ankawa
منتدى الهجرة واللجوء => الهجرة و واللاجئين => الموضوع حرر بواسطة: غريب اني في 15:45 10/08/2009
-
اخوان في البداية السلام عليكم ورحمة ارجو منكم المشورة والنصحة
اولا 000 عندي صديق هنا في عمان لايملك قوت يومه وضعة تعبان بالمرة وكما يقول المثل العراق عدنة
من اهل الله اخوان جائني هذا الشخص اليوم وهو يطلب الرحمة والمساعدة
فقلت له انته تامر امر ماهي مشكلتك فاجابني طبعا هو مقدم على التؤطين من زمان وكلشي مايعرف
علما ان الملف باسم زوجته وعنده 3 اطفال اليوم متصلين على دائرة الهجرة بعمان وكلولة اجت موافقة زوجتك وانتة بعدك كتله طيب شنو المطلوب من عندي الي اخدمك بيه كلي بلكت تكتبلي موضوع
الى اصدقائك وشوف همه ايردون عليك وشيكولون اني قابل بحكمهم
هو قصدة ايريد يسوي فصل لزوجته حتى اسافر هي والاطفال قبلة
كتله طيب ليش اتريده اسافر قبلك كال ياخويه ماتضمن الراح يجي شو الشغلة كام اتخوف
واخاف اني موافقتي تتاخر ونضيع المشيتين
ارجو مساعدتكم هل يصير هذا الشي طيب واذا سافرت قبله ايصير هو تجي موافقتة بعدين
هل يصير تاثير على احد الاطراف او لا
طالب مساعدة هذا الصدق
من اخوتي عكعك
وشيبو
وجوزيف
والاخت انجي
وكل الطيبين اخوكم غريب اني
عمان 10/8/2009
-
والله يا اخي صعبه شوية على امرأة تسافر وحده ومع اطفال من غير رجل ..وهم صحيح تضيع المشيتين بس لازم ارتب اله والى اطفاله وبي اي ولاية وجهتها حتى تجي يم عائلة يتكفلون بية وانا متآكد هناك كثير من العوائل تحب تساعد وخاصة امرأة وحيده مع اطفال ..واتمنى انه يسافر مع زوجته واطفاله وان يفرج عنهم
-
والله يا اخي هنا الجواب يكون صعب جدا وفقط صاحب الحاله هو الذي يقرر لكن لو اضع انا نفسي مكانه فسوف لا افعلها لعدة اسباب اهمها من سيضمن له الوصول الى امريكا واللحاق بزوجته واطفاله هل يستطيع ان يبتعد عنهم لعدة سنين وهو الذي يقول لانعرف الضروف القادمه وماذا سيحدث وانا كان عندي موضوع مشابه ولكن يختلف في الاماكن حيث ابني الكبير قرر ان يعود بمفرده للعراق لكي يستطيع ان يكمل دراسته ونحن ننتظر موضوع اعادة التوطين وايضا انا احتاريت في اخذ القرار وعندما طلبت المساعده في قراري التجأت الى جده لاخذ رأيه وقال لي (( لاتعرف الضروف التي سوف تأتي وقد لاترى ابنك الا بعد سنين طويله او من الممكن ان لا تراه ابدا فأما ان ترجعوا جميعا او ان تبقوا جميعا فمصيركم واحد وارتباطكم واحد)) واخذت برأيه وكان هو الرأي الصحيح . فيا اخي استحاله ان يترك الله عباده فان مع العسر يسرا ان مع العسر يسرى
تمنياتي لك ولصديقك بالموفقيه والسعاده
اخوكم الخالدي الاصيل
-
اخويه العزيز غريب اني همه اصلا كيس واحد ميصير يفصلون وهو يعتبر تابع لصاحب الكيس الي هيه زوجته والفصل يصير بين كيسين او اكثر وليس داخل افراد الكيس الواحد
تحياتي
-
ان مع العسر يسرا ان مع العسر يسرا
عذرا للخطأ في اثناء الكتابه
-
الاخ العزيز ميجوز يفصل الكيس لان هوه بكيس واحد وهذا الموضوع حصل مع احد الاصدقاء عندما اكتملت الموافقات الامنيه باستثناء احد افراد العائله وذهب الى المنضمه للفصل وقالو له لايجوز سلامي الى الاخ العراقي ونقول الله يكون بعونه ان شاء الله ويسر امره قولو امين ...........
