ankawa
منتدى الهجرة واللجوء => الهجرة و واللاجئين => الموضوع حرر بواسطة: ethan texas في 09:58 12/08/2009
-
السلام عليكم اخواني وخواتي
اريد اسئل سئوال وهو
اانا عندي كفيليين ومنطي عنوانهم للمنضمة
اذا احد من الكفلاء موقع على كفالتي وضربني بمبة
المنضمة اتحولني على الكفيل الثاني لو هية تختارلي الولاية من كيفهة
ارجو الاجابة ولكم جزيل الشكر
اخوكم جوزيف
-
عزيزي المفروض المنظمه سألك منو الكفيل الاول ومنو الثاني اذا الاول مضبط تحولك على الثاني وهذا الشي صار ويايه بس الحمد الله ماكو بمبه صارت ويايه بس اهم شي الكفيل معنوي علمود مهما كان فميأثر عليك لان المنظمه فقط تخليك بنفس منطقته او منطقه قريبه اله والباقي هي تتكفله.
تقبل مروري
ساسي
-
مشكورة اخت ساسي على الرد السريع
انا الكفيليين معنوي بس لان الكفيل ديجر بضهرة ايكول رح اغير الولاية مدري شنو فة خايف اذا موقع على كفالتي
اخاف المنضمة اتحولني على ولاية من كيفها
فة اذا اتحولني للكفيل الثاني مو اشكال
ولك جزيل الشكر
-
اني همينة الكفيل ضربني بمبة
وكنت منطية عنوانين الاول بانديانا والثاني بميشيكن
اتصلوا بالاول سووا روحة مايعرفني , اتصلوا بالثاني اللي بميشيكن كال اني اتكفلهة بس ماخلوني يمة لان ميشيكن اقرباء من الدرجة الاولى ( زين ليش اتصلتوا عليه ماادري) المهم خلوني بالولاية مالت الكفيل الاول بس بالعاصمة مو بنفس مدينتهة .
لوتس
-
رحمة الله والديج اختي العزيزة وانشاء الله اتكونين مرتاحة
بس اني واحد كنتاكي والثاني رود ايلاند واثنينهن مو شرط من الدرجة الاولى
وبيني وبينج اصلا اني مردت كنتاكي وهية اجتي من رب العالميين
اروح على رود ايلاند احسن يم خالتي
اخوج جوزيف
-
اخوية جوزيف اني عندي 3 كفلاء 2 كلفورنيا و1 جورجيا
وتلاثتهم ممخابريهم لي هسةةةة ههههههه تتشوف السعادة رغم مرور شهر ونص من مقابلة المحلفين والفحص الطبي
وشكرا
-
كلام الاخوه صحيح 100 بالميه لان الكفيل هو فقط معنوي والاوراق التي يوقع عليها يذكر فيها انه غير مسؤول عن اي مصاريف او سكن ولا حتى يستقبلكم في الطار وانما يسدي لكم النصائح فقط ودعواتي للجميع بالموفقيه
اخوكم الخالدي الاصيل
-
jafarmaysam اخوية العزيز الله ايسهلك حبي ويارب يتصلون بالكفلاء يارب
بس اني مخلص كلشي ختى الملف مالتي مختوم وماباقي بس تحديد الولاية
ومشكور اخوية الخالدي على الرد اخوك جوزيف
-
يارب تتيسر امور الجميع ويكون لهم الصالح
-
اي والله اخوية جوزيف الله يساعدك اللقمة وصلت للحلك ومتتنزل بالزردوم من ورة الكفالة يارب الله يسهل امورك وتسافر بأسرع وقت انشاء الله
-
حبي لا تدير بال ....تلكه كفيل اذا مو اليوم باجر....وان شاء الله ماكو اي بوري
-
مشكورين حبايبي الله ايعزكم يارب اني باجر رح اخابر المنضمة واغير الكفيل خلي اتاخر شهر ونص احسن مما يضربني بوري وبدال ميسويلي منية ويرفضني اني رح ارفضة قبل ميتصلون بية وميكفلني
اخوكم جوزيف
يارب بالموفقية والحياة السعيدة وافرح بيوم سفركم
-
واللة يااخي جوزيف موضوعك عجيب شلون الكفيل يوقع بالبداية وبالاخير يستغنى عنك واللة عجيبة الدنيا قابل شراح يصير هو كم يوم الى ان تستقر خلصت الدنيا خما خلصت واللة اني داستغرب من موقفهم ليش هيجي يتصرفون اذا ما يكدرون يكولون من البداية ليش يورطون العالم وياهم عجيب امورهم انشاءاللة اخي الكفيل الثاني يوفي بوعده وما يطلع مثل الاول ربي يوفقك باي ولاية كانت ومع اي كفيل كان ما اكدر اكول شي بس نعلت اللة على الزمن الي يخلي الواحد يوكع بهيجي ظروف ربي يصبركم ويوفقكم
-
مشكورة اخت اينجي على المشاعر الطيبة
والله يا اختي شكولج هذة الناس هيجي صارت مع احترامي للجميع
حتى اصدقائي الي با ارمريكا نسو عدهم صديق الي هوة اني
وبس حطو رجلهم بمطار نيويورك اتكوليين صارو وزراء
بس شنكول الله موجود ونعم بالله
اخوج جوزيف
-
اشونكم اخواني وخواتي
طبعا اليوم اتصل بالمنضمة علمود اغير الكفيل ومن ساعة 9 الصبح اتصل لحد ساعة 3 الضهر يلة حصلت محمود الي هوة مسئوال الولايات
طبعا حجي هواااااااية ومقبل بلا اول ايغيرلي الكفيل المهم ضلينا نجادل هواية يلة قبل انطية العنوان الثاني او عنوان الكفيل الثاني وكلي اوكي اني رح اشوف شغلي وانت تابعني
اخوكم جوزيف
-
الله ليعوز ليمنى عليسرى أخ جوزيف بالعكس حت لواحد يعرف أوادمه ياعيني قابل اظل مصادق هيج نماذج
-
مشكور حبي شيبو على مشاعرك الطيبة الله ايوفقك يارب
بس عبالي اصدقائي يوكفولي با امركيا وجانو ايكولون تعال ونحطك بعيونة بس من شافو الشغلة صارت صدك
كل واحد كام ايجر بنفسة
بس ماطول رب العالميين موجود هوة ارحم الراحميين واهنا اخوتي وخواتي ماقصرو وياي واكيد مرح ايقصرون بيوم وياية واكيد مرح اقصر وياكم
اخوك جوزيف
-
حبيبي جوزيف عيش وشوف هو شون تعرف لبشر غير من مواقفهم والتجربه ولا تغث نفسك بلعكس احمد الله وشكره انه خلاك تكتشفهم من خلال أبسط وقفه ومجرد معنويه!! وفوكاها متقصد اذيتك هذا بيا وجه حيقابل ربه
-
الله كريم وعيونك اني ما اهتم لهذة الشغلات وهذة شغلة بسيطة لا اكثر ولا اقل مجرد انتضر 4 اسابيع
وبيني وبينك اني اصلا جنت متردد اروح لكنتاكي ورب العالميين حلها من عندة
ربك مينسى عبدة والله كريم مشكور حبيبي شيبو على وقفتك وياية والله ايعزك ويسلمك يارب وافرح بسفرك القريب انشاء الله اخوك جوزيف