ankawa
منتدى الهجرة واللجوء => الهجرة و واللاجئين => الموضوع حرر بواسطة: متفائل جداً في 17:17 13/08/2009
-
السلام عليكم
اليوم حبيت انزل هل موضوع حتى نستفاد وتستفيدون منه طبعاً هو بخصوص المرفوضين والمقدمين استناف
يعني كل واحد يكتبلنه كم اشارة موجودة في الرفض ماله وحتى الي مقدم استناف ومقبول او مرفوض يكللنا كم اشارة موجدة بل رفض مالته حتى نكدر نحدد ونعرف شنو الاستناف الي ينقبل وشنو الي مينقبل
طبعا اني انرفضت يوم 7/7/2009 وقدمت الاستناف يوم 23/7/2009 والى هسه ماكو شيء
رفضي كان ماشر على الخيار الرابع فقط لا غير اي عدم المصداقية
تمنياتي للكل بل قبول انشاء الله
اخوكم متفائل جداً
-
الله يسهلك وللشباب ان شاءالله كلكم تنقبلون وبسرعةوتمشي معاملاتكم
-
هلوووو
بل نسبة الي اني انرفضت يوم 7/7 وسويت استناف 23/7 ولحد هسه ماكو اي شيء
والرفض مالي مؤشر على الخيار الثالث والرابع
ودننتضر رحمة الله
مشكور اخويه متفائلاً جداً على الموضوع
-
احنا انرفضنة يوم 1-7 و قدمنا استئناف يوم 19-7 و جانة رفض للاستئناف و كان مؤشر على الاختيار التاسع other reasons مع العلم احنا بسوريا
-
اخي اشكرك على متابعتك للمواضيع ويايرت نوصل النتيجه
اني مرفوض بشهر 7 وكان مؤشر على الاختيار الرابع عدم المصداقية قدمت استئناف ولحد الان ماكو شي
الله كريم ويقدملنه البي الخير ان شاءالله
-
يا أخ متفائل جدا والله من اقرا اسمك صدك اتفائل
انشاالله يا رب الخير يعم على الجميع
اني انرفضت يوم 13-7 وما استانفت لحد الان وما اعتقد راح استأنف
رجعت لليو ان بس لحد الان ماكو اي شئ جديد
تحياتي
أبو أيمن - عمان
-
السلام عليكم
والله اني دشوف الي انقبل وبعدين رافضي الافضل ان لايقدم استناف ولا يضيع وقته رائسا يروح للامم المتحدة ويطلب تحويل دولة لان رفضة يكون جاي من فوك اي
هذا استنتجت من الاخت اسيل ومن ولد صديقي ايضا نفس حال اسيل هم خيار رقم 9 وهم اجه الاستناف ماله بسرعه وانطو رفض
واتمنى الكل اشارك حتى نكدر نستنتج اكثر ونعرف الوقت الي يردولنا بي
-
شباب الله يسعدكم
اني بسوريا انرفضتش يوم 7/7 وجان ماشر على الخيار الرابع عدم مصداقية سويت استئناف في 23 / 7
ولي هسة ماكو شي بس انشاء الله خير لين اني اعرف جماعة اتاخر الاستئناف 7 اشهر اجاهوم قبول
واتمنا من الله ان ايوفق الجميع
تحياتي
-
يا أخ متفائل جدا والله من اقرا اسمك صدك اتفائل
انشاالله يا رب الخير يعم على الجميع
اني انرفضت يوم 13-7 وما استانفت لحد الان وما اعتقد راح استأنف
رجعت لليو ان بس لحد الان ماكو اي شئ جديد
تحياتي
أبو أيمن - عمان
حبيب قلبي ابو ايمن انشاء الله الكل متفائلة
الاخ العزيز ابو ايمن انته ما كلتلنا شنو سبب رفضك واني انصحك ان تقدم استناف حتى بدل الفرصة اصير فرصتين
تمنياتي الك بل توفيق
-
اخواني الاعزاء اجوا من الله كل المرفوضين ينقبلون بدوله احسن منلي رفضتهم بس اذا ماكو زحمه كل المرفوضين منسوريا لوعمان مندري بتركيا اكو هيجي شي لو لا مع الشكر
-
عزيزي متفائل جدا
سبب رفضي هو الاختيار الرابع ( عدم المصداقية ) حالي حال كثيرين اجاهم رفض بهذا السبب
بعدين اني ما قدمت استئناف لان ما عندي قناعه ان تطلع مرة ثانية
وانا اصلا غير راغب بامريكا بس قبلت بوقتها حتى لا ينغلق ملفي كوني طالب لجوء ولا يحق لي ان احدد ما اريده
