منتدى الهجرة واللجوء => الهجرة و واللاجئين => الموضوع حرر بواسطة: بغدادي76 في 22:23 11/08/2009
العنوان: متطلبات فيزة بريطانيا لحاملي الكرين كارد
أرسل بواسطة: بغدادي76 في 22:23 11/08/2009
1- جواز سفر عراقي تبقى على صلاحيته لايقل عن 6 اشهر.
2- صورة جواز عدد واحد.
3- ملئ أستمارة الفيزة الموجودة في موقع السفارة.
4- إثبات حيازتك على الكرين كارد او I-94, I-20, H1B
5- جلب نسخة تأكيد الـ"بايومترك" من مركز خدمات الجنسية والهجرة الأمريكية USCIS ملاحظة : الوثيقة صالحة لمدة 15 من تاريخ الختم.
6- نسخة من سجل حجز الرحلة من شركة الطيران او وكالة السفر , الرجاء عدم شراء التذاكر حتى يتم إصدار الفيزة.
7- نسخة اصلية من كشف حساب البنك للأشهر الثلاثة الأخيرة, آخر كشف للحساب يجب أن يضهر انك تملك مبلغ يعادل 300 دولار عن كل يوم ستقضيه في بريطانيا.
8- نسخة من رسالة من الشركة التي تعمل بها تحمل معلومات الأتصال بها تنص على أن الشركة على علم بعدد الأيام التي ستغيب عنها وتم الموافقة عليها وتنص على غرض ووجة السفر, وأنك سوف تعود إلى وضيفتك. إذا كنت صاحب شركة فيجب تقديم نسخة عن إجازة العمل والضريبة. بالنسبة للطلاب الرجاء تقديم رسالة رسمية من المدرسة تنص على أنك ملتزم فيها وأنك مسجل لإكمال الدراسة في الفصل التالي. في حالة كونك متقاعد يرجى تزويدنا بإثبات راتب التقاعد.
9-نسخة لتأكيد حجز الفندق.
10- إذا كانت مصاريفك ستكون على حساب من سيستضيفك أو كفيلك في المملكة المتحدة , الرجاء تقديم نسخة من كشف حساب المضيف او الوكيل, الرجاء ملاظة أن رسالة الدعوة من المضيف او الكفيل يجب ان تنص عن نوع الدعم الذي سيقدمه ( دعم مالي, سكن , الأخ...).
معلومات إظافية : أقصى عدد لأيام الفيزة 1825 الفيزة لاتحتاج إلى رسوم (مجانا) يتم إصدار الفيزة خلال 5 ايام (لايتم إحتساب العطل)
العنوان: رد: متطلبات فيزة بريطانيا لحاملي الكرين كارد
أرسل بواسطة: Sasy في 10:13 12/08/2009
شكرا اخي الكريم خوش معلومات مفيده
تحياتي ساسي
العنوان: رد: متطلبات فيزة بريطانيا لحاملي الكرين كارد
أرسل بواسطة: ok_ok755 في 10:36 12/08/2009
شكرا اخي العزيز على المعلومات
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 14:33 30/06/2010
للرفع
العنوان: رد: متطلبات فيزة بريطانيا لحاملي الكرين كارد
أرسل بواسطة: ســـرى في 17:39 30/06/2010
مشكور اخي بغدادي وان شاء الله معلومات مفيدة فعلا.
العنوان: رد: متطلبات فيزة بريطانيا لحاملي الكرين كارد
أرسل بواسطة: alisalam2010 في 19:27 30/06/2010
وفي حال اللي ماعندة كرين كارد وسوة باقي الشغلات....ينطوه فيزا لبريطانيا؟؟؟؟
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 23:05 30/06/2010
وفي حال اللي ماعندة كرين كارد وسوة باقي الشغلات....ينطوه فيزا لبريطانيا؟؟؟؟
أدري تقصد يعني واحد بأمريكا وماعنده إقامة اصلا ؟ لو تقصد واحد بأمريكا عنده إقامة بس بعده مامطلع الكرين كارد , مثل جماعة الآي او ام الي بعدهم مامكملين سنة ؟
العنوان: رد: متطلبات فيزة بريطانيا لحاملي الكرين كارد
أرسل بواسطة: مازولا في 06:04 01/07/2010
اخويه العزيز ... زين اذا الواحد يريد يروح للعراق او خلي نكول للاردن عن طريق لندن ... هم يريدون منه فيزا لو هوه راح يكون ترانزيت و ما يطلبون منه شي ... يا ريت اذا واحد رايح على هذا الطريق يحجيلنه ... مع الشكر ... اخوكم مازولا
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 10:09 01/07/2010
حبي آني سامع انو العراقي قانون دولي ماينزل ترانزيت بأي مطار اوربي بدون فيزة , والله أعلم .
