريم، اني ما افتهمت بالضبط كل ما تريد تگولة حضرتك، بس حبيت اوضح شغلة،
القدرة على التأقلم ومواجهة مصاعب البيئة الجديدة هي من اكبر المشاكل التي تواجه وستواجه المهاجر الجديد وفي الوقت الي نجد فيه اناس عراقيين لهم قدرة عالية على التأقلم بشكل مثير للانتباه الا انه هذه المرحلة لامناص منها، واذا اعتبرنا ان مورد الرزق الكافي هو عامل جد مهم في تطمين الشخص و التخفيف من حدة هذه المشكلة، فأن غيابه وغياب من يساعدك او يعضد عليك في وقت الشدة وبين الغرباء يفاقم من الازمة ويجعلك تشعر بانك وحيد وان الكل قد تخلى عنك حتى لو كنت تعيش في مدينة كبيرة من مليون نسمة.
لاتيأس ولا تتصور بان المسألة عضال لا خروج منها.وبكثرة ماتشاهد من امور معيبة لم تتوقعها ولم تتهيأ لها مادياً ولامعنوياً فاعلم ان هنالك اضعافاً من الامور الجيدة والمشرقة موجودة وكل ما عليك فعله هو تسلق السلم لكي تصلها. (ولا احد يدعي بان ذلك سيكون امراً سهلاً لكنه جدير بالمحاولة)
استعد لتبداً بداية جديدة وخذ المعلومات من مصادرها، وتخلى تدريجياً عن متوارثة "گالو ويگولون" (رغم انها قد تكون مفيدة احياناً لاخذ خيط الخبر فقط والتاكد منه بنفسك)
تمنياتي بالتوفيق للجميع
-
اخي العزيز الف الحمد الله على السلامه اولا, وسلامي لك وللعائله الكريمه
اخي اني اشوف انه الامور ماتوصل لهاي المرحله ولا تعتتبر كلامي تكذيب للي اتفضلت بيه معاذ الله لان انته صديق عزيز واحنه كنه نشتغل بنفس المكان, بس ياحبيبي يعني ولمرت اللي اتيه بيه وتدوخ من كثرة السلع و المواد تره ما اعتقد يعرض جكاير مزبن او تتن للف !! وايضا انته جان اختيارك اتروح لايريزونا مع العلم اني عندي اكثر من صديق عزيز مثلك بنفس الولايه وكلهم اكدو الوضع جيد , ثم الكهرباء انته تكدر اتسيطر عليهه بتنظيم الثرموستات مال التبريد على ال 77 وايكون البيت بارد وباقل الاستهلاك, يعني هو صحيح الكهرباء غاليه بس ماتوصل حد البرمجه!! وموضوع العراقيين اعتقد كل انسان عنده عقله وعيونه ويكدر ايحدد منو الزين ومنو المو زين, والله هيه الامور جيده للي جاي ايريد حياة جديده وكل شي اله ثمن, واني اتذكر انه انته كتلي انه انته ماحاب موضوع الهجره من اساسه من جنه بالمطار, فارجوك لاتبالغ وتخلي الاخوه بالمنتدى اللي همه اصلا تعبانين ودايخين بهيجي وضع, وذا انته اتشوف الوضع هالكد ماساوي وخطف جهال وماحد يحجي وياك فليش ماتلرجع للعراق على لاقل هيه هيه بالنسبه للكهرباء والوضع الامني, ارجو ان لاتزعل عليه ولا تاخذ حجيي بغير قصد لان انته تعلرف انته شكد عزيز عليه الله شاهد, واتمنالك الحياة المستقره سواء هنا بامريكا او بالعراق, وسلامي للعائله مره اخرى
-
اخي اني احد الناس الذين تم نصحي بعدم الاختلاط بالعراقيين، لكن، كل واحد عندة عقل ويعرف يتصرف، اني ما حجيت بهذا الموظوع في موقع عين كاوا لأنه شفت ماكو داعي احجي بهذا الموظوع، نصحوني بعدم الاختلاط في اي عراقي، واعطيكم قصة:
تعرفت على احد العراقيين في احد المطاعم، وهذا السيناريو:
هو: هل انتم عراقيين
نحن (انا وعائلتي): نعم
هو: كيف حالكم
