ankawa
منتدى الهجرة واللجوء => الهجرة و واللاجئين => الموضوع حرر بواسطة: مازولا في 12:53 12/08/2009
-
السلام عليكم اخواني الاعزاء ... اليوم اريد اسال عن اجازة السياقة ... هوايه معلومات موجوده بالمنتدى عن الموضوع و مشكورين الاخوان و الله يوفقهم و يوفق الجميع ... بس عندي سؤال ... اذا اطلع اجازة سياقة دوليه من الامارت (يعني مو من العراق) ... هم يصير امشي بيهه فترة بامريكا مثل ما جماعة الخليج يسوون ويه الاجانب الى ان الواحد يطلع اجازة سوق محليه ... اذا واحد عنده معلومات يا ريت ينطيني خبر مع الشكر الجزيل
اخوكم مازولا
-
اكيد اخي الاجازه الدوليه الصادره من اي دوله لها نفس الميزات في كل الدول المشتركه فيها ومن ضمنها الولايات المتحده الامريكيه
دعائي للجميع بالموفقيه
اخوك الخالدي الاصيل
-
زين أخوان بالنسبة للي يطلع أجازة دولية من العراق .....فيكدر يمشي بيها فترة بأمريكا وشكد الفترة أي المدة مالتها وتنتهي..........
تحياتـــــــــــــــــــــــــــــــــــــــــــــــــي ;)
-
السـلام عليكم
اني قبل شهر طلعت الاجازة الدولية من بغداد وحسب ما قريت بيها انه هي معترف بيها بالدول اللي تعترف بمعاهدة جنيف ومن ضمنها الولايات المتحدة يعني هي تمشي بكل دولة تعترف بقوانين جنيف بعد الحرب العالمية الثانية.
تقبل مروري
-
اخي العزيز نعم معترف بها بشرط ان تكون سارية المفعول يعني مجددها
-
اخوان اكو شغله مهمه بالنسبه للاجازه لازم تاخذوه بالاعتبار
هي انته جاي امريكا مقيك دائم يعني عندك عقد بيت سنوي او كل ستة اشهر و حساب بنك
لو جاي لامريكا جاى كسائح او تاجر لمده لا تزيد عن الشهر
حسب قوانين الولايتين الي عشت بيه وهي متشابه اي شخص بعد الشهر لازم يطلع اجازة الولايه الي هو كاعد بيه واجازه بلده ميكدر يستخدمه
يعني اذا انتوا جاين كلاجئين متكدرون تستخدمون الاجازه العربيه او الاجنبيه بس شهر او اقل حسب الولايه و اكو ولايات تطلب تسوون الامتحان العملي والنظري او بس النظري وتعتمد على نوع الاجازه الي جايبه و من اي بلد
اما في حلتنا الي هي اكيد\ لا سائح او تاجر احنا كاعدين مده طويله وغير معلومه فيطلبون منا انوا يكون عدنه اجازه الولايه الي احنا بيه حتى نسوق بس مثل ما كلت انوا من الممكن الاستفاده من الاجازه الدوليه باختصار الامتحان العملي ولاكن مو النظري لاختلاف القوانين ,,
يعني انى نقلت من ولاية الى ولايه مطلبو من اي امتحان لانوا نفس القوانين وماكو فرق بين الولايتين اخويه عنده جان اجازه المانيه طلبو منه الامتحان النظري فقط و السياقه مطلبوه منه
-
اخي العزيز كلام اخوي hussein5582 مضبوط 100/100
-
الأجازة الدولية الصادرة من اي دولة بالعالم يسمح السياقة بها فقط للسيارات المستأجرة
تحياتي
-
كل التحيات الى كل من جاوب على الموضوع ... الاجانب هنا بالخليج اللي حاملين اجازات سوق دوليه (مو الكل بس الامريكان و اوروبا الغربية و اليابان) من حقهم ان يسوقون لمدة شهر بالاجازة الدوليه و بعدين بهاي الفترة يتم اعطاءهم اجازة محليه بدون دورة او امتحان ... اما بالنسبه لباقي الجنسيان (و احنه العراقيين منهم) لازم ندخل مدرسة و نروح امتحان داخل الساحه و في الطريق ... لهذا انا كنت دا اسال ... اذا اهل الخليج يبدلون اجازة السياقة راسا ممكن اكو عمل بالمثل من امريكا لاجازة السياقة الخليجية ... هاي اولا ... و ثانيا مع الاحترام للاخ حيدر بس ما اعتقد اكو فرق بالنسبه للسياقة اذا كانت السيارة مؤجرة لو ملك شخصي ... مع الشكر للجميع
-
مع التقدير لمازولا بس اتفاقية جنيف 1949 تنص على ان تكون الأجازة الدولية نافذة للسيارات المستأجرة وهذا ما كان معتمد لدى السلطات الأردنية فكان يحق لنا سياقة سيارة سياحية مستأجرة بالأجازة الدولية العراقية وغير مسموح بسياقة سيارة رقمها اردني عادي
تحياتي
-
الاخ مازولا
كلام الاخ حيدر67 مضبوط..انا ذهبت حتى اصدر اجازة سوق دولية من سورية لنفس الغرض ولكن الموظفة سالتني اين الوجهة وهل ذاهب اقامة او زيارة وبعد معرفة تفاصيلي اخبرتني ان بامكاني استئجار سيارة فقط هناك كسائح ولكن امريكا لا تعترف باي شهادة سياقة في حال الرغبة في شراء سيارة او استصدار شهادة سياقة امريكية ولكنها تسهل بعض الاجراءات فقط كما انني استفسرت من احد اصدقائي في كاليفورنيا واكد لي نفس الشيء
تحياتي
بغدادي
-
اخي العزيز اني طبعا حاليا بالولايات المتحده تحديدا بولاية تينيسي
قانون المرور بالولايه وعلى الاكثر في جميع الولايات لا يعترف بالاجازه الدوليه العراقيه
مو لسبب انها عراقيه او غير عراقيه بل لانو هنا الاميركان عندهم مبدأ انو اي مستمسك ماعدهم بيه اوليات ميعترفون بيه يعني اجازة السياقه العراقيه صحيح تثبت انك تعرف اتسوق بس عدهم هاي متاكل لان ما عدهم اوليات عليها
فاحسنلك لتضيع فلوسك بالاجازه الدوليه وروح امتحن من توصل اميركا الامتحان سهل بس لازم تكون جيد باللغه الانكليزيه حتى تقرا الكتاب مال مرور شويه الشغله ينرادلها قرايه واذا سقطت تكدر اتعيد وره اسبوع واحسنلك تقرا الكتاب وتمتحن لان هنا قانون المرور مو مثل يمنا
اتمنى اكون افدتك بالمناسبه اذا اكو اخوان من غير ولايات عدهم غير كلام فارجو ان يفيدوك