بس ما معنى هذا انه اذا كان بوقتها تطلعلي امريكا ما اروح لا بالعكس لو كان الله سهل ومشت الامور كان طلعت
حالي حال الباقيين
تمنياتي بالتوفيق للجميع
وانشاالله تتيسر امور الكل وترتاح هذه الناس من حالة عدم الاستقرار اللي الكل عايش بيها
أبو أيمن - عمان
-
السلام عليكم
ان شاء الله يكون جميع الاعضاء بخير ..كل يوم افتح الموقع وابدأبتصفحه وخصوصا قضية المرفوضين ولحد الان لم نسمع عن احد انرفض وقد م استاناف ثم ردوا عليه بالموافقة فالموضوع كل مجاله يتعقد ومخاوفنا اتزيد وقلقنا علما انه تم رفضي من سوريا بسبب عودتي الى بغداد عدة مرات فهل صادف احد الاعضاء سبب رفضه كان مثل هذا السبب ثم اغلق ملفه لانهم لم يتصلوا بي لحد الان . والرفض كان بتاريخ 1/7 وتقديم الاستثناف بتاريخ 19/7 وذهبت الى الun ولم ياخذوا مني اي اوراق او عناوين الاصدقاء والمعارف بباقي الدول وقالوا لي الامل ضعيف ولا تنتظرين اي اتصال شوفوا الاحباط
مع جزيل الشكر
-
السلام عليكم
اعزائي ابو ايمن ومتفائل جدا شلونكم عيوني والله مشتاق اسمع اخباركم اني زين الحمد لله وبالنسبة الي ماقدمت على الاستاناف ابد لانه تاخير بدون فائدة وان شاءالله تفرج عليكم وعلينة ونروح الى دولة افضل ونرتاح واتمنى لكم ولكل الاخوان في المنتدى كل الموفقية والله ايسهل امورهم انشاءالله لان العراقيين تعبو هواية ولعد شوكت يرتاحون, كولو يا الله وهي تفرج.
اخوكم
شكوماكو
-
السلام عليكم
ان شاء الله يكون جميع الاعضاء بخير ..كل يوم افتح الموقع وابدأبتصفحه وخصوصا قضية المرفوضين ولحد الان لم نسمع عن احد انرفض وقد م استاناف ثم ردوا عليه بالموافقة فالموضوع كل مجاله يتعقد ومخاوفنا اتزيد وقلقنا علما انه تم رفضي من سوريا بسبب عودتي الى بغداد عدة مرات فهل صادف احد الاعضاء سبب رفضه كان مثل هذا السبب ثم اغلق ملفه لانهم لم يتصلوا بي لحد الان . والرفض كان بتاريخ 1/7 وتقديم الاستثناف بتاريخ 19/7 وذهبت الى الun ولم ياخذوا مني اي اوراق او عناوين الاصدقاء والمعارف بباقي الدول وقالوا لي الامل ضعيف ولا تنتظرين اي اتصال شوفوا الاحباط
مع جزيل الشكر
عيوني فالستا
بل نسبة لشغلت استاناف اني بنفسي سالت البنية الي اخذت ضرف استاناف كتلها بيها مجال يعني ينقبل الواحد بعد الرفض كالت اكيد وخصوصا هسه ديجي قبول اكثر من قبل وسالتها على الرد الي يمكن يردولنا كالت هذا الشيء غير معروف بس قبل كانت تتاخر بس هسه كالت انتضر من شهر الى 3 اشهر وبلسنها هيه كالت روح الى un واطلب دولة ثانيه كتلها كالولي املك ضعيف كالت معنا في امل
بل نسبة الطلب المرفوضة قبل 4 اشهر انقبل صديق الي وكان سبب عدم مصداقية وصديق الخ سببة رجوع لبغداد انطو رفض لان يعتبرون الي راجع لبغداد غير معرض لخطر وصديق لخ هم جان سببة عدم مصداقية حولو لكندا بعد شهرين من رفضة وحاليا هو بكندا هسه اكثر الناس الي مدنسمع موفقيلهم بل استاناف وذلك لان اصلا هم ديحولهم لغير بلد وديطلع وعندي صديق انرفض بشهر السادس حولو قبل اسبوع لفلندا
تحياتي الكم
-
أخواني الأعزاء
أني قابلت المحلفين في الشهر 3 من سنة 2008 وتم رفضي في وقتها , وفي ذلك الوقت كنا أحنا بنفسنا نكتب الأستأناف وأحنا نرسله بالبريد الى السفارة الأمريكية في أثينا ( اليونان ) وهكذا كتبت الأستأناف وأرسلته في شهر 5 /2008 . قابلوني مرة ثانية في شهر 3/ 2009 , وهذه المرة قبلوني , وأني هسة أنتظر الموافقة الأمنية .
