ankawa
منتدى الهجرة واللجوء => الهجرة و واللاجئين => الموضوع حرر بواسطة: اوركي في 01:28 14/08/2009
-
عمان 13 آب/أغسطس (آكانيوز)- يبدي عدد من العراقيين المقيمين في الأردن تساؤلات كثيرة قبل اتخاذهم قرار السفر الى الولايات المتحدة بعد حصولهم على موافقة المنظمة الدولية للهجرة، وتنصب معظم هذه التساؤلات حول المساعدات المالية التي يحصلون عليها وحجم التحدي الذي سيواجهونه اذا ما وصلوا هناك.
يقول احمد السيد سائق مركبة لنقل المسافرين بين العاصمة الاردنية عمّان والمطار في حديث لوكالة كردستان للأنباء (آكانيوز) ان "اغلب العراقيين الذين ينقلهم الى المطار خلال رحلتهم الطويلة الى الولايات المتحدة يبدون قلقين جدا وكأنهم يذهبون الى عالم مجهول مليء بالإسرار وتحيطه المخاوف من كل جانب وخصوصا ان اغلب المسافرين المهاجرين هم من ذوي الدخول المحدودة".
وتحدث السيد حول اكثر القصص غرابة، عدول مهاجر عراقي عن قرار سفره قبل ركوبه الطائرة "قبل اسبوع نقلت مسافر عراقي الى المطار وكانت لديه رحلة الى اميركا في منتصف الليل ولكن فجئت حين اتصل بي بعد وصوله بساعتين يطلب من ان اتي الى المطار كي ارجعه".
وتابع "زميلي يدعى فراس وهو شاب عراقي رفض ركوب الطائرة حينما علم ان قرارا للحكومة الاردنية يمنعه من العودة بسبب امتناعه عن دفع رسوم المخالفات الا ان تدخل العشرات من المهاجرين تمكنوا من اقناعه بالسفر معهم وذهب الى اميركا".
وفي السياق ذاته يقول منتصر جميل عراقي (44 عاما) يقيم بالاردن ولديه فتاتين "انا لا ارغب بالسفر الى امريكا ولكن زوجتي ترغب ذلك كثيرا وسبب عدم قناعتي هو الحياة التي اعيشها في الاردن او العراق لا استطيع ان اعيشها في امريكا"، اما زوجته تقول "انا اتفق مع زوجي من حيث المواجهة الصعبة للظروف الاقتصادية لكنني اطمح ان يكون لي ولبناتي جوازا أميركيا".
ويقول الطبيب العراقي صفاء حامد متقدم بطلب لجوء الى بلد ثالث "اغلب العراقيين الرغبين بالسفر الى اميركا هم من الشباب والعوائل الصغيرة الذين يتطلعون الى ان يحملو جواز سفر امريكي كي يتجولون اليه في البلدان العربية والاجنبية فضلا عن المزيا التي يتمتع بها المواطن الاميركي".
اما عمر اسماعيل (36 عاما) اب لابنتين لم تتجاوز اعمارهما العشر سنوات يقول "انا اخشى على تربية بناتي لأني اسمع ان هناك الاختلاط في جميع مراحل الدراسة العمرية فضلا ان هناك اختلافا بالتقاليد بين الشعبين ونحن شعب مسلم لدينا الكثير من المحرمات".
ويضيف اسماعيل "ماذا استطيع ان افعل لبناتي الاثنين لو تعودتا على تقاليد المجتمع الامريكي، والقانون هناك لا يسمح لي بالتدخل، لذا انا لا استطيع ان اتخذ قرار السفر لاميركا رغم توقعي باقتراب موعد السفر في الشهور المقبلة".
وكانت التقارير الصحفية الصادرة في اميركا اشارت الى صعوبة الحياة الاقتصادية التي يعيشها العراقيون في امريكا و تعرض بعضهم الى حالات من التشرد بسبب عدم حصولهم على فرص عمل او عدم قناعة بعضهم بالعمل في اي مجال خصوصا بعد انتهاء مدة الدعم التي تتراوح مابين 3 اشهر الى سنة.