اخوكم
alfaras
(http://www10.0zz0.com/2009/08/10/14/628462707.gif) (http://www.0zz0.com)
-
اخوية العزيز غريب اني نفس حالة اقربائنة نفس الشي وراحو للمنضمة وكالو ميصير ينفصل
ولاخوة ماقصرو ويارب الله ايسهلهة بوجهم يارب وتجي موافقة الزوج با اسرع وقت
اخوك جوزيف
-
اخي العزيز مثل ما قال اخي عكعك صعب جدا الفصل بالكيس الواحد وخصوصا زوج وزوجته لكن اطمئن لو خلصت هي اوراقها واقترب موعد سفرها ربما سيسالوها هل تنتضرين زوجك ام تسافرين وحينها هي وزوجها يكونون صاحب القرار . ولكن لا يحصل هذا دائما
تحياتي
-
الى جميع الاخوة الاعزاء والاخوات ...في العمارة الي حطوني بيها المنظمة بيها بنات عراقيات جايات وحدهن مثل قصة صاحبنا ... هن ايضا جانوا بنفس الكيس واني حجيت وياهن كالن والله طلعت اسامينا قبل عوائلنا ورحنا استفسرنا كالوا مرات تصير هيجي يعني تطلع موافقة فرد او تبقى الموافقة على فرد من العائلة وهذا تحصل مرات ويا جماعة الــــIOM وسألت ليش ما انتظرتوا اهاليكم كالن رحنا عليهم وبا عوائلنا بس كالوا اذا ما تسافرين بموعدج راح تسقط حقج ولايجوز التأجيل فكالت امي وابوية كالوا بنتي روحي انتي وان شاءالله الفرج قريب ونجي وراج احنا همينة ....والصراحة ثنيناتهن شافن الضيم اهنا بدون اب و اخ او شاب ....بس الحمدلله ...الله دزت الهن مرية عراقية صارلها اهواية اهنا تساعدهن وتجيبهن وتودينهن ..وحتى لكى الهن شغل بمعمل مالت الادوية بس شفت ليلي ...... يعني اكو هيجي حالات والحمدلله ماشي حالهن بس شوية صعبة عليهن ... ومثل ما كال الاخوان القرار للزوج ...... مع تحياتي
-
الى جميع الاخوة الاعزاء والاخوات ...في العمارة الي حطوني بيها المنظمة بيها بنات عراقيات جايات وحدهن مثل قصة صاحبنا ... هن ايضا جانوا بنفس الكيس واني حجيت وياهن كالن والله طلعت اسامينا قبل عوائلنا ورحنا استفسرنا كالوا مرات تصير هيجي يعني تطلع موافقة فرد او تبقى الموافقة على فرد من العائلة وهذا تحصل مرات ويا جماعة الــــIOM وسألت ليش ما انتظرو اهاليكم كالن رحنا عليهم كالوا اذا ما تسافرين بموعدج راح تسقط حقج ولايجوز التأجيل فكالت امي وابوية كالوا بنتي روحي انتي وان شاءالله الفرج قريب ونجي وراج احنا همينة ....والصراحة ثنيناتهن شافن الضيم اهنا بدون اب و اخ او شاب ....بس الحمدلله ...الله دزت الهن مرية عراقية صارلها اهواية اهنا تساعدهن وتجيبهن وتودينهن ..وحتى لكى الهن شغل بمعمل مالت الادوية بس شفت ليلي ...... يعني اكو هيجي حالات والحمدلله ماشي حالهن بس شوية صعبة عليهن ... ومثل ما كال الاخوان القرار للزوج ...... مع تحياتي
اخويه المترجم الحاله الس ذكرتها نعم تصير لان البنتين لهم كيس مستقل عن اهلهم لانهم فوق 21 سنه وفاصلين ملفاتهم عن اهلهم وشكرا على الداخله وانشاءالله الموفقيه لك ولهن
-
شكرا لكم اخوتي على المجهود والتعب الذي قمتو به
وممنون منكم على هذه المساعدة
شكر خاص للاخ عكعك
والاخ الخالدي الاصيل
والعزيز جوزيف العراقي
واستاذي ذاكر ابو فابيان
haitham40
interpreter99
-
أخوية العزيز مثل ما فهموك الأخوان لا يجوز الفصل لأنهم بكيس واحد فخليها على الله وما بقالك شي أنت تحملت تحملت أصبر ...والله كريم...
تحياتــــــــــــــــــــــــــــــــــــــــــــــي ;)