ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 20:31 13/08/2009
-
السلام عليكم ورحمه الله وبركاته
اخواني الاعزاء
بعد مقابله الوفد هل باستطاعه احد افراد الاسرة وليش صاحب القضيه العودة للعراق لفترة زمنيه قصيرة
ام سيؤثر هذا على كل افراد الاسرة
تقبلو تحياتي
-
هو سؤال تكرر كثيرا
وهذا فيه مخاطر من خسارة الكيس بالكامل ولكن هنالك شواذ
والله الموفق
اخوكم
ابوهدى -مصر
-
اخي العزيز رح اجاوبك بدقه
منضمه الاي او ام ماعدهم قانون على ضوءه يمشون وانما الاجراء يكون على اقتناع لجنه اوكي هاي اول حقيقه لازم الكل يقتنع بيهه
اذا الشخص رجع للعراق بعد موافقه الوفد هي كلش خطره لان احتمال 80 بالميه يعرفون واذا عرفو من صلاحياتهم يوقفون الاجراات مال السفر ويسون تحقيق او يعيدون مقابله بالاي او ام حتى يعرفون اسباب الرجعه حتى لو كانت 24 ساعه فقط لان الشخص الي وافقو عليه اهم سبب وافقو انو ميكدر يرجع للعراق ويكون مضطهد هناك وانت رجعت وره الموافقه
وتكون النتيجه احتمال قوي رفض اما اذا اقتنعو بعد ما لغو سفرك فرح ياجلوك مده طويله للسفر مره ثانيه وتكون مثل العقوبه
اما احتمال 20 بالميه ميحون بيك ولا يشوفون جوازك وتعبر الشغله بس هيه مخاطره
للمعلومات انو حته الموضف من الاي او ام الي يجي للمطار ويسهل اجراات السفر صارت هسه من صلاحياته انو يوقف اجراات السفر ويرجع الاوراق للاي او ام اذا شك بامور مثل غير تطابق صور الفيزه مع الشخص او تغير بالشكل بشكل كبير او اضافه تاتو واضح ومجان موجود بالفحص الطبي او يشك بالجواز او يشوف اكو رجعه عراق بالجواز جديده
ملاحضه اذا رحت للاي او ام وسالتهم انو اريد ارجع للعراق رح يكولولك هذا الحجي رح يكولون احنه ماكو قانون يمنع بس ننصحك لا ترجع حتى لو 24 ساعه لان يعرض ملفك للمسائله
وشكرا
-
اخي العزيز
في حال اعضاء الاسرة هم من ضمن الكيس وكلكم ضمن ملف واحد وقصة واحدة فلا انصحك ولا احد افراد العائلة بالسفر الى العراق..بعد مقابلتي مع الوفد الامريكي وانتظاري حتى انتهاء جميع المقابلات للموجودين جمعونا كلنا وابلغونا بان السفر الى بغداد سيعرض الشخص للمسائلة ومن الممكن ان يتاخر الرد وسيؤثر على نتيجة المحلف لهذا انته اتحملت كل هالفترة من اجل الوصول الى هدف فتحمل هالشهرين والله الموفق
تحياتي
-
الاخوان الاعزاء
freeman2
WRONGED
Baghdady73
شكرا جزيلا على النصيحه وتوضيح بعض الامور الي كانت خافيه عني
وبارك الله بيكم وان شاء الله الموفقه لكم وللجميع
شكرا لمروركم
نحياتي
-
اخي العزيز
من توصلك الموافقة الامنية
تكدر تروح تسافر الى العراق بشرط تكدر تعود بدون اي معوقات وما راح يعرفون المحلفين بذاللك
طبعا اذا عندك شيء مهم وضروري ولا يتجاوز الاسبوعين .لان عندي صديق سوه هاذا الشيء والان هو في امريكا .