آني اعرف قصدك , تكص رحلة للعراق او لعمان وتكون بيهه ترانزيت ابريطانيا وأهناك بالترانزيت تطلب لجوء ؟!
هاي على فرض وجود مثل هيج طريق بالرحلة , فهمة يعرفون هذه الموضوع ومثل ماكتلك معلوماتي انو اكو قانون يمنع ان ينزل العراق ترانزيت بأي مطار اوربي بدون فيزة .
العنوان: رد: متطلبات فيزة بريطانيا لحاملي الكرين كارد
أرسل بواسطة: مازولا في 13:37 01/07/2010
شكرا اخويه بغدادي ... بس اني مدا اقصد انو واحد ياخذ لجوء هناك ... هوه الواحد من وصل لامريكا بعد و اخذ لجوء قابل يوميه يغير مزاجه ... ما اعتقد هاي مسموح بيهه ... اني قصدي انو سعر التذكرة من امريكا الى الاردن اذا مباشر غاليه اكثر من اذا تروح ترانزيت على لندن لو اي دوله اوروبيه ثانيه ... يعني بيهه فرق تقريبا 400 دولار للبطاقه المرجعه ... على هذا سؤالي لان اني هم سامع لازم فيزا بس ردت اتاكد اذا اكو احد مسوويهه و يعرفهه ... مع تحياتي ... اخوكم مازولا
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 15:01 01/07/2010
حبي مازولا , إذا الواحد يخفي جوازة عد مسافر ثاني أو يمزق الجواز ماحيعرفون انو انته مقيم بأمريكا , وإذا عرفو اكيد مامسموح , بس موضوع الترانزيت , فمثل ماكتلك ما أعتقد يصير. وشكرا لمرورك.
العنوان: رد: متطلبات فيزة بريطانيا لحاملي الكرين كارد
أرسل بواسطة: AbU.SaRa في 15:21 01/07/2010
عمي مشكور وما قصرت تفاصيل حلوة
العنوان: رد: متطلبات فيزة بريطانيا لحاملي الكرين كارد
أرسل بواسطة: ســـرى في 18:16 01/07/2010
الروحة لبريطانيا او فرنسا متأكدة منها للعراقيين حتى لو ترانزيت اكو فيزا ترانزيت للعراقين والدول الاخرى المشمولة ما دام جوازك عراقي.
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 09:45 02/07/2010
كلام الأخت سرى صحيح , وآني تأكدت من الموضوع , ممنوع ينزل العراقي ترانزيت بأي مطار اوربي إذا ماعنده فيزة , حته لو عنده إقامة بالمريخ , فقط إذا جان عنده إقامة اوربية.
العنوان: رد: متطلبات فيزة بريطانيا لحاملي الكرين كارد
أرسل بواسطة: Iron_man في 00:33 03/07/2010
حلو وخوش موضوع ... تسلم ايدك
Iron_man
العنوان: رد: متطلبات فيزة بريطانيا لحاملي الكرين كارد
أرسل بواسطة: مازولا في 13:19 03/07/2010
شكرا للاخ بغدادي و شكرا للاخت سرى ... مع تحياتي ... اخوكم مازولا
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 17:40 05/07/2010
مشكور مروركم آيرون مان ومازولا , ويوم الي تزورون بريطانيا
العنوان: رد: متطلبات فيزة بريطانيا لحاملي الكرين كارد
أرسل بواسطة: ARMY STRONG في 14:52 06/07/2010
خوش معلومه والله مشكور
العنوان: رد: متطلبات فيزة بريطانيا لحاملي الكرين كارد
أرسل بواسطة: بغدادي76 في 08:55 09/01/2011
للرفع
العنوان: رد: متطلبات فيزة بريطانيا لحاملي الكرين كارد
أرسل بواسطة: ARMY STRONG في 10:06 09/01/2011