ankawa
منتدى الهجرة واللجوء => الهجرة و واللاجئين => الموضوع حرر بواسطة: rafid82 في 19:38 11/08/2009
-
سلام عليكم اليوم كانت مقابلتي الاولى بالهجرة عن طريق الامم المتحدة والظاهر اكو اجرائات تسريع لان اني وكل اللي كان عدهم مقابلة اولى سويينه الاتي
اولا الصور + قياس الوزن والطول + اجراء مقابلة الاولى وهية مقابله المعلومات و شجرة العائلة + اجراء المقابلة الثانية مقابلة القصة + اخذ بصمات بس للاسف كانت الموظفة اليوم مريضة فأجلونه على الاسبوع القادم للبصمات
طبعا اكو عوائل ما أمحضرة نفسة و كانت تتصور انه فقط مقابلة المعلومات لان خطية كان اكو اطفال ماتوا من الجوع و ضلت العوائل واحد ينطي للثاني اكل لان صارت مجاعة للاطفال ههههههههه
المهم كل اللي عنه مقابلة اولى خلي احضر نفسة من ناحية الاكل ترة المقابلة اطول يعني اني من 8 من دخلت الى حد الساعة 2 الظهر يلة خلصنه
طبعا مقابلى القصة طول وياي 2 ساعة وكان الموظف بصراحة كلش متعاون بعكس الموظفات
الله يسهل للجميع
اخوكم رافد
-
الله يسهلك اخ رافد و تسافر بسرعة بس هذا معناه راح يبدون التشييك الامني قبل مقابلة المحلفين لان هو يبدي من يوم اخذ البصمات
تحياتي و امنياتي بالموفقية
-
اخي رافد
الف مبروك على المقابلات
ونشكر الله لانه اسرعوا بمعاملاتكم
الله يكمل معاك بالخير
سلام الله معك
اخوك يوجد امل
-
اخي العزيز مبروك وشايف كل الخير وانشاء الله يوم الموافقه والسفر , وصحيح اكو تسريع بالاجراءات لانه اني قابلت مقابلتين في يوم واحد علما اني مقدم في بغداد وتحياتي الك اخي العزيز.
-
مبروك اخونا ان شاء الله تخلص المحلفين بنجاح وبعدين تسافر
-
بالتوفيق ان شاء الله لك ولكل الاخوة العراقيين
ابو راشد
-
بالتوفيق عيني
الظاهر فعلاً أكو تسريع للإجراآت
الله يقدم لكم الخير
-
بالخير اخ رافد هاي خلصت من اول عكره وان شاء الله يوم المحلفين واله ايسهل على الجميع
اخ اوكي المقابلات من بغداد هيه من الاول المقابلتين الاولى اتكون في يوم واحد مو مثل دول الجوار الضاهر هسه بالاردن اتبعوا نفس السياق والله ايوفقكم جميعا اختكم ريم
-
شكرا لكل الاعضاء الكرام والله اسهل امور العراقيين امين والله كريم تخلص واتصير سوالف
-
اني سمعت ديسرعون الاجرائات اب عمان واهنانه اب تركيا ديبطئوه
-
صحيح اخوان هذا الكلام صار تسريع بعمان للمعاملات والمقابلات
الله يوفق الجميع والي ريد يسافر ل اميركا تتسهل كل اموره
ان شاء الله لانه اظاهر بس اميركا الي ديمشون امورها
اما اذا اكو احد عنده معلومات ن باقي الوفود ياريت يفيدنا