ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو سالم في 12:57 14/08/2009
-
السلام عليكم
اخواني اخواتي بالمنتدى الرائع طابت اوقاتكم
اما بعد
الموضوع اليوم هو انريد نعرف شنو الي يواجه اللاجئ العراقي الجديد على اراضي الولايات المتحده الامريكيه. مثلا الاخوان الي بأميركا يفيدونا اول شي الولايه الي ساكنين بيها وتاريخ الدخول للاراضي الامريكيه ونوع المساعدات وايجارات الشقق بالولايه اسعارهن والمظايقات الي يواجها اللاجئ اول ايام وصوله وبعدين نتطرق الى موضوع العمل هل هو متوفر بالولايه الي راح يسافر الها اذا الله سهل حتى الواحد من عدنا يعرف هاي المعلومات بحيث من يوصل الى ارض الواقع لاينصدم لان راح يتحول من مكان الى مكان آخر واعتقد مو نفس العادات والتقاليد يعني اخوان المختصر المفيد انه نريد نعرف امريكا قبل وصولنا الها حتى لاننصدم بمواضيع احنا ماعدنا خبرة بيها واخص بالذكر الاخت الغاليه انجي والاخ العزيز القرش والاخ ماجلان وباقي الاخوة الاعزاء لان الموضوع يفيد الاخوان والاخوات الي عدهم معامله توطين على الولايات المتحده الامريكيه.
و الشكر مقدماَ الى كل الاخوة الي راح يفيدونا بهذا الموضوع ويعرفونا بتجاربهم
مع فائق التقدير والاحترام
ابو سالم
-
اخ ابو سالم اكو موضوع مماثل للي طلبته وهوه ولايات امريكيه من وجه نظر عراقيه وتلكي بيه ارشيف كامل تعابنين على الاخوه الي بالخارج ممكن ان تستفاد منه واذا عندك اضافه حتى ايكون مرجع واحد
وتسلم على تفكيرك بالمنفعه لاخوانك
اختكم ريم
-
السلام عليكم
شكرا للاخت ريم عبد على هاي المعلومه بس احنا نريد الواحد الي عنده معلومه يفيد بيها غيرة لان هاي الصفحه الي انتي تتكلمين عنها احتمال لو يبقه المشترك نص ساعه يله يشوفها احنا هدفنا ان يبقه هذا الموضوع بالصفحه الاواى حتى المشترك او العضو الجديد يشوفها بالبدايه راح يفتهمها
ابو سالم
-
اخي العزيز ابو سالم طبعا هواية ناس راحو لاامريكا وهواية ناس بعدهم منتضرين واللي دينتضر يريد يشوف اللي منتضرة بامريكا شنو وطبعا لازم احنا نحجي حتى يعرفون البقية شنو موجود هنانة بس لمن الةاحد يحجي ويمول هيجي الوضع يطلعوا كسول ومو شاغول ومعتمد علة المساعدات. اخي العزيز هنانة بامريكا خلي ابالك الواسطة اهم شي هنانة حتى اكدر اكلك اكثر من الكفاءة.يعني اللي عندة عرف بمكان كبل راح يشتغل لانه عندة واسطة.واللي ماعندة واسطة يموت من القهر. اخي اني اجيت قبل سنة لامريكا لولاية اوريكون وبقيت 8 اشهر بلة شغل ورة 8 اشهر يلة لكيت شغل وانكليزيتي زينة وصاحب شهادة وخلال هاي ال8 اشهر كنت اشوف ناس ديشتغلون حسب المعارف مالتهم والله وكيلك (يس ونو) ميعرفون زين هاي شتسميها مو واسطة. الوضع هنانة امان وحقوق انسان وحسب الاصول كلشي موجود بس اذا ماعندك شغل صعبة.وهسة اني لكيت شغل بس اكو المئات ماعدهم شغل عطالة بطالة لانه اجوي هسة جدد.فاخوية العزيز الوضع صعب هنانة اني اللي شفتة بهاي الولاية اللي ساكن بيها ما اعرف بغير ولايات شكو بس ارجع واكولك والواسطة ثم الواسطة لانه البلد اللي يدخل بيه عراقيين يخرب بصراحة لحد يزعل جبناها مناكة واجينةز مع تحياتي الك