(اكانيوز) ات 13/8/2009
المصدر
http://www.aknews.com/ar/aknews/3/62683/
-
أخي اوركي
شكرا على الموضوع ......... ولكن لماذا هدا الموضوع ؟؟؟
وثانيا : كل انسان وله وجهت نظرا في الحياة وهو صاحب القرار في ما يشاء ولكنني متأسف جدا من هولاء ناس الدين (ياخدون جق غيرهم في التوطين) ومن يوصل المطار غير رائيه ويرجع شنو هدواله شنو تسموهم والله ماعرف بس اريدا كله ليش انته متعب نفسك ورايح على هاي مقابلات كلها ومدوخ روحك مسوي فحص طبي وتعبانه وبعدين يحجزولك مقعد بطياره وتوصل المطار وبعدين تغير رائيك ........؟؟؟
والله بطران شنو يريد يجرب اي او تم راح تسفره يو لا ...... هو شنو لعب اطفال
يمعودين والله شغله دوخ ماعرف شيرون هذوله ناس البطرانين !!!
يأخدون حق غيرهم بتوطين سبحانه الله والله حرام عليهم الدي يسونه
ياخوان اسف على الاطاله ولكن هي شغله صدك تقهر
اخوك ابو مرتضى
-
??? ??? ???
والله العظيم والله العظيم ناس بطرانه
وفوك القهر تمشي اوراقهم بسرعه ويحددولهم موعد سفر
واحنا الي بس نريد نروح معاملتنا تجر وتعر
مع احترامي هذوله الناس مو مال احترام
لان دياخذ فرصه ديتمناها واحد غيره بفارغ الصبر
أذا هو اكو هيجي فكره براسه ومعتقدات من الاول يرفض ويفضها ليش منتظر موعد الطياره
بعدين ميروح لاحول ولاقوة الابالله
-
عاشت أيدك أخي أوركي عالموضوع.. ونور المنتدى برجوعك ومشاركاتك الرائعة ..... مشتاقين لكتاباتك الحلوه
-
أخوان ليش تترددون ميحتاج اي تردد أمريكا هي ارض الاحلام وكل واحد بينا يريد يوصل اليوم قبل باجر ترة اكو ناس وصلت بس يشوهون الحقيقة بسبب (شغل ماكو _ غربة الخ ) واحد يتعود وهناك الله يبعثله رزق ويتوكل على الله احنا هم راح انعوف بيوتنا وعملنا وكل شي انتو غير اتضحون والله اني عندي جماعة طلعوا قبل شهر هسة همه مرتاحين ويراسلوني ويكولون الشاطر هنا يشتغل فميحتاج هالتردد هاي فرصة العمر واذا معرفت تستغلها ترة طول حياتك تبقى نادم
-
والله اني أقترح على الامم المتحدة اتوقع الواحد قبل لا يقابل المقابلة الاولى في حالة رفض السفر الى الولايات المتحدة يوقع غرامة قدرها 5000 $ دولار للشخص حتى هنا الواحد ينفرز بين اللي صدك يريد اروح وبين البطرانيين
ليش هيه الاردن و دول الجوار دايمة للعراقيين ساعة الساعة اطك بعقلهم وسفروا العراقيين اللي مايريد اروح لعد ليش كمل الاجرائات وهذا الشخص ماكان يعلم انه راح ينمنع من دخول الاردن 5 سنوات اذا مادفع الغرامات لو هذا اللي وصل للمطار شنو نزل عليه الوحي باخر لحظة
ههههههههههه
الله كريم والله اسهل امور العراقيين اللي يبحثون على الحياة الكريمة والاحلام و الامان مو البطرانيين
شكرا الك لناشر الموضوع
اخوك رافد
-
اخوية العزيز كل شخص عنده رايه وعنده قناعته
البارحه عندي صديق صارله سنه كاملة مقدم على IOM بغداد البارحه خابرته المنظمة وكالوله عندك مقابله يوم 29/8 ولازم تجي خابرني كالي اريد اكنسل القضية مااريد اسافر الى امريكا كتله يمعود لعد ليش صارلك سنه منتظر وذابح نفسك كلي اخاف اسافر واخاف واخاف وكام يسطرلي كلام على العموم كتب للمنظمة وكاللهم اريد اسحب الملف مالتي ومااريد اطعل
فيا اخوان اكو اشكال اكو ناس تخاف تجرب الحياة الجديدة
واكو ناس تحب تجرب الحياة الجديدة بحلوته ومرته
-
ما اعرف على من اعتب ... عتبي عالزمن اللي خله العراقي متردد ما يعرف شيريد ... احنه لو عدنه وطن حالنه حال العالم يحترمنه ويلمنه ويحفظ كرامتنه ما صار بينه هالشكل ... عموماً اخوان .. تره كل واحد وظروفه وحظه ... حتى اذا تصير شغلته ويحددوله موعد سفر فمن حقه يتردد ويخاف ... لان احنه الزمن لعب بينه طوبه وبملعب امطين بمي وزفت ....
