ankawa
منتدى الهجرة واللجوء => الهجرة و واللاجئين => الموضوع حرر بواسطة: المهندس سيوفي في 15:16 10/08/2009
-
اخوان
بعد سلسلة من الايميلات ال دزيتها للجماعة --- اجاني الرد منهم اليوم يكول:
Dear Sir,
Thank you for your email. Please be advised that your case is still in processing :'(. We will contact you as soon as we are able to schedule you for an interview.
Please understand that due to our limited capabilities in Baghdad at this time, the USRAP process can take months to complete.
Kind Regards,
Baghdad Info Center
طبعا للتذكير راح يصيرلي سنة من مقدم اني والرقم التقريبي للاي زي نمبر مالتي هو 106xxx
استغفر الله
تحياتي يابة
المهندس
-
الله يكون بعونك شنو هاي الاجراءات الي صارلها سنه وبعده ممخلصه ممعقوله ???
-
حبيبي سيوفي
اكد اجزم ان هذا الجواب عام و هو جواب على تسائل قديم انت ارسلته لهم وهو جوابهم لكل شخص يسائل اين وصلت قضيته ((يعني مغذي ))
الله يكون في عونك على الانتظار الصعب وخلي في بالك هذا مو اخر انتظار مع iom فمراحلهم كلها انتظار في انتظار
اصبر والله كريم
بالتوفيق للجميع
-
والله يااخوية مااعرف شكولك اني هم محتار مثلك وشنو ال بيدي اسويه !!
بس عندي سؤال --- من دزولي الايميل كاتبين بالسبجكت التالي:
IZ - 106xxx/Response/GAR
ال احب اعرفة انه شنو معنى GAR ؟ ياريت لو احد من الاخوة عندة معلومة عن هذا الشي ينورنا بيها -- وممنون مقدما
تحياتي
المهندس
-
اخي المهندس
الله يقويك ويصبرك وان شاء الله يحددولك مقابلة قريبا , وينعمة الله تفرح عن قريب باخبار حبوة
سلام الله معك
اخوك يوجد امل
-
مرحبة اخوية المهندس سيوفي
انت اذا حالتك هيج وعندك IZ نمبر وحيصيرلك سنة من مقدم فأحنه صارلنا سنة مقدمين وجنة مترجمين وعدنا ركمنديشنات وماكو اي شي عدنا . بس case noumber فقط وكومة عدنا محاولات وماكو اي فائدة بس ينطونا مغذيات وانتظرونا .
الله يكون بعونك ويصبرك ويفرجها عليك ويفرجها علينا احنه هم ويسهلها.
-
مبروك اخي واخيرا ردوا عليك يعني انت هسه تعتبر محظوظ لانه جابوك ;D يله يعني قضيتك راح تفرج عن قريب الله يسهل امورك يا رب.
-
اشكرج اختي مها البغدادية على الرد
ممكن تذكريلي انتو من ياتاريخ قدمتوا على اي او ام بغداد ؟ وشكد الرقم التقريبي للكيس نمبر للقضية مالتكم ؟
تحياتي
المهندس
-
اشكرك اخوية ok_ok755
بلا زحمة عليك ممكن تذكرلنا شكد الرقم التقريبي لل اي زي نمبر مالتك واكون ممنون منك ؟
تحياتي
المهندس
-
اخوية المهندس سيوفي
احنه مقدمين من شهر الثامن سنة 2008 بس تقريبا نهايتة مااذكر شوكت
والكيس نمبر مالتنه التقريبي 37XX BGD
والحمد لله ماكو شي بعد الا انتظرونا ??? ???
