ankawa
منتدى الهجرة واللجوء => الهجرة و واللاجئين => الموضوع حرر بواسطة: لوتس في 08:00 10/08/2009
-
اخواني اجاني موعد سفر يوم 19 بهذا الشهر وطلبت تاجيل بس ماقبلوا بعدين ثاني يوم خابرروني من الاردن كالولي راح ناجل سفرتج الى يوم 23 طلبت منهم ان يكون السفر بداية شهر التاسع حتى ارتب اموري البنية اللي اتصلت بيه ماقبلت اول مرة بس بعدين كالت راح احاول بس كالتلي انه هي مامتاكدة انه يقبلون على التاجيل وكالت اني اخابرج وهذا يوم وذاك يوم , اخابر عليهم يطلع مشغول دزيتلهم اميل مايجاوبون .
ضليت محتارة بين يوم 19 ويوم 23 او التاريخ اللي طلبتة اني , شنو برايكم اللي المفروض اسويه ؟
زين سمعت من بعض الاخوة انه اللى مايروح بيوم موعد السفر يتاجل السفر اوتوماتيكيا 40 يوم هل هاي المعلومة صحيحة
رجاءا محتاجة رد سريع
تحياتي
اختكم لوتس
-
انشاءالله مايقصرون الاخوة بالجواب توصل بالسلامة
-
اني انصحج تسافرين بالموعد الي ينطوا الج المنظمه لانه اذا ما تسافرين بهذا الموعد احتمال سفرج يتاجل اقل شي شهر حسب الزخم وحسب مواعيد الرحلات الي والله يسهل امرج انشاء الله.
-
اولا انت اس اي في لو اي او ام نصيحتي ولو اني ما مجرب بس منطقيا لا تسفرين لا بهذا الموعد ولا بالثاني لان انت خربطتي كلشي عليهم وعليج لذلك احتمال كلش جبير تروحين بهذا الموعد وكلشي ماكو تعقيبا على سؤالي بالبداية اذا انت هجرة لازم تستعجلين كلش بالموضوع لان الفيزا بيها اكسباير وتنتهي اما اذا انت لجوء فكلشي ماعليج لتخافين شوكت ما جان تطلعين اني عندي ولد صديقي اتاخر فترة طويلة وبعد المعاناة من الاتصال بالمنظمة جاوبو وكالولة احنة اتصلنة بيك على مود موعد سفر وتلفونك ميتحصل وراها بفترة حددولة موعد سفر ثاني وهسة الولد بدالاس
تحياتي والقرار يعود الج
-
شكرا اخواني على الردود السريعة
اني على اي او ام
اختكم لوتس
-
بالخدمة
-
لا انصح بتاجيل السفر بطريقة عدم الذهاب للمطار ويجب تاجيل السفر بطريقه رسميه من الاي او ام وبحاله عدم قبولهم السفر بالموعد المحدد افضل ومن الله التوفيق
-
والله يا أختي أذا أنطيتيهم خبر وكلتيلهم أريد تأجيل فيمكن راح ينطوج موعد بعيد للسفر فهاي بقت يمج لو تروجين يوم 23 لو ما راح تعرفين أحتمال شنو الي راح يصير.........لأن همه بمزاجهم
تحياتـــــــــــــــــــــــــــــــــــــي ;)
-
اختي حاولي ترتبين امورك على السفر ولا تاجلين الموعد وحاولي تتصلين على المنظمه لمعرفه يوم السفر
او تبلغيهم بايميلات حتى يجاوبون عليك