اللي أريد أن أقوله هو أنه الواحد لازم مايأيس , وأحنا مانعرف هذوله المحلفين شلون يفكرون , فأني كان سبب رفضي تقريبا سبب سياسي , علما أنه أني كنت لا بيها ولا عليها , بس المحلف اللي قابلني في وقتها كان مبتدأ وكان كلش عدائي في مقابلته , بينما المحلف اللي قابلني المرة الثانية كان أنسان جيد ومنفتح ويفتهم شغلته كلش زين .
فياأخواني لا تأيسون وسوو اللي عليكم وأتركو الباقي على ربكم .
-
Un
10 / 12 / 2006 دخلنا سوريا
10 / 03 / 2007 قدمنا على اليوان (راما– رشا )
15 / 05 / 2008 عملنا مقابلة توطين ( شذى )
02 / 01 / 2009 تمت دراسة ملفنا
04 / 03 / 2009 عملنا مقابلة IOM في المزة ( نيرمان – محمد – ديما الخير )
19 / 03 / 2009 مقابلة ثانية IOM في المزة ( محمد )
19 / 05 / 2009 مقابلة الوفد ( واحد حقير الله لا ايشوفة الاحد )
02 / 07 / 2009 الظرف النتيجة رفض ريحانة
22 / 07 / 2009 استئناف ( الله ايكون ابعونة ) ريحانة
-
السلام عليكم شباب
هل صحيح هذا الخبر
الصراحه هاي اكثر من واحد اسمع انو الي مرفوض بشهر السادس بدو يحولوهم لغير دول
طبعا هل كلام بسوريا يكولون واحد اتحول لفلندا واحد لستراليا وكلهم الي ديتحولون حاليا هم مرفوضين بشهر
السادس
تحياتي الكم
-
حبيبي متفائل جدا شلونك عيني ان شاءالله زين .حبيبي اهنا بالاردن واحد مرفوض بالشهر السادس وحولو على فنلندا وواحد مرفوض من امريكا طبعا بالشهر السابع وحولو على كندا واحنة ان شاءالله طابكين على السرة والله كريم.
اخوكم
شكوماكو
-
أخوان ارجو منكم ان تفيدوني بمشكلتي لاني كلش دايخ وماأعرف شسوي...اني انرفضت من أمريكا في الشهر السابع وزوجتي وأطفالي ووالدتي قبلوهم بنفس الشهر(السابع) رغم جنه كلنا نفس الكيس بس من أخذنه الظرف طلع لعائلتي رقم كيس ووالدتي رقم ثاني واني كيسي رقم اخر واني مقدم على أستئناف حتى ألتحق بعائلتي طبعاً.وهسه عائلتي دتمشي المعاملة مالتهم وحددولهم الولاية واني خايف عليهم شلون يسافرون لوحدهم لبلد غريب خاصتاً ماعدنه اي أقرباء هناك .ودأفكر بزوجتي شراح تسوي بالجهال وامي المريضة هناك لوحدها ودأفكر ان أأجل سفر والدتي بلكت يوافقون عليه ونسافر سوه .ماأعرف يصير أأجل سفرها لولا...فأرجوا من الي عنده خبرة بهذه الأمور ينصحني شسوي وأكون شاكر الكم.....وللعلم اني بعمان...