الله يفرجهه على كل عراقي فقير
سيزر
-
السلام عليكم يا اهلنا
راح احجي كلام سمعته من اصدقاء شخصيين وهم حلفوا عليه لمن وصلوا لامركا وراح اذكر اسمائم بالتفصيل شوفوا اخواني المترددين بالسفر والمقبلين عليه شنو السالفه
د مناف طبيب باطنيه : كلي ابو عبدالله تجي لامريكا تريد تتونس وتضيع المشيتين تكدر وتريد تبني حياتك وتشتغل وتعيش هم تكدر
منتصر عبد : كلي بالنص (( يمعود جماعتنه بطرانين ايريد يجي لبامريكا ويلكي كلشي كدامه حاضر ليش بالعراق جان اكو هيج شي لو كلهه طلايب ومشاكل وبالموت يالله تحصلك شغل وبعدين يبدي النفاق والدجل مال القدامى)) اسف للتعبير ولكنه بالنص
ثامر الجقماقجي : مهندس ديكور كالي ابو عبدالله تريد تشتغل اتدور شغل وتلكي الى يناسبك ولا تخاف من الحجي الي ما بيه لا زايده ولا فايدة
سامي : طالب وطلع من العراق كلي لو بيدي جان اني هسه ملياردير كتله اشلون كلي اجي لامريكا اشويه من وكت وهو عمره 23 سنه حاليا
محمد الجاف : كلي اني عايش وانه هم تكدر تعيش اذا اتريد بس ما كو احد ايحط بحلكك غيرك
والعاقل يفتهم
تقبلوا التعليق
اخوكم ابو عبدالله
-
شكرا اخي على الموضوع, ولكن كل واحد اله وجهة نظر ورائيه الخاص اني اعرف كثير ناس ما يكدرون يعيشون بالمجتمع الغربي لان تقاليده وعاداته تختلف عن المجتمع الشرقي بهوايه امور وكل مجتمع اله محاسن ومساوىء والقرار الاول والاخير بيدك انت وين تريد تعيش.
-
السلام عليكم
شكرا أخي اوركي على الموضوع اللي ديشكل هاجس لاغلب العراقيين المقبولين على التوطين ولم أقل كل العراقيين لان هناك أشخاص محددين هدفهم بشكل صحيح وماشيه بأتجاهه.
يمكن هذا الموضوع عرض بأكثر من طريقة والنتيجة وحده.
منكدر نلوم الشخص ونكله ليش هيجي سويت وانت هسه متريد تروح لان الظاهر اكو ناس ناس لحد الان ممستوعبه أهمية الموضوع ويمكن لسهولة العملية مديحسون بقيمتها.
أتوقع من المفروض أن الشخص يقيم أمكاناته قبل أن يتخذ قرار السفر والدخول بمعمعة المقابلات والانتظار لان هو لا طالع سياحة ولا شمة هوا.
المفروض منخلي الفشل أمامنا علمود نوصل للنجاح.
ندعو من الله التوفيق للجميع والوصول والاستقرار والنجاح.
تقبلوا مروري
عيني بغداد
-
اخوان لاتظلمون الناس وتتهموهم بالبطر وغيره كولو الله ايعينهم منهم الخايف ومنهم المتردد وكل واحد اله مبرراته واني اايدالاخ رافد فعلا ماكو استقرار بالدول العربيه اني صارلي اثني عشر سنه مقيم وعندي تصريح عمل بالاردن وماكدرت اجدد التصريح لانه اكو طلبات تعجيزيه جديده وانتو عدكم الباقي والله ايسهل للجميع ونستقر ونرتاح
-
ما اعرف على من اعتب ... عتبي عالزمن اللي خله العراقي متردد ما يعرف شيريد ... احنه لو عدنه وطن حالنه حال العالم يحترمنه ويلمنه ويحفظ كرامتنه ما صار بينه هالشكل ... عموماً اخوان .. تره كل واحد وظروفه وحظه ... حتى اذا تصير شغلته ويحددوله موعد سفر فمن حقه يتردد ويخاف ... لان احنه الزمن لعب بينه طوبه وبملعب امطين بمي وزفت ....
