ankawa
منتدى الهجرة واللجوء => الهجرة و واللاجئين => الموضوع حرر بواسطة: Typhoon في 00:53 11/08/2009
-
السلام عليكم اخواني .... انشاء الله الكل بخير وزينيين و متحضرين لشهر رمضان الكريم
اخواني هاي بعض المعلومات عن النقل والتلفون والانترنت بمدينة شيكاغو
النقل :- طبعا مدينة شيكاغو من المدن الكبيرة في امريكا وتتميز بوسائط النقل المتعددة وهي من اسهل المدن الي تلكه بيها وسائط نقل ومدووخ بشراء سيارة لان اصلا الباصات والسبوي subway والقطارات متوفرة باغلب مناطق المدينة ...
هذا اللنك لموقع السبوي subway والباصات والموسسة المسوولة عنها اسمها chicago transit authority
http://www.transitchicago.com/ طبعا الحلو بيها انه تكدر تعرف يا باص تاخذ ويا قطار تاخذ حتى توصل للمكان الي تريده بس تدخل عنوانك الكامل والعنوان الي تريد تروحله وهوة يرسملك خط الرحلة والمواعيد مال الباصات والقطارات وشكد تستغرق الرحلة وحتى الدقايق مال المشي عل الرجلين هم يحسبها
طبعا المصاريف مال النقل مو غالية قياسا بقية الولايات الجبيرة وتكدروون تشترون بطاقات خاصة تسمى transit card تتراوح سعرها من دولارين لعشرين دولار بس هاي تكون عدد مرات استخدامه محدد او تشترون بطاقات اسمها bus pass or passes وهاي تلكون بيها ام الا3 ايام وام الاسبوع وام الشهر ويكون استخدامها غير محدد يعني شكد متريدون وتشتغل علة الباصات وعلة subway طبعا داخل مدينة شيكاغو فقط وطبعا هاي البطاقات موجودة بالمحطات مال السبوي وموجودة بالسوبرماركتات يعني متوفرة .
اما اذا ردتو تروحون للضواحي مال شيكاغو فاكو قطارات واسم الشركة المشغلة هوة metra وهذا الموقع مالتهم http://www.metrarail.com/ واكو عدة محطات بالمدينة واكبر محطة موجودة بالداون تاون وتشترون بطاقة علة كد سفرتكم .... يعني اذا رايحين من chicago الى oak forest مثلا تدفعون 6 دولار للبطاقة وهكذا .
التلفونات :-اما التلفونات النقالة فقصتها قصة لان اكو هواية شركات مال تلفونات طبعا اشهر ها هية t-mobile و at&t وهاي شركات عملاقة وموجودة بكل الولايات بس المشكلة انه الاشتراك وشراء خط من هاي الشركات يحتاج الى عمل عقد معهم وبي مدة التزام بالعقد لا تقل عن السنتين ويحتاج انه يكون عندك ال social security number فلذلك اكو شركات اصغر وخدماتها محدودة بالولاية او موجودة بشكم ولاية بس مو كلهن وهاي الشركات توفر خدمة الخطوط المدفوعة مسبقا prepaid وهاي الخطوط فيكتها انه لا تلتزم بعقد ولايحتاجون منك السوشيال ولاهم يحزنوون يعني تدفع فلوس الاشتراك مالتك مال اول شهر وتجرب الخط اذا عجبك تكوم تدفع براس كل شهر الاشتراك مالتك وشوكت ميعجبك تبطل محد يكلك لا بس المهم تسدد الي عليك واذا معجبك من اول شهر تكدر تبطل بعد ان تدفع فلوس الشهر ومحد يكلك على عينك حاجب وهاي تفيدنا احنا اول منوصل حتة منتعكل بعقد ابو السنتين ومن هاي الشركات اكو cricket بس هاي مو كلش زينة واكو us cellular والاشتراكات تتراوح من 45دولار بالشهر الى 80 دولار وكل واحد بي ميزاته وعيوبه وهذا موقع شركة us cellular
http://www.uscc.com/uscellular/SilverStream/Pages/uscellular.html
الانترنت:- نجي هسة للانترنت والي هوة نفس قصة التلفونات وهم اكو هواية شركات وهم لازم تسوي عقد وياهم بس اكو شركة اسمها RCN وهاي كلشي توفر انترنت وتلفونات وكيبلات مال قنوات تلفزيون
بس اني اشتركت وياهم بالنترنت واخذت سرعة 3 mps وادفع بالشهر 24 دولار وطبعا تكلفو التنصيب لاول مرة هية 60 دولار وبعض الاحيان يسوون عروض وتكون الاشتراك الشهري قليل مثلا 19 دولار لمدة سنة واحدة وهذا الموقع مالتهم
http://www.rcn.com/chicago/high-speed-internet
تحياتي
اخوكم typhoon
-
اخي العزيز تايفون عاشت ايدك على هذا الموضوع واكيد تعبان والله يجازيك الف خير وعسى ان يستفادون منه الاخوه الاحباء في هذا المنتدى
امنياتي للجميع بالموفقيه
اخوكم الخالدي الاصيل
-
تسلم اخويه typhoon موضوع رائع ومجهود كبير الله يبارك بيك
تمنياتي لك بالتوفيق والنجاح
-
تسلمون اخواني الخالدي الاصيل واخوية عكعك الوردة وهذا جزءجدا بسيط من الدين الي بركبتي تجاه هذا المنتدى الرائع الي فادني هواية والي علمني هواية امور وشماسوي ما اوفي
-
تسلم اخوية العزيز على هذا الموضوع الشيق والمهم والله يبارك فيك
وانشاءالله تبقى دائما منور المنتدى بهذه المواضيع المهمة
اخوك غريب اني
-
والله موضوع مهم ومبدع عاشت ايدك
-
تسلم ورده تايفون ربي يبارك بيك على هاي المعلومات الحلوة واتمنه من كل الي سافرو ينطونه معلومات مثل ما انته سويت ورده تسلم مره ثانيه والف شكر
اختك مياده/مصر :)
-
اخواني غريب اني و ميثم , واختي ميادة تسلموون وبارك الله بيكم وترة هذا واجبي وشي بسيط ميستحق الذكر واني حاضر لاي سوال عدكم انشاء الله اجاوب على كد خبرتي ومعلوماتي
تحياتي typhoon
-
مشكور وبارك الله بيك ان شاء الله تفرج علينا كلنا
-
تسلم اخوية العزيز وعاشت ايدك