-
حبيبي المهندس سيوفي اني مقدم بشهر العاشر 2008 دزيت الايميل ويه المستمسكات اجاني BGD37XX بشهر ال11 2008 وضليت انتظر وانتظر وماكو نتيجه دزيتلهم ايميل بشهر الثالث 2009 وهم ماكو نتيجه اشو بشهر السابع طبعا جنت سهران ونايم متاخر اشو الساعه ب 8 الصبح جان يدك التلفون كول همزين سمعته شلته جان وحده تكلي اني من منظمة IOM عندك مقابله شوكت تريدها انت حدد كتلها بكيفج وهاي اني نص ونص بين النايم وبين الكاعد هههههه اخر شي انطتني موعد يوم 26-7-2009 رحت وجان تطلع مو مقابله وحده مقابلتين المقابله التعريفيه والمقابله مال القصه طبعا اكو استراحه عشر دقايق الى ربع ساعه بين المقابلتين وره ما خلصت كلولي احنه نتصل بين على مقابلة المحلفين والى هسه دا انتظر النتيجه والله يسهل على الجميع بس تدري اني ما دزولي رقم IZ بالايميل من رحت للمقابله انطوني هذا الرقم ورقم الملف مالتي يبدي IZ-104xxx وللعلم اني وحدي بس اريد اسافر بدون عائله.
واذا تحتاج معلومات بعد اني حاضر بس كلي انت شوكت قدمت ؟؟؟
مها البغداديه الله يكون بعونج على الانتظار بس ممكن تكوليلي انتو عائله لو بس انت ؟ وانت نفس رقمي 37XX بس والله راح يدمروني الاي او ام يعني اني وراج ب3 اشهر مقدم ودزوا عليه قبلج ليش ما اعرف والله شلون يفكرون وشلون يمشون المعاملات هذوله الله اعلم اذا على التسلسل فمستحيل اني اصير قبلج بس مثل ما كال احد من الاخوان بالمنتدى كال احتمال قرعه كلشي يصير على العموم الله يسهل امورج يا رب.
-
والله يااخوان هاي IOM راح تخبل العالم اني كل شوية يدزولي خبر شكل وهي صارلي سنة لامقابلة ولاهم يحزنون
حبي سيوفي خوية اصبر وشوف مالك غير الصبر اني اليوم كملت سنة وخمسة ايام ولامقابلة ولاشي غير الاتو ربلي وصابر ماعندي غير شي اسوية غير الصبر
اسئل الله العلي القدير ان يسهل امرك بحق محمد وآل محمد
-
اشكرك اخوية ميثم
اني من سمعت بيك بسالفة مقبط سنة وخمسة ايام --- كلت هاهية انلاصت لعد --- لان عود جنت اني ابو الراهي عليهم واحس نفسي حيل متاخر طلعوا ماشاء الله اكو جماعة مخضرمين اكثر مني
بالمناسبة انت اجاك رقم اي زي لو بعد ؟ واذا نعم شكد الرقم التقريبي للازي نمبر مالتك؟
تحياتي
المهندس
-
يا اخوية العزيز يا عيني يا سيوفي ما اتكلي انت على شنو مستعجل مو اليوم باجر تطلع واتمل واتكوم اتدز رسائل عن الوضع هناك وشلون صعبة واتكوم تنصح بالعالم وتشرحلهم عن الحيات الصعبة ومشاغل الحياة واتخلي نص العالم اتبطل من السفر اصبر عيني ;D ;D ;D ;D ;D
مو تزعل مني سيوفي بس حبيت اتشاقة وياك وان شاء الله اسهل امورك بس انت ما اتكلي شنو سالفتك شو جماعة IOM &SIV ثنينهم شادين وياك احجينا بصراحة شنو السالفة :o :o :o :o :o
لا اتضوج هية تصفى
-
أخواني الأعزاء ......أني حسب ما جاي أسمعه والى هاي اللحظة بانه بعد الحصول على البي جي دي نمبر فالفترة بعدها تحتاج حوالي 6 -8 أشهر حتى يتصلون بيك ويحددولك موعد مقابلة فعلينا بالصبر والصبر ثم الصبر .....هاي هي شنسوي أحنه الردناها ولازم نصبر...........نتحمــــــــــل
تحياتــــــــــــــــــــــــــــــــــــــــي ;)
-
مشكور اخوية ابو سارة
اذا على حجيك انه بعد البي جي دي لازم نتنتظر 6 - 8 شهور اني هم عبرت هاي الفترة ومستحق بالنسبة لتقديرهم وكلشي ماكو لحد الان !!!
بس هي مثل مااتفضلت ماعدنة غير الصبر وشنو ال بيدنة نسويه ---- الله كريم --- بس هنا داعيك حتى الاي زي نمبر ماخذة وماكو شي لحد الان
تحياتي
المهندس