نحن: زينين والحمد لله
هو: شوكت وصلتو
نحن: قبل شهر
هو: هااا، يعني انتو جدد هنا
نحن: اي جدد، وانت؟
هو: وصلت صارلي سنة وأبن عمي قفص علية واخذ مني دفتر حتى يكفلني
نحن: هاي شنو، يمعود ليش متشتكي علية؟
هو: ششتكي هوة امريكي واني لاجي، بالمناسبة ديرو بالكم من العراقيين، ترة بس مشاكل واذية وقيل وقال وحسد عيشة، اذا اشتغلت لتكول، ولتدلي عراقي باب بيتك ترة تبتلي
نحن: هاي شنو يعني قابل شراح ايسوولنة اهنا؟
هو: انتو وين ساكنين
نحن: في المنطقة الفلانية
هو: يمعودين اشعدكم كاعدين اهنا بالمنكطعة، دروحو شوفو المنطقة الفلتانية كلهة عراقيين وتخبل
نخن: انت مو كلت لا تختلطون وية عراقيين؟ شو هسة بدلت وتكول هاي منكطعة
هو: حصلتو شي من الجمعية؟
نحن: اي حصلنا مثل ما يحصل الباقين
هو: دير بالك تشتري سيارة، تعال علية اني اوديك للكنيسة نرتبلك فلم وتحصل سيارة بلاش، وأوديك للجامع تحصل مساعدات وفلوس
نحن: الله كريمن احنا هسة انروح وانشوفك بعدين
هو: عندك تلفون؟
نحن: (بصراحة ما ارتاحيتلة) لا
هو: لعد اخذ تلفوني، اكتبة وخاربني وتدلل، اني هاي كلهة لوجة الله
نحن: تسلم اشكرك
هو: ديربالك من المبشرين اهنا، ايحاولون ايسووك مسيحي
نحن: (وبنوع من الدعابة) يابة انت غير متحارش بيهم ورايح للكنيسة، اشوداك عليهم
هو: وداعتك لعبت بيهم طوبة، السيارة والاكل والشرب من الكنيسة، والجامع يدفع الايجار مالتي
نحن: بالعافية، يلله عيني احنة انروح وانشوفك بعدين مع السلامة
وبعد ايام قلائل تعرفنا على عائلة عراقية خوش ناس وأوادم
يعني حالك كما هو في بغداد اتشوف الزين والموزين، وعلى كولة المثل، عقلك ابراسك تعرف خلاصك
اعتذر عن الاطالة، اما موظوع القطع المبرمج فهاي اول مرة اسمع بيهة، الله يكون في العون، اما عن السكائر، فأذكرك بقول القائل:
أيام المزبن كضن، تكضن يا ايام اللف
انشالله الله يمكن الجميع على كل المشاكل
تحياتي
رائد
-
اخوي موزارت حياك الله والله العضيم مشتاقين اخوان اني ماريد اكول امور تهبط المعنويات واللي يقره موضوعي راح يشوف انو ذكرت بي انو ممكن نشوف امريكا من عده اوجه اللي يحز بنفسي انو العراقيين القدماء يحاولون ان يعزلون الواصلين الجدد يعني لانصائح ولا مساعدات معنويه اما عن الكهرباء فهاي حقيقه للي سكنين باريزونا واني زرت عده عوائل اللي توقفت عنها المساعدات وهذا شي مو عيب بل العكس دليل انو العراقي ممكن اما عن الاختلاط فموضوع الاخ رائد كفا ووفا يمكن عندي اخطاء املائيه عذروني ماعندي كيبورد اما عن سكائر اللف فراخ اخذ الكامره من صديق وراح اصورها وهذا شي عادي وقصدي من الموضوع انو نذطر الحقائق اللي ممكن غيرنا يخجل يكلها واني مستعد للمساعده الحياه احنا حلوه واذا الاخ موزارت يحب الشقروات شيكول هنا الجو صيف وكلها تعلاكات وكيمونات واخوان حتا لاتكلبون علي تره الحياه حلوه واكل مثل طبقه الافغان والصوماليين في امريكا وننتضر العراقيين يطبقوه والمثل يكول كوم التعاونت ماذالت مع العلم انو المثل كاعد نطبقه هنا بموقع عنكاوه ورجاء ماريدها تعلك وخلينا سبورتيه
-
رائد واشنطن
احلة سيناريو حوار ههههه مشكور