-
الى كل الاخوان الضليعين بقضايا ال iom أشو محد جاوبني على مشكلتي ولاأحد بين وجهة نظره بيها مو اني دأنتظر جواب منكم ....لو بوري محد يجاوبني... ياجماعة اغيثوني اغاثكم الله واني بعدني دأنتظر جواب منكم ...وشكرا...
-
الوووووووووووووووو هل من مجيب ....
-
الاخkamr بعد التحية
بصراحة انا اول مرة اسمع انه ملف الزوج يفصل عن الزوجة و الاطفال ممكن ينفصل عن ابوه و امه و اخوانة لكن الزوجة و الاطفال ما سامعة
بالنسبة لتاجيل السفر اي تقدر تاجل حسب ما اعرف اتصل بالاي او ام و اسالهم و شوف همة شنو ينصحوك بس هذا ما اتصور يساعد ملفك زين انت شنو سبب رفضك؟
مع امنياتي بالموفقية و راحة البال
-
السلام عليكم
عندي خبرين الكم واحد حلو واحد محلو
بعد استفساراتي من ناس هوايه الي انرفضت استنتجت انو كل المرفوضين يتصلون بيهم اليؤان بعد شهرين تقريباً
الخبر الحلو انو يحولوك لبلد ثاني ما اعرف اذا كندا او اي دولة اوربية
والخبر المحلو انو يكلولك انته خلص راح ينغلق الملف مالك ومالك حق تراجع منا لسنه ونص
طبعا هاي بل نسبة لسوريا وما اعرف اذا بغير بلدان هم نفس شيء او لا
اتمنى للكل بل موفقية والاستقرار
اخوكم متفائل جداً المرفوض قبل شهر و17 يوم
-
انا لاجئة من تركيآ وحاليآ وصلت للولايات المتحدة الأمريكية انا وامي وخواتي اثنين ماعدا ابوية رفضتة اللجنة الأمريكية ووصلنة سبب الرفض مثل مجانو كاتبين بالكتاب الاختيار الرابع(عدم مصداقية وعدم وجود الأدلة المادية الكافية الي تثبت اقوالة)ومثل متعرفون المقبالة الثالثة كلها عن العسكرية وكان هذا هو سبب رفضة شككو بيه انه عندة رتبة عسكرية لمجرد انه هو خريج هندسة زراعة واحنة مقدمين استئناف من شهر الرابع 2009ولحد هسة ماعدنة اي جواب من عدهم بس اريد اعرف اذا اي احد عندة معلومات عن هذا الموضوع يكولي اياها لأن اريد اعرف شكد ممكن ان يتاخرون اكثر يلى يتصلون بيه واذا جان عندة امل بأنه يقبلوه لو لا؟؟؟اتمنى اشوف رد على هذا الموضوع لأن كلش مهم بالنسبة الي.
-
عزيزي sagee+georgie
بل نسبة لسوريا هوايه اتصلو بل مقدمين استناف في شهر الخامس اي مرفوض بل رابع واجهاهم الرد
فا انتضرو بهل شهر اكيد راح تسمعون شيء
تمنيات الك بل توفيق
-
نحن انرفضنة بالشهر 10\2008ولم نقدم استئناف في وقتها عسى ان نتحول الى دولة اخرى لكن البوري اتصلو بنا بعد شهرين واخبرونا بانهم غلقو ملفاتنا نهائيا من التوطين لعدم امكانية تحويلنا الى دولة اخرى وتم تسليمنا (رسالة) وقعنا عليها مكتوب بها ذالك والسبب اننا لم ننشمل بشروط التوطين للدول المانحة للتوطين وهذا حصل مع كثير من العوائل في سورية طبعا انا سبب الرفض انه خدمتي العسكرية في شمال العراق..لكن المفاجئة يوجد من هذه العوائل كانو مقدمين استئناف في وقتها والان اتصلو بهم قبل 10 ايام ووافقو عليهم واجرو الفحص الطبي خلال اسبوع حيث المقابلة والفحص الطبي خلال اسبوع.شنو السبب يتصلون بنا بغلق الملف ثم بعد 8 اشهر يتصلون بالبعض مقابلة وموافقة سريعة...اخوكم الحمداني