ankawa
منتدى الهجرة واللجوء => الهجرة و واللاجئين => الموضوع حرر بواسطة: dark angel b13 في 11:59 12/08/2009
-
السلام عليكم
اخواني اني اريد اسولفلكم قصتي اني طالب كلية اخوانية طلع بل ال siv وكال اكو برنامج مال iom من العراق تكدر اتروح اتقدم بي علومد تجي يمي هذا الحجي العام اني رحت اني واخوية الجبير وقدمنة وقابلنة المقابلة الاولى يوم 4\3\2009 ورة شهرين وكسور خابرونة على المقالبة الثانية والفحص الطبي وصارت المقابلة الثاني يوم 27\5\2009 والفحص ورهاة بيومين وبعدين كلونة انتظروا ورها بشهر ضبط اجتنة رسالة من الDHS بيهة عدة خيرات وهمة امشارينة على هذا الخيار
further review of your eligibility for refugee resettlement in the uinted states
هذا الرسالة اجتي يوم 29 \6\2009 واحنة ليهسة منتظرين
اني اريد اعرف شنو معنى هاي الرسالة ؟ وهل هاي الرسالة هي الموافقة ؟ واذا كانت او لم تكن الموافقة بعد اشكد راح اسافر ؟ واشكد ينطون وقت حتة الواحد ايرتب امورة للسفر ؟ زين اشوكت ايحددون الولاية الي راح ايودك الهة ؟ واني انطيهم العنوان مال الخوية اكوا احتمال ايودوني يمة ؟ زين اكوا احتمال الشغلة اطول اكثر من سنة ؟
لان اخواني اني مثل ما كتلكم طالب عفت الكلية من ورة هاي السفر وخاف اصير مثل ما كال المثل
لا حظت برجيلهة ولا اخذت سيد علي
مشكورين اخواني على سعة كلبكم اتمنة انوا اتردون علية بسراع وقت لان اني هسة اريد كشاية واتعلك بيهة
ولو اني دخوتكم بس اريدك تتحملوني
اخوكم
-
اهلا وسهلا بيك اخي العزيز
هو ترجمه النص يعني مراجعة بعض تفاصيل تأهلك لاعادة التوطين بامريكا
بس اعتقد يمكن يكون دراسة وبعدها انشالله يجيلك قبول المحلف
لان الي عرفته من خلال المحلف وحسب كلامه الي اثناء المقابلة انه المحلف يقدم تقريره وهناك مسؤول هو الذي يقرر القرار النهائي
وممكن تتصل بالمنظمة وتسالهم احسن
-
حبي اولا على الخير والبركة على موافقه الوفد الامريكي
مشكله التي نعاني منها كلنا هي محد يكدر يكولك شوكت راح تكدر تسافر ...
ثانيا توكل على الله والصبر هو مفتاح الفرج وانشاء الله تجي الموافقه الامنيه بأسرع مابمكن والله يسهله
عليك وعلينا.
لا تستعجل الامور لانه اكو هوايه ناس صار اكثر من سنه ينتظروا اكو ناس هم هوايه بعد استلام الضرف باسبوعين سافروا يعني تفائل بالخير وكول يالله
اخوك ابو مرتضى
-
هاي غير جملة محيرة
further تجي بمعنى "كذلك" وتجي بمعنى "يؤيد"
review of your eligibility for refugee resettlement in the united states
استعراض أهليتك لإعادة توطين اللاجئين في الولايات المتحدة الأمريكية.
ما أدري بعد بس أعتقد انو جاية بمعنى يؤيد , لأن الجملة يصير بيهه نقص إذا جاية بمعنى كذلك ... هذا إذا ماجان اكو حجي قبل هذي الجملة يكمل المعنى ...