الله يفرجهه على كل عراقي فقير
سيزر
هذا اروع تعليق
لأن الأخ سيزار وضع اصبعه على موطن الألم..
احنا اللي ما كان عدنا حظ في بلدنا اشلون نقدر نبني ثقة ونحطها في بلد بعيد كل البعد من كل النواحي عن بلدنا؟؟ من حق كل شخص ان يتردد خصوصا ً اللي مستقر وضعه وماشية اموره نوعا ما في البلد الثاني (الأردن مثلا) ما يقدر يخرب كلشي ويقدم على شغلة مصيرها مجهول
يعني بالضبط مثل القمار.. لو راح تربح كثير
لو راح تخسر كثير
لكن بشيء من العقل والتضحية والتسهيلات اعتقد كل امور العمل والتقدم ممكن اتصير.. وبكل تأكيد كل واحد بينا له وجهة نظر ورأي مستقل وانا احترم جميع الآراء..
سيزار .. بس هاي اشلون رهمتها عبارتك الأخيرة؟؟ ملعب أمطين بماي وزفت؟؟ ههههههههههههههه
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا
-
اخوان
السبب الرئيسي للرفض الذهاب الى امريكا هو (اليو ان )التوطين بلذات هو الملام لانه هو الي يقرر البلد (امريكا)رغم الحاح من قبل االاجيء لا يرغب الذهاب الى امريكا ويضغط محامي التوطين على الاجئ بلذهاب الى امريكا والا؟؟؟سوف يغلق ملفة او ينتضر الى اجل غير مسمى ......ويحول ملفه الة iom ....
هاذا سبب المشكله برائي
والسبب الثاني هو اكثر الي يرفض الذهاب الى امريكا هو ان الاجيءاساسا لديه اقامة ولديه بسنس ولديه املاك ....لا يريد ان يتبهدل في امريكا وهو المدلل المقتدر
-
السلام عليكم اخوتي الكرام
اولا احب ان أشكر الاخ اوركي على نقل الموضوع وهو ذو فائدة كبيرة
واود ان اقول هنا في معرض الحديث عن الهجرة واللجوء الى اميركا ان هذا البرنامج قد تم تخصيصه لفئة من الناس معرضه للقتل والتشرد بسبب عملها مع الحكومة الامريكية او لسبب اخر وهذا البرنامج ليس مخصص لناس شبعانين وحياتهم مستقرة في العراق او في الاردن او غيرها من الدول ومحتارين بين الذهاب الى اميركا من عدمه
اخوتي الكرام اتمنى لو كل منا يتخيل وضعه وحياته انها مهدده فعلا وانه على وشك ان يقتل او يشرد في اي لحظة ؟؟
اليس الذهاب الى اميركا والعيش والعمل هناك بالرغم من صعوبه كل شئ افضل من ان ينتظر الواحد منا متى سيقتل او يهجر او غيرها من الامور ؟؟؟؟!!!!!!
انا هكذا أرى الموضوع ..انا ارى ان الحكومة الامريكية وعن طريق منظمة الهجرة الدولية تحاول ان توفر او تنقذ الاشخاص اللذي فعلا حياتهم مهددة بالخطر وتنقلهم الى حياة اخرى على الرغم من صعوبتها فهي افضل من انتظار الموت او التشرد
اما الاخوه اللذين يريدون السفر الى اميركا وهم بالاساس يعيشون حياة مستقره ماديا وعائليا والاخوه خارج العراق ايضا الذين يعيشون حياة مستقرة فلا داعي لذهابهم الى اميركا لان هذا البرنامج اعتقد غير مخصص لهم فهم بالتأكيد ينظرون الى الحياة في اميركا حياة صعبه لانهم بالاساسا يعيشون باستقرار ويطمحون الى حياة افضلا اعتقد انها ستتوفر لهم هناك
مع حبي وتقديري
ابو راشد