ankawa
منتدى الهجرة واللجوء => الهجرة و واللاجئين => الموضوع حرر بواسطة: فدوة قاسم في 18:29 11/08/2009
-
السلام عليكم انا وزوجي لاجئون في مصر منذ 2006 كان زوجي يطلب التوطين عن طريق الامم المتحدة وقبل يومين اتصلو بنا ووافقوا على توطيننا الى امريكا وارسال الملف الى السفارة الامريكية علما باننا ليس لدينا احد في امريكا سوى اصدقاء سوالي لكم هل يجب ان يكون لدينا كفيل في امريكا عند المقابلة مع المحلفين وهل يسالوا عن الكفيل ام لا وهل الكفيل ضروري في المقابلة واكون شاكرة لكم ووفقكم الله
-
مو شرط اختي ان يكون عندج كفيل المنظمة هي تكون كفيل اذا ما عندج كفيل واهم شي انه المنظمة تكون زين مو مثل منظمة اخونا المهاجر الي بهدلوه اللة يبهدلهم واحد واحد ربي يوفقك بكل المقابلات والتوفيق يارب والسفر والاستقرار
-
لا مو شرط يكون عندج كفيل واصلا المحلف ماالى دخل بالكفيل نهائيا لتشيلين هم
-
اختي العزيزة
الكفيل مو ضروري واللي ما عنده كفيل المنظمة تتكفله ، بس بحالة وحدة اذا انتو تريدون تختارون ولاية معينة فلازم يكون عدكم كفيل بنفس الولاية ، واذا ماكو هما راح يختارون الولاية على مزاجهم ...
اتمنى اكون وضحت الصورة
والله يوفقكم
-
الف مبرك للاخت فدوه لموافقه اعادة التوطين وهناك موضوعات اقرئيها في هذا المنتدى البديع سوف تستفادين منها وتساعدك في معرفة الطريق الطويل الذي سوف تمرين به ولكن انا اوصيكي اهم شيء هو الصبر ثم الصبر ثم الصبر فالاجراءات بطيئه وطويله وبالتوفيق لنا ولك وللجميع
اخوكم الخالدي الاصيل
-
اشكركم اخوواني واخواتي على الرد
-
حبيبتي فدوه مبروك حصولكم على قرار اعاده التوطين...ذكرتينا بليوم الي حصلنا بي على اعاده التوطين وشلون جان شعورنا...عبالنا هاي هيه..بس مثل مكلج الاخ الخالدي الاصيل..كدامكم مشوار طويل....ويرادله صبر وطول بال وضبط اعصاب...لان يوميه المنظمه حاركه اعصابنا..بس كوني على ثقه كل متكون المرحله الي تمرين بيها صعبه كلما تحسين بحلاوتها من تجتازيها على خير ...وصدكي اختي ابد لتقلقين صدكي كلها تصير سوالف...وخلي ايماني بالله جبير....ونشالله ياربي يسهل عليكم وعلى الجميع كل مرحله وكل خطوه تخطوها.
وبالنسبه للكفيل مو قياس بالعكس على الاقل تخلصين من دوخه الكفيل...واتصال المنمه بي وتحديد اللولايه حتى المنظمه يتكفلون بكل هذي الامور...ونشالله ياربي يكتبلكم ولايه ترتاحون بيها ...واي شي عدج اسالي لان احنه مرينا بكل هذي المراحل..
اختك مريمانه