ما أدري بعد
-
شكرا اخواني عى هذه الردود السريعة والرائعة والله اوك نرة في منتدى اشوف الجواب ايكون بهذه السرعة والله هذا المنتدى اقل ما يقال عليه فهوة رائع واني اتمنى انوا نمقة متواصلين سوية بل المعلومات الى السفر وحتة لو وصلنة بعون الله نبقة هم متواصلين والله ابرايك بيكم وينطيكم على كد نيتكم والله ايبرد كلبكم مثل ما برتوا قلبي
اخواني اني رايد اعرف اشوكت ايحددون الولاية الي راح ادزوك بيه وهل ايكلولك بهية ؟
واني انطيتهم عنوان اخوية اهناك هل اكوا احتمال انوا ادزيني يم اخوية بنفس الولاية واخوية كاعد بكنتاكي ؟
شكرا لكم وعلى سعة صدركم
-
اهلا بيك اخونا بالمنتدى بس ردت اسألك عن شغلة ليش دتعوف الكلية انت ليش متحاول تمشي بحياتك طبيعي وشةكت متكمل الشغلة تبدي ترتب امورك وتروح صدكني عندك مجال
-
اخواني شكرا على ردوددكم الرائعة
اختي ورقاء اني سالفتي سالفة وذا اكلج يمكن ما اتصدقين اني اجتي المقابلة الاولى بل الامتحنات مال النص السنة واذطريت اعوف امتحانين واجة الفحص الطبي والمقابلة الثنية هم بل الامتحانات مال الفينل وهم عفت 3 امتحنات لان صار الفحص مالتنة على مرحلتين وراهة طلعت ب6 ادروس من ورة هاي الشغلة اني قررت اعوف السنة لان رسبت بس اني ما اتوقت انوا الشغلة راح اطول هلكد قلت قبل الامتحانات مال الدور الثاني اني طالع اشو الشغلة صارت صدق والامتحانات راحت تجي واني بعدني مقموع اهنا والله ما ادري شسوي اروح ادوام كلية طبعا اني مرحلة ثاني كلية الهندسة الجامعة المستنصرية قسم الكهرباء وذا اوام كلية هم ماكو فايدة لان اني اذا طلعتلي هم راح اعوفهة واروح فلهذا اني كلش مشتت وما اعرف شسوي راحت علية سنة من الكلية واني بعدي ما امسافر والله ما ادري شسوي هذا الجؤ دمرنة وقف حياتنة هسة لا احنة امسافرين ولا احنة عايشين حياتنة
وعلى سؤال اخوية اني ترة اخوية دزو علية مناك بكنتاكي وخابرني وكلي اتصلوا بية يعني هذا ابيشر بخير اونا اتصوا بخوية ؟
واني اشكركم لان اتحملتوا اهمومي
شكراااااااااااااااااااااااااااااااااااااااااااااااااااااااااااااااااااااااا
-
اخي dark angel اني ممكن افيدك بالترجمه مع فائق احترامي للترجمات الاخرى وهي صحيحه 100 بال 100 ولكن حسب ما انته كتيته معناها (( القضيه قيد الدراسه النهائيه)) وهذه الترجمه قانونيه مالكلام كان عباره عن مصطلحات وليس كلمات وبالعراقي معناها (( اصبر والله كريم)) واني اتفق مع الاخت الكريمه ورقاء انته لازم لازم تعيش حياتك طيبيعيه ولازم اتكمل كليتك وما ادري ليش المجاملات بس قضيتك راح تاخذ وقت والله اعلم لان اني على هاي العباره الفيزه مالتي اتاخرت شهرين (( الفيزه مو الموافقه النهائيه)) والموافقه تاخذ وكت اطول ولك مني خالص التحيات وامنياتي بالموفقيه
ملاحضة : دارك انجل تعني ابليس او الشيطان وما اتصورك غير انسان طيب القلب والله يبعدك عن ابليس واعوانه كفانا الله شرهم ههههههه ;D
-
اخ dark angel b13 اولا خلي مشاكلك وحده وحده لتكومها على نفسك وتالي اتضوج
اول شي هذا الجواب انبعث للكل الي مقدمين من بغداد نفس الاختيار وحسب مكالت الموظفه هذا موافقه مبدئيه بس بانتضار الموافقه الامنيه وبس توصل موافقتك الامنيه راح ايحددولك موعد سفر وتسافر ان شاء الله
واحنا تقريبا نفس التواريخ الي ذكرتها فرق كم يوم وهسه جتي الموافقه الامنيه للحاله الي ويانه وحددولهم موعد سفر بالاسبوع الاول من رمضان وقسم بعدهم ينتضرون الموافقه الامنيه
اما بالنسبه للدراسه انت اكيد مدرست بهاي الفتره فمراح تكرد تمتحن الدور الثاني وحتى اذا امتحنت هم مراح اتكمل اما اذا اتريد تمتحن بس تسقيط فريضه فهذا انت الي اتقدره
محد يكدر ينطيك وقت الموافقه الامنيه ولا حتى ال اي او ام بس هيه انتضرها منا للعيد احتمال الله يفرجها عليك وعلى كل المنتضرين والله ايوفقك وايسهل امرك اختكم ريم
-
اني اشكروكم اخواني واخواتي على هاي الاجوبة الي دخلت بل الصميم والي انطتني فكرة كلش حلوة على الي اني بي وانتوا ابدا ما قصرتوا والله انشاء الله يسهل الى كل واحد منكم دينتظر اي شي من مقالبة الى موافقة الى اخره وانشاء الله كلنة نلتقي اهناك اخوان وانشائ الله اكثر من الاخوان لان علي شفتة اني بهذا المنتدى صدق ايدل على انوا العراقين ناس طيبين ويحبون يساعدون اخوانهم العراقين والله ايسهللكم طريكم والله اخواني ما اعرف اشون اشكركم واني اهنا تحت امركم بكلش اطلبوا رغم قلة معلوماتي بس الي امر بي كلة انشاء الله راح تلكوا موجود والتوفيق من رب العالمين( وخلي عينك بعين الله يا العراقي )
اخوية نرة dark angel تعني ملاك الظلام يمعود اشجابك على عزرايل هية هيج بل الكوة ماشية انوب اصير عزرائيل ;D
مشكورين
-
عزيزي دارك انجل مو معناها عزرائيل انما هي معناها (( ابليس)) او الشيطان الله ايجفيل شررررره هههههههه
حبي واني ما انطيتك هذا الاسم انته الى اختاريته لنفسك ههههههههههه والله حلوه هاي مال عزرائيل ههههه
حبييب هذا اللقب مذكور بالانجيل وهو من القاب الشيطان
losifer
saitan
dark angel
prince of darkness
وغبرها والله موتتني من الضحك ههههههه