ankawa
منتدى الهجرة واللجوء => الهجرة و واللاجئين => الموضوع حرر بواسطة: ام يحيى في 23:27 10/08/2009
-
السلام عليكم
قبل اسبوعين اتصلت بالمنظمة وسالت على الملف كالت لي الملف بالتوطين هذا الاسبوع كلت خلي نتاكد فكان الجواب ان الملف بقسم الحماية كلتله الاسبوع الماضي كان الكلام غير شكل كال مامبين عندي انتو سالين على الملف قبل اسبوع
منو صاير ويا هيجي حالة وما ادري معقولة يخربطون بالاجوبة
ولكم الشكر الجزيل
-
اختي ام يحيى اولا اهلا وسهلا بيج بين اخوانك واخواتك
حبيبتي الموظفين مال يو ان مخربطين ما يعرفون راسهم من رجليهم وكل يوم واحد يكول شكل حتى احنا خابروا لاخويه كالوا فايلك تحول للتوطين وهو بقى ينتظر شهرين الى ثلاث اشهر حتى يقابلوا لمن راح سال كالوا منو كال انت متحول للتوطين انت لا متحول ولا شي وانتي يااختي لا تخابرين روحي بنفسج وتاكدي من معاملتك لي وين وصلت وما يفيد تاخذين الخبر بالتلفون لانه هما دايخين يا اختي
-
الاخت ام يحيى انا اتصلو عليه اليو ان بعمان مقابلة توطين ولمن قابلت شفت بعيني ماشرين على مربع اعادة التوطين وبعد اربعة اسابيع اتصلت استفسر عن ملفي كلتلي الموظفه اللي ترد بعد ان اعطيتها رقم الملف كان تجاوبني ان الملف بالحمايه بصراحه تفاجأتمن جوابها وصار عندي احباط فالظاهر احنا نفس الشغله وما اعرف وين الصدك وين الكذب
-
مرحبا اخوة اخوات شلونكم ان شاء الله بالف خير .. احنا لمسنا هالشي صحيح ما محدثة بعض المعلومات عدهم بالكمبيوتر .. يمكن لكثرة الاعداد مديلحكون مدري والله .يلا يكفي احنا صار عقلنا كمبيوتر لما نروح الهم ننقل الاحداثيات الهم .. ;D ان شاء الله نسمع اخباركم الحلوة قريبا
اختكم فداء
-
هذولة جماعة امخربط امورهم كلش يعني الي يطلع ابست اشهر والي يبقة خمس اسنين
-
مرحبا
انا صار معي نفسي الشي تقريبا تحول ملفي للتوطين وقابلت مقابلة وانطيت صور وعلى اساس راح يتحول ملفي الى كندا بعد 5 اشهر بعد الاتصال كل اسبوع ويقولون لي الملف مازال بالتوطين رنيت عليهم وسالتهم على الملف كالتلي ملفك بالحماية استغربت ورجعت رنيت بعد اسبوع كالتلي الملف بالتوطين وحجيتلها يعني رجع من الحماية الى التوطين كالت لا هو بالتوطين اصلا استغرب ليش كالولي بالحماية الاسبوع يلي فات بعد اسبوع اتصلت كالولي انه ملفك اتحول لسفارة الكندية الحمدلله بس اتأكدت منها هاي الشغلة حجيت ويا موظفة يلي ردت كالتلي انه بالسفارة وحولتلي الى موظف المسئول عن تحويل الملفات لسفارة واكدتلي ورجعت بعد اسبوع اتصلت واتاكدت انه ملفي بالسفارة يعني جننتهم كل اسبوع اتصل اسال
وانشالله تنالون ما تريدون يارب كلكم
وشكرا
وتقبلوا مروري
-
اشكركم جميعا على هذه الردود بس عندي سؤال للاخ dodo micheal يعني انته من كالولك الملف بالتوطين قابلت لو لا
ويصير الملف يتحول على سفار بدون مقابلة اولية بالتوطين
واللي عنده جواب لايبخل علينا مع الشكر
-
اختي ام يحيى
اول شي dodo micheal اختنا مو اخونا
ثانيا هية قابلت مقابلة توطين وانطت اربع صور
ثالثا طبعا ما يصير يتحول الملف الى اي وفد او سفارة بدون ان يكون متحول ومقابل توطين
تحياتي
اخوك عبسي